• Ինչպե՞ս են անցնում «Տատաստրոֆա» սիթքոմի նկարահանումները. այն, ինչ չեք տեսնի եթերում (վիդեո)

  «Արմենիա» հեռուստաընկերության եթերում այս շաբաթ մեկնարկեց «Տատաստրոֆա»՝ կատաստրոֆիկ իրադարձություններով հագեցած սիթքոմը...

• ArmenՅԱՆs. Դավիթ Սարգսյանը՝ Ջորջ Քլունիի եւ Բրեդ Փիթի հետ «Գայլերը» ֆիլմում նկարահանվելու եւ Փիթի վրա «զենք պահելու» մասին

  Մեր հայրենակիցներից քչերին է հայտնի, որ ֆիլմում մասնակցություն է ունեցել նաեւ ամերիկաբնակ հայազգի դերասան Դավիթ Սարգսյանը․․․

• «Համարձակ քայլս այն է, որ 8 ամսով իմ մայր թատրոնից պետք է հեռանամ». բալետի արտիստ Րաֆֆի Գալստյան

  Արվեստի աշխարհում միշտ կան այնպիսի արվեստագետներ, որոնցից նոր շունչ է ստանում բեմը․․․

• Լողազգեստով, էլեգանտ ու +2 կիլո․ Դիանա Մալենկոյի ֆրանսիական արձակուրդները (ֆոտո)

  Դիանա Մալենկոն լուսանկարների շարք է հրապարակել Instagram-ում՝ ցուցադրելով իր ֆրանսիական հանգիստը․․․

• Անկեղծ ասած, կուզեի Ղարաբաղում ֆիլմ նկարած լինեի. ռեժիսոր Գոռ Կիրակոսյան

  Ճանաչված սցենարիստ և ռեժիսոր Գոռ Կիրակոսյանը, ով հայտնի է իր տարբերվող ու սիրված ֆիլմացանկով՝ ներառյալ «Քայլ ձիով», «Տոմս դեպի Վեգաս», «Կորած մոլորվածը Հայաստանում», «Մեծ պատմություն փոքր քաղաքում», «Սևազգեստ կանայք», ռեժիսորական աշխարհում զբաղեցնում է յուրահատուկ տեղ...

• «Ես քո Արցախն եմ, դու իմ Հայաստանը»․ Hayat Project-ը նոր տեսահոլովակ է ներկայացրել

  Hayat Project-ը նոր տեսահոլվակ է ներկայացրել՝ «Ես քո Արցախն եմ, դու իմ Հայաստանը» երգի հիման վրա...

• Սիրուշոյի նորությունը, Անահիտ Հակոբյանի հզոր հաղթանակն ու վերադարձը, Թելմանի խոհերը․ Instagram-ը՝ այս շաբաթ

  Շաբաթը գրանցեց հաղթանակ։ Երգչուհի Անահիտ Հակոբյանը փայլուն մասնակցություն ունեցավ Սոչիում կայացած «Նոր Ալիք» մրցույթում՝ ստանալով ժյուրիի կողմից ամենաբարձր միավորները...

• Հրաչ Մուրադյանը հայտնել է, որ 14 տարի եթերում լինելուց հետո «Կիսաբաց լուսամուտները» նոր թողարկումներ չի ունենա

  Հրաչ Մուրադյանը հայտարարել է, որ 14 տարի եթերում լինելուց հետո «Կիսաբաց լուսամուտները» նոր թողարկումներ չի ունենա․ հաղորդավարը ֆեյսբուքյան իր էջում գրել է...

Լիլի Մորտոն օրերս ներկայացրել է իր նոր՝ «Chika Chika» պարային տեսահոլովակը: Երգը կրկին ռուսերենով է: Լիլին ասում է՝ ռուսալեզու երգերի 2 ալբոմ ունի, հետեւաբար՝ բոլոր երգերը պետք է լսարանի դատին հանձնի: Ինչպես նախկինում, այնպես էլ այս անգամ աշխատել է ռուս մասնագետների հետ, քանի որ իր կարծիքով՝ նրանք այդ երգերը եւ տրամադրությունն ավելի լավ են զգում:

Սա թվով 2-րդ տեսահոլովակն է, որ երգչուհին նկարահանում է Լոս Անջելեսում: Ըստ Լիլիի՝ ԱՄՆ-ում նկարահանած տեսահոլովակները հոլիվուդյան ֆիլմեր են հիշեցնում: Երգչուհու խոսքով՝ հենց այնպես չէ, որ Հոլիվուդը Լոս Անջելեսում է գտնվում: 

Լիլին NEWS.am STYLE-ի հետ զրույցում նշեց, որ շատ է հավանել այն, ինչ ստացել են արդյունքում:

«Տեսահոլովակում նկարահանել ենք նաեւ տարբեր ազգերի գեղեցիկ աղջիկների, որպեսզի այն ստացվի այնպես, ինչպես ես եմ պատկերացնում` գունեղ, հետաքրքիր եւ տրամադրություն հաղորդող։ Ես սիրում եմ փորձարկումներ անել: Նշեմ, որ մեր ընտանիքում ունենք երկու համալրում: Խոսքն իմ կատուների մասին է. Լոլոն եւ Պեպեն (նրանց անունները դրել եմ մանկությանս մուլտֆիլմի՝ «Պինգվինաշեն»-ի պինգվինների անուններով), նկարահանվել են այս տեսահոլովակում: Իմ միտքն էր, շատ գեղեցիկ է ստացվել։ Կարծում եմ, որ այս երգս էլ նախորդների պես կսիրվի եւ մեծ հաջողություն կունենա: Անդադար քաջալերող նամակներ եմ ստանում, իսկ տեսահոլովակներիս դիտումներն էլ փաստում են, որ ճիշտ ուղու վրա ենք»:

Մեզ հետ զրույցում Լիլին ասաց, որ ինչպես միշտ  ամուսինը՝ Վադիմ Չանգլյանը, ով նաեւ իր պրոդյուսերն է, իր կողքին էր.

«Ամուսնուս հետ միասին աշխատում եը նախագծում ենք ամեն բան: Յուրաքանչյուր դետալի շուրջ քննարկումներ ենք ունենում,  փոփոխություններ կատարում:  Միասին հասկանում ենք՝ ինչը պետք է փոխենք, այդ թվում՝ թե ձայնի, թե խոսքերի մեջ, տեսահոլովակի սցենարն էլ ենք միասին որոշում: Շատ երջանիկ կին եմ, քանի որ ամեն հարցում նա իմ կողքին է, աջակցում է: Արդեն այնքան եմ այդ մասին պատմել, որ կարծում եմ՝ բոլորին էլ պարզ է, որ ամուսնուս մասնակցությունն այս ամեն ինչի մեջ շատ մեծ է»:

Լիլիի խոսքով՝ բեմական կերպարը եւս ընտրվում է իրենց համատեղ քննարկման արդյունքում.

«Բեմական կերպարներս միշտ շատ վառ են, բայց այնպես չէ, որ մինչեւ բեմ դուրս գալն իմ կերպարները վառ չէին, որովհետեւ ես ինձ որքան հիշում եմ՝ թե փոքր տարիքում, թե դպրոցական տարիներին, թե համալսարանական տարիներին, միշտ սիրել եմ տարբերվել բոլորից, լինել վառ կերպարներով: Ավելին՝ ինքս ինձ համար հագուստներ եմ կարել, կերպարներ ընտրել, իսկ այսօր ամուսինս աջակցում է նաեւ այս հարցում՝ ընդունելով ինձ այնպիսին, ինչպիսին ես կամ։ Խանդելը, իհարկե, խանդում է. կարծում եմ, որ եթե մի օր հասկանամ, որ կողակիցս ինձ չի խանդում, ուրեմն՝ նրան այլեւս անհետաքրքիր եմ: Ընդգծեմ նաեւ, որ ես երբեւէ խանդելու որեւէ առիթ չեմ տալիս, մենք միմյանց շատ վստահում եւ հավատում ենք»,-ասաց երգչուհին:

Հետևեք NEWS.am STYLE-ին Facebook-ում, Twitter-ում և Instagram-ում