Միլիոնատերերն ու միլիարդատերերը կարծում են, որ փողով կարելի է երջանկություն գնել։ Նոր հետազոտությունը ցույց է տալիս, որ գերհարուստներն ավելի երջանիկ են, քան վեցանիշ աշխատավարձ ստացողները, հաղորդում է Bloomberg-ը։
Այսպես է ասում Ուորթոնի դպրոցի ավագ գործընկեր Մեթյու Քիլինգսվորթը, ով ուսումնասիրում է մարդկային երջանկության պատճառները։ Քիլինգսվորթն անցյալ տարի աշխատել է նմանատիպ հետազոտության վրա եւ այժմ թարմացրել է իր բացահայտումները՝ ներառելով գերհարուստներին:
«Արդյունքները ցույց են տալիս, որ փողի եւ բարեկեցության միջեւ դրական հարաբերությունները պահպանվում են տնտեսական սանդղակով շատ ավելի բարձր, եւ որ տարբերությունների մեծությունը կարող է էական լինել», - գրում է Քիլինգսվորթը:
Ըստ հետազոտության՝ միլիոն կամ միլիարդ դոլար կարողություն ունեցող մարդիկ նշում են, որ իրենց՝ կյանքից բավարարվածության միջին վարկանիշը 5,5-ից մինչեւ 6 կամ 7 է: Նրանք, ովքեր տարեկան վաստակում են մոտ 100,000 դոլար, ունեն 4,6 վարկանիշ, իսկ նրանք, ովքեր վաստակում են 15,000 եւ 30,000 դոլար, 4-ից մի փոքր բարձր են: Սա նշանակում է, որ բարձր եւ միջին եկամուտ ունեցողների երջանկության տարբերությունը գրեթե երեք անգամ գերազանցում է ցածր եկամուտ ունեցողների տարբերությանը:
«Եկամտի ստորին եւ վերին մակարդակների միջեւ տարբերությունը հսկայական է»,-Bloomberg-ին ասել է Քիլինգսվորթը:
Քիլինգսվորթն օգտագործել է իր նախորդ ուսումնասիրության տվյալները, ինչպես նաեւ՝ 2018 թվականի միլիոնատերերի ուսումնասիրության եւ 1985 թվականի ամենահարուստ ամերիկացիների՝ Forbes ցուցակի հարցումների տվյալները: Նախորդ հետազոտություններում նմանատիպ հարցեր են տրվել՝ որոշելու, թե ինչպես են մարդիկ գնահատում իրենց կյանքից բավարարվածությունը:
Նախկինում որոշ հետազոտողներ նկարագրել են «երջանկության սարահարթը», որտեղ բավարարվածության մակարդակը դադարում է աճել եկամուտների հետ միասին: 2010-ի հոդվածում այս սարահարթը գնահատվում էր տարեկան 60,000-ից 90,000 դոլար եկամտի մակարդակով: Բայց Քիլինգսվորթը անցած տարի նշել է, որ այն իրականում կարող է մոտ լինել տարեկան 500,000 դոլարին:
Հիմա հավանականություն կա, որ սարահարթն ընդհանրապես գոյություն չունի։ Եթե միլիոնատերերն ու միլիարդատերերը հակված են ավելի երջանիկ լինել, քան իրենց ոչ հարուստ գործընկերները, ապա, հնարավոր է, նրանց բանկային հաշիվների հավելյալ զրոները նպաստում են նրանց երջանկությանը: Սակայն այն հարցը, թե արդյոք կարելի է սեր գնել փողով, դեռ լուծված չէ։
Հետևեք NEWS.am STYLE-ին Facebook-ում, Twitter-ում և Instagram-ում
20:18, 7 սեպտեմբերի
Lamborghini-ն ներկայացրել է Reef AL Arancio յուրօրինակ մանկասայլակը18:10, 7 սեպտեմբերի
Ափամերձ նրբագեղության էությունը՝ Ralph Lauren-ի գարուն-ամառ 2025 հավաքածուում17:23, 7 սեպտեմբերի
Ռիհաննան՝ 20 000 դոլար արժողությամբ Alaïa վերարկուով16:02, 7 սեպտեմբերի
Սկսվել են «Աղախնի պատմությունները» սերիալի վերջին՝ վեցերորդ եթերաշրջանի նկարահանումները14:20, 7 սեպտեմբերի
Ջենիֆեր Լոպեսն իր նախկին ամուսնու՝ Բեն Աֆլեքի ֆիլմի աստղային պրեմիերային կրել է շլացնող զգեստ12:25, 7 սեպտեմբերի
10:34, 7 սեպտեմբերի
Սելենա Գոմեսը պաշտոնապես միլիարդատեր է դարձել09:00, 7 սեպտեմբերի
ՍԵՊՏԵՄԲԵՐԻ 7-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:06, 6 սեպտեմբերի
Սեքսի համար իդեալական օրն ու ժամը22:17, 6 սեպտեմբերի
Սելենա Գոմեսի սիրելին կիսվել է իր տարօրինակ պեդիկյուրի լուսանկարներով, որոնք սարսափեցրել են երկրպագուներին21:14, 6 սեպտեմբերի
ArmenՅԱՆs. Դավիթ Սարգսյանը՝ Ջորջ Քլունիի եւ Բրեդ Փիթի հետ «Գայլերը» ֆիլմում նկարահանվելու եւ Փիթի վրա «զենք պահելու» մասին20:15, 6 սեպտեմբերի