Ռեժիսոր Ելենա Արշակյանի ու սցենարիստ Անահիտ Մխիթարյանի «Նոր տարվա կինոն» համախմբել է մի շարք ճանաչված մեդիադեմքերի, որոնք հանդես են գալիս ինքնատիպ ու անսովոր կերպարներով: Ֆիլմում իր առաջին նկարահանման փորձն է գրանցում բլոգեր Աշոտը, որը TikTok հարթակում հայտնի է տարբեր կանացի կերպարների նմանակումներով: NEWS.am STYLE-ի հետ զրույցում Աշոտը մի քանի մանրամասներ է ներկայացրել:
Բլոգերը պատմեց, որ նկարահանման առջարկը ստացել է անսպասելի՝ Ելենա Արշակյանից: «Ընկերներով նստած էինք, երբ զանգահարեց ու առաջարկեց ֆիլմում նկարահանվել, ուրախությունից սկսեցի բղավել: Մեծ երազանք ունեի նկարահանվելու ու շատ ուրախացա առաջարկից»:
Ֆիլմում Աշոտը մարմնավորում է ինքն իրեն: «Բլոգեր Աշոտն եմ, ով անում է գլխավոր հերոսներից մեկի՝ Փիրուզի նմանակումը» (վերջինին, ի դեպ, մարմնավորում է Լիանա Վանոյանը, որի հետ մեր զրույցն արդեն ներկայացրել ենք. հեղ.):
Բլոգերի հետ նախագծում ներգրավված են այլ պրոֆեսիոնալ դերասաններ, որոնք, նրա խոսքով, իրեն աջակցում են ամեն հարցում (նրանց մասին ավելի մանրամասն կտեղեկացնենք առաջիկայում․ հեղ․):
«Սկզբում մտածում էի լարված եմ լինելու կամ ճնշված, բայց միջավայրը շատ լավն է, անձնակազմը՝ շատ աջակցող: Դժվար պահերից էր այն, որ մոտոցիկլետ վարել չգիտեի, ինչը պահանջվում էր իմ հերոսից, բայց սովորեցրին, թե ինչպես կարող եմ ետ ու առաջ անել, ու դա շատ կարճ տեւեց»:
Ֆիլմում հեռուստադիտողը կտեսնի մի շարք հետաքրքիր ու կոլորիտային կերպարների, որոնք առաջին հայացքից, գուցե, ծիծաղ առաջացնեն, բայց ինչպես հուշում են ռեժիսորն ու դերասանները, ամանորյա այս պատմությունն իրականում ավելի խորը իմաստ ունի․ այն կոչ է անում հավատալ երազանքին, եւ պայքարել նաեւ դիմացինի երազանքի համար, որը կարող է երբեմն ավելի գլոբալ ու կարեւոր լինել, քան անձնական ամբիցիաները։ Ռեժիսոր Ելենա Արշակյանն առայժմ շատ մանրամասներ չի հայտում։ «Չեմ ուզում բացել փակագծերը, բայց այստեղ խոսքը այն երազանքի մասին է, առանց որի մնացած ամեն ինչ կորցնում է իր արժեքն ու կարեւորությունը»,-ասում է նա։
«Ֆիլմը խորհուրդ կտամ նայել, քանի որ այն շատ բարի է՝ եւ կատակերգություն է, եւ, միեւնույն ժամանակ, դրամա, որը պատմում է երազանքն իրականացնելու կարեւորության մասին»,-եզրափակեց Աշոտը:
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
20:18, 7 սեպտեմբերի
Lamborghini-ն ներկայացրել է Reef AL Arancio յուրօրինակ մանկասայլակը18:10, 7 սեպտեմբերի
Ափամերձ նրբագեղության էությունը՝ Ralph Lauren-ի գարուն-ամառ 2025 հավաքածուում17:23, 7 սեպտեմբերի
Ռիհաննան՝ 20 000 դոլար արժողությամբ Alaïa վերարկուով16:02, 7 սեպտեմբերի
Սկսվել են «Աղախնի պատմությունները» սերիալի վերջին՝ վեցերորդ եթերաշրջանի նկարահանումները14:20, 7 սեպտեմբերի
Ջենիֆեր Լոպեսն իր նախկին ամուսնու՝ Բեն Աֆլեքի ֆիլմի աստղային պրեմիերային կրել է շլացնող զգեստ12:25, 7 սեպտեմբերի
10:34, 7 սեպտեմբերի
Սելենա Գոմեսը պաշտոնապես միլիարդատեր է դարձել09:00, 7 սեպտեմբերի
ՍԵՊՏԵՄԲԵՐԻ 7-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:06, 6 սեպտեմբերի
Սեքսի համար իդեալական օրն ու ժամը22:17, 6 սեպտեմբերի
Սելենա Գոմեսի սիրելին կիսվել է իր տարօրինակ պեդիկյուրի լուսանկարներով, որոնք սարսափեցրել են երկրպագուներին21:14, 6 սեպտեմբերի
ArmenՅԱՆs. Դավիթ Սարգսյանը՝ Ջորջ Քլունիի եւ Բրեդ Փիթի հետ «Գայլերը» ֆիլմում նկարահանվելու եւ Փիթի վրա «զենք պահելու» մասին20:15, 6 սեպտեմբերի