• ArmenՅԱՆs. Դավիթ Սարգսյանը՝ Ջորջ Քլունիի եւ Բրեդ Փիթի հետ «Գայլերը» ֆիլմում նկարահանվելու եւ Փիթի վրա «զենք պահելու» մասին

  Մեր հայրենակիցներից քչերին է հայտնի, որ ֆիլմում մասնակցություն է ունեցել նաեւ ամերիկաբնակ հայազգի դերասան Դավիթ Սարգսյանը․․․

• Պեդրո Ալմոդովարի «Հարեւան սենյակը» ֆիլմը Վենետիկի կինոփառատոնում արժանացել է ռեկորդային՝ 18 րոպեանոց ծափահարությունների

  Պեդրո Ալմոդովարի «Հարեւան սենյակը» ֆիլմը Վենետիկի կինոփառատոնում արժանացել է ռեկորդային՝ 18 րոպեանոց հոտնկայս ծափահարությունների․․․

• Խորասուզվել թախծի մեջ, կամ լավագույն կինոժապավենների ընտրանի` թախիծը հաղթահարելու համար

  Ամռան վերջին օրը թախծի երանգներ ես ապրում անցնող ամռան անհոգ ժամանակների առնչությամբ․․․

• Ռեժիսորը պատմել է սարսափ-ֆիլմի նկարահանման ժամանակ տարօրինակ եւ առեղծվածային իրադարձությունների մասին

  Ռեժիսոր Լի Դենիելսը պատմել է «Ազատում» (The Deliverance) սարսափ-ֆիլմի նկարահանման ժամանակ տարօրինակ եւ առեղծվածային իրադարձությունների մասին` հիմնված իրական պատմության վրա․․․

• «Babygirl» ֆիլմը. Նիկոլ Քիդմանի կարիերայի ամենավայրի ու բացահայտ սեքսի տեսարանները

  Վերջերս Vanity Fair-ին տված հարցազրույցում Նիկոլ Քիդմանը ասել է, որ վախենում է իրեն տեսնել իր նոր «Babygirl» ֆիլմում, քանի որ այն պարունակում է «շատ երկար» սեքս տեսարաններ․․․

• Սքարլեթ Յոհանսոնը՝ «Յուրայի ժամանակաշրջանի աշխարհը» ֆիլմում

  Universal Pictures-ի և Amblin Entertainment-ի նոր «Յուրայի ժամանակաշրջանի աշխարհը» ֆիլմը պաշտոնական անվանում է ստացել, հայտնում է Deadline-ը․․․

• Ամռանը մտածում ես միայն արձակուրդի ու ծովի մասին. ջրի տարերքի մասին ֆիլմերի առույգացնող ընտրանի

  Եթե այսպես դեռ շարունակվի, Երևանի շոգը բնակիչներին կստիպի հիշել իրենց նախնիներին և պարել անձրևաբեր պարը․․․

• Կինը խելագարության եւ մելանխոլիայի խառնուրդ է, կամ՝ չգիտես ինչու արժե դիտել Պեդրո Ալմադովարի «Մարդկային ձայնը»

  Կանանց սրտերի ռեժիսոր Պեդրո Ալմադովարը նրբորեն է զգում գեղեցիկ սեռի ապրումների եւ զգացումների աշխարհը...

Երեւանում շոգը նահանջում է եւ փոխարինվում կարճատեւ անձրեւներով եւ ամպրոպներով։ Այս եղանակին շատ ավելի լավ է շամպայն խմվում, այլընտրանքը՝ ֆիլմ կնոջ մասին, որն ստեղծել է Եվրոպայում շամպայնի ամենահայտնի բրենդներից մեկը։ Հենց այս մասին է «Մադամ Կլիկո» կինոնկարը։

Սյուժեն պարզ է. 19-րդ դար, այրիացած երիտասարդ կինն սկսում է կառավարել հանգուցյալ ամուսնու խաղողի այգիները՝ փրփրուն գինու նոր բաղադրատոմս հայտնագործելով։ 19-րդ դարի համար կինը, որն ինչ-որ բան է կառավարում, հետն էլ ինչ-որ բան հայտնագործում, շաբլոնի կոտրում է նշանակում։ Ի դեպ,  կինը խախտում է ոչ միայն պուրիտանական սոցիալական կարգերն ու օրենքները, այլեւ ոգեշնչում է այլ կանանց դուրս գալ իրենց ամուսինների ստվերից։ Ամեն բան խորանում է նապոլեոնյան պատերազմներով, անբերրի եղանակով եւ շամպայնի էմբարգոյով։ Չնայած այս բոլոր դժվարություններին՝ գլխավոր հերոսուհին գտնում է շամպայնը ցարական Ռուսաստան արտահանելու միջոցը։ Կինը նաեւ հայտնաբերում է ռեմյուաժի տեխնոլոգիա, որի շնորհիվ շամպայնը կորցնում է պղտոր տեսքը, որն առաջանում է նստվածքի պատճառով, քանի որ շշերը պահում են խցանները ներքեւ ուղղված վիճակում եւ ամեն օր շրջում են։ Այսօր այս տեխնոլոգիան ոչ մեկին չի զարմացնում, բայց ժապավենը ցուցադրում է դրա ակունքները։

Պատմությունը մատուցված է շքեղ եւ նուրբ՝ հիմնական շեշտադրումը դնելով այն կնոջ վրա, որն իր համառության շնորհիվ ժամանակից առաջ է անցնել։ Եթե ֆիլմից դինամիկա եք ակնկալում, կադրերի հաճախակի փոփոխություններ եւ սյուժեի անսպասելի շրջադարձեր, ապա «Մադամ Կլիկո»-ն ավելի լավ է չնայեք, քանի որ այն լի է միանգամայն այլ մթնոլորտով. վառ գույների փոխարեն կիսատոներ են, դինամիկայի փոխարեն՝ անշտապ վիճակ, էքշընի փոխարեն՝ նրբագեղություն։

Կինոնկարը ոչ միայն շամպայնի սիրահարների, այլեւ նրանց ճաշակով կլինի, ովքեր բոլոր մեծագույն պատմական իրադարձությունների հետեւում սիրում են դիտել անդրկուլիսները եւ իմանալ, թե ինչ է կանգնած գեղեցիկ եւ հաջող պատմությունների հետեւում, իսկ դրանց հետեւում քիչ չեն ցավը, կորուստները, տառապանքն ու պայքարը։

Հետաքրքիր է նաեւ այն, թե ինչպես է շամպայնը կինոնկարում աստիճանաբար դադարում պղտոր լինելուց՝ ի վերջո դառնալով բյուրեղյա թափանցիկ, ինչպես եւ կինոնկարի գունային գամման իրադարձություններին զուգընթաց աստիճանաբար լուսավոր գույներից անցնում է ավելի մուգ գույների, իսկ հետո՝ նորից լուսավորի։
Էսթետիկայի եւ պատմության սիրահարները պետք է անպայման դիտեն այս ֆիլմը։

Ռեգինա Մելիքյան

Հետևեք NEWS.am STYLE-ին Facebook-ում, Twitter-ում և Instagram-ում