Ճանաչված կիթառահար Լեւոն Սիմոնյանին շատերը գիտեն դեռ «Երգ Երգոց» երաժշտական հաղորդաշարից, որտեղ նա իր կատարողական վարպետությամբ յուրահատուկ գույն էր տալիս հնչող երգերին։ Նաեւ նրա ներդրումն էր այն, որ հաղորդաշարը 2012 թ-ին՝ Ազգային երաժշտական մրցանակաբաշխությանը արժանացավ «Լավագույն հաղորդում» մրցանակին։
Բայց Լեւոն Սիմոնյանին առավել լայն շրջանակներում ճանաչում են հայկական շոու բիզնեսի ամենահայտնի աստղերի համերգներին, տեսահոլովակներին ու ձայնագրություններին իր մասնակցությամբ։ Նրանց թվում են Արա Մարտիրոսյանը, Արկադի Դումիկյանը, Թաթա Սիմոնյանը եւ այլք։
Այժմ երաժիշտը գտնվում է ԱՄՆ-ում, որտեղ աշխատանքային պայմանագրով հանդես է գալիս հայ եւ ամերիկացի հայտնի երիգիչ-երգչուհիների հետ։
Տարբեր երաժշտական ժանրերում նվագելու բազմամյա փորձն ու աշխատանքի հանդեպ բծախնդրությունն է Հայաստանում եւ Հայաստանից դուրս պահանջված լինելու նրա գաղտնիք, NEWS.am STYLE-ի հետ հեռախոսազրույցում նշեց երաժիշտը։
Բացի հայտնի երգիչների հետ համագործակցությունից, Լեւոն Սիմոնյանը նաեւ երկար տարիներ աշխատել է Հայաստանի Պետական Ջազ Նվագախմբում եւ Հանրային Ռադիոյի Էստրադային Սիմֆոնիկ Նվագախմբում, որոնց կազմում շրջագայել է աշխարհի տարբեր երկրներում եւ մասնակցել տարբեր հեղինակային փառատոնների։ Մեզ հետ զրույցում նա առանձնացրեց Հայկոյի՝ Մարզահամերգային Համալիրում տեղի ունեցած համերգը, որին, ինչպես նշում է, «շատ յուրահատուկ հաճույքով և էմոցիաներով է նվագել»։ Հաջորդը նշեց Կամո Սեյրանյանի մենահամերգը, «որտեղ բացառապես գործիքային ստեղծագործություններ էին հնչում եւ որի համար աշխարհի տարբեր հատվածներից հայտնի երաժիշտներ էին ժամանել։ Ի դեպ Հայկոյի՝ «Սիրո հավերժ քաղաք» եւ Կամո Սեյրանյանի՝ «Դուդուկի մեծարման երեկո» համերգները 2018թ-ին «Ծիծեռնակ» ազգային երաժշտական մրցանակաբաշխությունում մրցանակներ ստացան, որպես տարվա լավագույն համերգներ»։
Որպես ճանաչված եւ գրագետ երաժիշտ՝ Լեւոն Սիմոնյանին հաճախ են հրավիրում տարբեր երաժշտական փառատոնների՝ ժյուրիի անդամի կարգավիճակում։ Նա առանձնացրեց «Փոքրիկ քայլ» եւ «Armenian Global art-fest» փառատոնները։
Լեւոն Սիմոնյանի մասին խոսելիս դժվար է մեկ հոդվածով ամփոփել նրա ամբողջ ստեղծագործական ուղին։ Այն լի է տարբեր երաժշտական խմբերի եւ անհատ կատարողների հետ համագործակցություններով։
Խոսելով իր ապագա պլանների մասին՝ նա հայտնեց, որ պատրաստվում է մի շարք անվանի երգիչների համերգներին, որոնց թվում են՝ հայտնի պարսիկ երգիչ Արեֆը, հայ երգիչներից՝ Արման Հովհաննիսյանը եւ Արկադի Դումիկյանը։ Երաժիշտը նաեւ ավարտում է իր անհատական գործիքային ստեղծագործությունների ձայնագրման աշխատանքները։
Հետևեք NEWS.am STYLE-ին Facebook-ում, Twitter-ում և Instagram-ում
20:18, 7 սեպտեմբերի
Lamborghini-ն ներկայացրել է Reef AL Arancio յուրօրինակ մանկասայլակը18:10, 7 սեպտեմբերի
Ափամերձ նրբագեղության էությունը՝ Ralph Lauren-ի գարուն-ամառ 2025 հավաքածուում17:23, 7 սեպտեմբերի
Ռիհաննան՝ 20 000 դոլար արժողությամբ Alaïa վերարկուով16:02, 7 սեպտեմբերի
Սկսվել են «Աղախնի պատմությունները» սերիալի վերջին՝ վեցերորդ եթերաշրջանի նկարահանումները14:20, 7 սեպտեմբերի
Ջենիֆեր Լոպեսն իր նախկին ամուսնու՝ Բեն Աֆլեքի ֆիլմի աստղային պրեմիերային կրել է շլացնող զգեստ12:25, 7 սեպտեմբերի
10:34, 7 սեպտեմբերի
Սելենա Գոմեսը պաշտոնապես միլիարդատեր է դարձել09:00, 7 սեպտեմբերի
ՍԵՊՏԵՄԲԵՐԻ 7-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:06, 6 սեպտեմբերի
Սեքսի համար իդեալական օրն ու ժամը22:17, 6 սեպտեմբերի
Սելենա Գոմեսի սիրելին կիսվել է իր տարօրինակ պեդիկյուրի լուսանկարներով, որոնք սարսափեցրել են երկրպագուներին21:14, 6 սեպտեմբերի
ArmenՅԱՆs. Դավիթ Սարգսյանը՝ Ջորջ Քլունիի եւ Բրեդ Փիթի հետ «Գայլերը» ֆիլմում նկարահանվելու եւ Փիթի վրա «զենք պահելու» մասին20:15, 6 սեպտեմբերի