• Երևանում կանցկացվի «Անցյալի ապագա» միջազգային էթնո-նորաձևության փառատոնը

  «Անցյալի ապագա» միջազգային մշակութային փառատոնի հյուրերն արդեն ժամանում են Հայաստան...

• Զվարճալի իրավիճակներ, քաղաքական հումոր ու «Մուշեղի մահը»․ «Ֆուլ Հաուսը» վերադարձավ ներկայացման տեսքով (VIDEO)

  «Ֆուլ Հաուս»-ում կրկին թեժ են ժամանակին մեկ տան մեջ հայտնված ու անբաժան դարձած հերոսների հարաբերությունները...

• Հայաստանի պետական սիմֆոնիկ նվագախումբը սկսում է 21-րդ համերգաշրջանը․ «Մեր նպատակն է Հայաստանը ներկայացնել աշխարհի մշակութային քարտեզում»

  Հայաստանի պետական սիմֆոնիկ նվագախումբը ազդարարել է նոր՝ 21-րդ համերգաշրջանի մեկնարկը․․․

• «Օսկար»-ի «Լավագույն միջազգային լիամետրաժ ֆիլմ» անվանակարգում Հայաստանը կներկայացնի ռեժիսոր Թամարա Ստեփանյանի «Արտոյի երկիրը» ֆիլմը

  «Օսկար»-ի «Լավագույն միջազգային լիամետրաժ ֆիլմ» անվանակարգում Հայաստանը կներկայացնի ռեժիսոր Թամարա Ստեփանյանի «Արտոյի երկիրը» ֆիլմը, հայտնում է Հայաստանի ազգային կինոակադեմիան․․․․

• Մաքուր միջավայրում մաքուր մտքեր են ծնվում․ Հակոբ Միկոյանի «ՄաքրաՊատումը»

  Աղբը սովորաբար տեսնում ենք այնտեղ, որտեղ այն չպետք է լինի՝ փողոցում, անտառում, ճանապարհի եզրին, գետի ափին․․․

• «Գեղեցիկ կադրը դեռ կինո չէ». Հովհաննես Ղազարյանը՝ ռեժիսորի աչքի, դերասանի ազատության և ժամանակի մասին

  Ի՞նչն է տարբերում ռեժիսորին պարզապես լավ նկարահանողից...

• Մահվան մղում՝ «Դեռահասների սեքսը և մահը «Միասմա» ճամբարում» ֆիլմում

  Կաննի կինոփառատոնի «Հատուկ հայացք» ծրագրում ներկայացված էր «Դեռահասների սեքսը և մահը «Միասմա» ճամբարում ֆիլմը, որի ռեժիսորն Ջեյն Շյոնբրունն էր, և մենք դրա դեմ ոչինչ չունենք, բայց պարզ էր, որ թեման պետք է լիներ դեռահասների, սեքսի, անհանգստության և այդ ամենի մասին․․․

• «Ես պետք է այստեղ բնակարան գնեմ». «Եվրատեսիլ 2026»-ի հաղթող DARA-ն Coca-Cola Fest 2026-ի բեմից պատմել է Հայաստանից ստացած իր տպավորությունների մասին

  «Եվրատեսիլ 2026»-ի հաղթող բուլղարացի փոփ երգչուհի DARA-ն (Դարինա Յոտովա) դարձավ Coca-Cola Fest 2026-ի գլխավոր միջազգային աստղերից մեկը Հայաստանում…

Հայրենական մեծ պատերազմում հաղթանակի 80-ամյակին ընդառաջ Երեւանում կայացավ Սարիկ Անդրեասյանի «Պատերազմ եւ քոչարի» ֆիլմի պրեմիերան։ Կինոմոսկվայում ֆիլմը դիտելու էին եկել ոչ միայն ստեղծագործական կազմն ու հայտնիները, այլեւ պատերազմի ականատես մարդիկ, իսկ սյուժեն անտարբեր չթողեց ոչ մեկին։

Սա իրական դեպքերի վրա հիմնված պատմություն է հայկական հեռավոր գյուղից ռազմաճակատ մեկնած 3 ընկերների մասին։ Նրանք արիաբար կռվում են՝ պաշտպանելով հայրենի տունը, հայրենիքը։ Եվ պատերազմի դաժան թոհուբոհում նրանց օգնում է երաժշտությունը․․․

Անցնելով պատերազմի դժվարությունների միջով՝ ֆիլմի հերոսները հասնում են Բեռլին։ Ռայխստագի մոտ նրանց հնչեղ զուռնայի ու դհոլի նվագի տակ հայ զինվորները պարում են մեր հաղթական Քոչարին՝ դառնալով հաղթանակի խորհրդանիշներից մեկը։

Посмотреть эту публикацию в Instagram

Публикация от NEWS.am STYLE (@style.news.am)

Հաղթանակի գինն, իհարկե, մարդկային կորուստներն են, դաժան ապրումները, սպասումը եւ մեծ հույսը, որը չմարեց ու տվեց իր արդյունքը։

Ռեժիսոր Սարիկ Անդրեասյանը ֆիլմի պրեմիերային չէր կարողացել գալ հարգելի պատճառով․ ինչպես նշում է նրա եղբայրը՝ Ղեւոնդը, ռեժիսորը պատրաստվում է 4-րդ անգամ հայր դառնալ եւ այս օրերին կնոջ՝ Լիզա Մորյակի կողքին է։ Վերջինն, ի դեպ, եւս փոքրիկ դերակատարում ուներ ֆիլմում։ 

«Գաղափարը մեզ համար շատ կանխատեսելի էր, բայց չէինք հասկանում՝ ինչից սկսել։ Չէինք ցանկանում լինել կանխատեսելի, քանի որ պատերազմի մասին շատ սովետական ֆիլմեր կան, եւ մենք չէինք ցանկանում մրցակցել այդ ժապավենների հետ, քանի որ յուրաքանչյուր ֆիլմ ունի իր պատմությունը, իր դրաման, եւ այդ ֆիլմերը ստեղծողերն անուղղակիորեն կապված էին այդ իրադարձությունների հետ»,-պատմում է Ղեւոնդ Անդրեասյանը։ Նա հիշում է՝ եղբոր՝  Սարիկի հետ 2016 թ-ին էին եկել Երեւան․ այստեղ հանդիպել են Ռուբեն Ջաղինյանին, եւ երկար քննարկումներից հետո Սարիկը հասկացել էր, որ ֆիլմը պետք է լինի Հայրենական մեծ պատերազմի մասին․ «Ի վերջո, մեր պապերից 600 000 հոգի մասնակցել են դրան, եւ որքան էլ սարսափելի սա հնչի, մեր տղամարդկանցից 300 000-ը չեն վերադարձել։ Իմ երկու պապերն էլ կռվել են, մեկը անհետ կորել է, մյուսը վերադարձել է մի քանի տեղից վիրավորված։ Այսինքն, սա օտար թեմա չէ, իրականում ամենահուզիչ ու կարեւոր թեմաներից է՝ ընդհանուր հաղթանակի մասին։ Եվ մենք հիշեցինք Ռայխստագի մոտ հայտնի պարի մասին, որտեղ ինչ-որ մեկը դուդուկ է նվագում, մեկը՝ զուռնա։ Հասկանալի է, որ այդ գործիքները չէին կարող լինել Բեռլինի երաժշտական խանութներում․ դա նշանակում է, որ ինչ-որ հայեր Հայաստանից էին դրանք այնտեղ տարել։ Մենք սկսեցինք զարգացնել այդ պատմությունը եւ եկանք այն գաղափարին, որ սա պետք է լինի ֆիլմ այդ երաժիշտների մասին, որոնք իրենց գործիքներն իրենց հետ էին վերցրել։ Նրանք կարծում էին, որ ամեն բան շատ շուտ կվերջանար, բայց ինչպես գիտեք՝ պատերազմը տեւեց ավելի քան 4 տարի։ Այս ֆիլմով մենք հարգանքի տուրք մատուցեցինք մեր պապերի հիշատակին»,-հավելեց Անդրեասյանը։ 

Ֆիլմի սցենարի հեղինակներն են Ալեքսեյ Գրավիցկին եւ Սերգեյ Վոլկովը, բեմադրող օպերատորն Անատոլի Սիմչենկոն է, կոմպոզիտորներ՝ Արտաշես Անդրեասյան, Մանուկ Ղազարյան եւ Էդգար Հակոբյան, մոնտաժը՝ Գեորգի Իսահակյանի։ Սարիկ Անդրեասյանը եղբոր՝ Ղեւոնդ Անդրեասյանի եւ Ռուբեն Ջաղինյանի հետ միասին հանդիսանում է նաեւ գլխավոր պրոդյուսերը։ Իսկ գլխավոր դերերում հանդես են գալիս Դավիթ Մխիթարելը, Դավիթ Կոտով-Հովհաննիսյանը, Սերգեյ Մելքոնյանը, Պավել Պրիլուչնին, Աննա Եղոյանը, Մարջան Ավետիսյանը, Միքայել Ջանիբեկյանը, Զեփյուռ Բրուտյանը եւ այլք։

Ֆիլմը կրկնօրինակվել է հայերեն «Շարմ Հոլդինգ» ընկերության կողմից՝ «S’harmony» ստուդիայում։

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում