Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Մեկ բաժակ ավել՝ հյուրի համար․ սուրճ, արվեստ և Գյումրվա ժպիտը «Վառեմ-Մարեմ»-ում

«Վառեմ-Մարեմ». Գյումրու ստեղծարար ոգին՝ արվեստի և հիշողությունների հանդիպման վայրում

Ինչպե՞ս եք վերաբերվում լողազգեստով լուսանկարներին

Աուդիոուղեցույց ARARAT Երևան. նոր հայացք` սիրելի քաղաքին

19:23, 20 մայիսի

Այժմ դուք կարող եք ընկղմվել Երևանի պատմության մեջ, նորովի բացահայտել ծանոթ փողոցները, շենքերը և թվացյալ հայտնի տեսարժան վայրերը՝ շնորհիվ ARARAT Երևան աուդիոուղեցույցի։ Ահա թե ինչպես է Երևանի կոնյակի գործարանը որոշել արտահայտել իր սերը և հարգանքի տուրք մատուցել Հայաստանի մայրաքաղաքին։

ARS_0008-1.jpg (135 KB)

Հետաքրքրաշարժ երթուղու ընթացքում, որը սկսվում է Ռադիոյի տնից և ավարտվում «Ֆենիքս» բարի մոտ, ձեզ կուղեկցի լրագրող և գրող, Երևանի մասին մի քանի գրքերի հեղինակ Մարկ Գրիգորյանը։ Մեկ ժամ շարունակ նա պատմում է իր սիրելի քաղաքի մասին զարմանալի պատմություններ, որոնք թույլ կտան ձեզ նայել դրան բոլորովին այլ աչքերով։

ARS_0421-Улучшено-NR.jpg (117 KB)

«Նշված երթուղին ներառում է շենքեր և տեսարժան վայրեր, որոնց քաղաքային շրջագայությունների ժամանակ բավարար ուշադրություն չի դարձվում։ Մենք փորձել ենք ներառել այն ամենը, ինչը մինչ այժմ պատշաճ կերպով չի լուսաբանվել»,-ասում է Երևանի կոնյակի գործարանի վաճառքի և մարքեթինգի տնօրեն Անուշ Համբարձումյանը՝ նշելով, որ գործարանն ինքնին ներառված չէ երթուղում։ «Մեզ համար կարևոր էր ցույց տալ Երևանը այլ կողմերից, մեր գեղեցիկ քաղաքը մեր զբոսաշրջիկներին ներկայացնելը»։ Նրա խոսքով՝ այս մշակութային նախագծի նպատակն է թույլ տալ մայրաքաղաքի բնակիչներին և հյուրերին ընկղմվել դրա հարուստ պատմության մեջ։ «Հուսով եմ՝ այս զբոսանքը բոլորի համար հաճելի, տաք հիշողություն կլինի»,-հավելում է նա։

ARS_0101.jpg (95 KB)

«Ինձ համար սա հետաքրքիր առաջադրանք էր, ես ինքս ինձ հանձնանարություն տվեցի՝ զբոսնել Երևանում, խոսել դրա յուրաքանչյուր շենքի մասին։ Չեմ կարող ասել, որ բոլոր շենքերն եմ ուսումնասիրել։ Ես շատ ուրախ եմ կիսվել իմ գիտելիքներով թե՛ երևանցիների, թե՛ մայրաքաղաքի հյուրերի հետ, քանի որ նրանք կկարողանան տեսնել Երևանը իմ աչքերով։ Կա մի տեղ (չեմ ուզում բացահայտել բոլոր փակագծերը), որտեղ ես խնդրում եմ ձեզ օգտագործել ձեր երևակայությունը և պատկերացնել, թե ինչպիսին էր այն 100 և 50 տարի առաջ։ Մեր քաղաքում կան վայրեր, որոնք մենք տեսնում ենք ամեն օր, բայց պատկերացում չունենք, թե ինչ նշանակություն ունեն դրանք և ինչ հետաքրքիր պատմություն է թաքնված դրանց հետևում... Օրինակ՝ գիտե՞ք ամեն ինչ Չարենցի հուշարձանի կամ Մաշտոցի և Սայաթ Նովայի խաչմերուկում գտնվող «Արարատ տրաստի» աշխատակիցների շենքի և դրա բնակիչների մասին... Եվ նման պատմություններ շատ կան», - նշեց Մարկ Գրիգորյանը՝ հավելելով, որ ինքը Երևանը նկարագրում է երկու բառով՝ «Իմ քաղաքը»։

ARS_0199-Улучшено-NR.jpg (76 KB)

Աուդիոուղեցույցը հասանելի է հայերենով, ռուսերենով և անգլերենով՝ https://yerevanguide.araratbrandy.com/ կայքում։ Սա հետաքրքրաշարժ ճանապարհորդություն է զարմանալի քաղաքով, որի ավարտին ձեզ անակնկալ է սպասվում «Ֆենիքս» բարում։

ARS_0227.jpg (70 KB)

Դրախտային վայր

Շարունակելով Երևանի զբոսանքների և հայտնագործությունների թեման՝ ARARAT թանգարանում բացվել է 18-րդ դարից մինչև մեր օրերը Երևան քաղաքի քարտեզների ժամանակավոր ցուցահանդեսը։ Մարկ Գրիգորյանի խոսքով՝ ցուցահանդեսի գաղափարը ծնվել է Երևանի կոնյակի գործարանի հետ համագործակցությամբ, ինչի արդյունքում հրատարակվել է Արմինե Սարգսյանի հետ համատեղ գիրքը՝ «Երևանը քարտեզներում. 17-21 դարեր»։ «Մեզ հաջողվեց հավաքել Երևանի քարտեզներ՝ սկսած 17-րդ դարից։ Ահա դրանցից մի քանիսի պատճենները... Ես նաև կցանկանայի, որ այս քարտեզները կախված լինեին երևանցիների տներում, որպեսզի նրանք տեսնեին, թե ինչպիսին էր մեր քաղաքը»։

ARS_0346-Улучшено-NR.jpg (95 KB)

Խոսելով քաղաքի իր սիրելի քարտեզներից մեկի մասին, որը թվագրվում է 1722 թվականին, Գրիգորյանն ասաց, որ այդ ժամանակ հոլանդացի ճանապարհորդ Անտուան ​​Օգյուստեն Կալմեն դրախտ է տեղադրել Երևանի տեղում։ «Նայե՛ք, ահա Վանա, Ուրմիա, Սևան լճերը, ահա Արարատյան սարահարթը, և ահա դրախտը՝ հենց Երևանի տեղում»,-նշում է Գրիգորյանը՝ մատնացույց անելով քարտեզը։ Նրա խոսքով՝ սա մեծ նշանակություն ունի։ «Իմ կարծիքով, մեզ պետք է անընդհատ հիշեցնել, որ մենք ապրում ենք երկնային վայրում, և մենք պետք է արժանի լինենք դրան»։

ARS_0631.jpg (71 KB)

ARS_0408-Улучшено-NR.jpg (81 KB)


Հետևեք NEWS.am STYLE-ին Facebook-ում, Twitter-ում և Instagram-ում





  • Related News

TV SHOWS PHOTO VIDEO


@NEWSam_STYLE

  • Archive
Search