• Պլասիդո Դոմինգոն ներկայացրել է կադրեր՝ Երևանում կայանալիք համերգի փորձից

  Այսօր՝ հոկտեմբերի 16-ին, Ալեքսանդր Սպենդիարյանի անվան օպերայի և բալետի ազգային ակադեմիական թատրոնում տեղի կունենա հայ մեծանուն տենոր, համաշխարհային օպերային արվեստի նշանավոր ներկայացուցիչ Գեղամ Գրիգորյանի ծննդյան 75-ամյակին նվիրված գալա-համերգը․․․

• Հավակնության և առևտրի խաչմերուկում. Հայացք՝ 2026 թվականի Երևանի նորաձևության շաբաթին

  Չորրորդ Երևանի նորաձևության շաբաթը պատմություն դարձավ՝ իր հետևում թողնելով հարյուրավոր փայլուն կադրեր սոցիալական ցանցերում և նկատելի հետք ինչպես տեղական, այնպես էլ արտասահմանյան մամուլում․․․

• Սյուզան Մարգարյանի արձագանքը Սիրուշոյի պատմությանը, Fashion Week-ն ու Երևանի 2808-ամյակը․ Instagram-ը՝ այս շաբաթ

  Հոկտեմբերի 7-ին կայացավ Վարդուհի Վարդանյանին նվիրված մեծ համերգը, որի ընթացքում գրանցվեցին մի շարք տպավորիչ ու հուզիչ դրվագներ...

• Երևանը, որ այսպես նայում ես, Հռոմից ոչ միայն հին չէ, այլև շատ նոր քաղաք է

  Երևանը միայն քարտեզի վրա նշված քաղաք չէ․ այն հիշողություն է, պատմություն, սեր ու երազանք՝ միավորված մեկ անվան մեջ...

• Արգենտինայի համը Երևանի սրտում. դեսպանատունը ներկայացրեց գինիներ, որոնք արժե փորձել

  Գինին ունի երկրի ինքնությունը առանց խոսքերի փոխանցելու հազվագյուտ ունակություն․․․

• Եթե Երևանի պատմության թանգարանը ապագայում  չարժանանա սեփական շքեղ շինության, թող սա լինի գոնե վերջին հանգրվանը  

  Հայաստանում ես առաջին անգամ հասկացա, թե ինչ է հայրենիքը, որը կրում ես քո ներսում։ Հայ լինելը նրանց համար դժբախտություն չէ կամ պարտականություն, դա նրանց էությունն է...

• Երկիրը՝ գլխավերևում. «Հայ ֆեստ»-ի բացումը Երևանում

  Նույնիսկ մռայլ աշնան կեսը պատճառ չէ դադարեցնելու տոներն ու փառատոները Հայաստանում…

• «Հակաքրիստոսը գալիս է Երևան». Հայերը պահանջում են չեղարկել Մորգենշտեռնի համերգը

  Մորգենշտեռնը դեկտեմբերի 19-ին նախատեսում է ելույթ ունենալ Երևանում․․․

Աղբը սովորաբար տեսնում ենք այնտեղ, որտեղ այն չպետք է լինի՝ փողոցում, անտառում, ճանապարհի եզրին, գետի ափին։ Բայց մաքրապատող Հակոբ Միկոյանի համար աղբը միայն գետնին հայտնվածը չէ։
Նրա համոզմամբ՝ այն, ինչ տեսանելի է դառնում շրջակա միջավայրում, հաճախ սկսվում է մարդու ներսում։ Բարկություն, վիրավորանք, հպարտություն, չարություն, անտարբերություն․ այս «աղբը», եթե չնկատվի ու չմաքրվի, կարող է արտահայտվել նաև մարդու վերաբերմունքում՝ մարդկանց ու բնության նկատմամբ։

Հենց այս ընկալմամբ էլ Հակոբը տարիներ շարունակ մաքրում է տարբեր տարածքներ։ Նրա համար դա պարզապես աղբ հավաքելու աշխատանք չէ։ Մաքրելը դարձել է առօրյա սովորություն, աղոթք, մեդիտացիա և ինքն իր հետ մնալու հնարավորություն։

«Մենք բնությունը ստեղծողի հետ պայմանավորվածություն ունենք՝ ես մաքրում եմ Մայր Հողը, Նա մաքրում է մարդկանց մտքերը»,— ասում է Հակոբը։

2021 թվականի հոկտեմբերի 24-ից այս գործողությունը նրա համար նոր իմաստ ստացավ։ Մաքրելով շրջակա միջավայրը՝ նա սկսեց ուշադրություն դարձնել նաև սեփական մտքերին։

«Այդ օրվանից սկսած սկսեցի մաքրել նաև իմ միտքը ավելորդ աղբից»։

Այդպես ծնվեց նրա ամենօրյա «ՄաքրաՊատումը»։

Հակոբը երբեմն հեռանում է քաղաքային աղմուկից, գտնում աղտոտված տարածք ու սկսում մաքրել։

«Ինքս ինձ հետ մեկուսանում, խաղաղվում, որքան որ հնարավոր է լինում»։

«Մարդը ծնվում է մաքուր»,— ասում է նա՝ հիշելով Պարույր Սևակի միտքը՝ «Աշխարհին մանկան մաքրություն է պետք…»։

Հակոբի համար կարևոր է ոչ միայն այն, որ աղբը հայտնվել է գետնին, այլ նաև՝ ինչու է մարդն այն այնտեղ նետել։

Եթե տեսնում է աղբ նետող մարդու, խոսում է, երբ հնարավոր է, բայց չի փորձում դատել նրան։

«Ինձ տրված չի այդ իրավունքը, որ դատեմ տվյալ մարդուն։ Կարող եմ քննարկել մարդու արարքը, երբեք ոչ նրան»։

Նույն սկզբունքն է փորձում պահել նաև կոնֆլիկտային իրավիճակներում։

«Բարկությունը նույնպես աղբ է»։

Նա ասում է, որ մարդիկ տարբեր ժամանակում են հասնում գիտակցման, ու ինքը այլևս չի շտապում փոխել ուրիշներին։

«Այլևս չեմ շտապում, ամեն ինչ վստահել եմ Արարչին»։

Արդյունքներից կախված չեմ։ Անում եմ այն, ինչ պետք է անեմ»։
Ամեն հավաքած պարկը նրա համար ունի նաև խորհրդանշական իմաստ։

«Ամեն պարկ աղբ հավաքելը ինձ համար աղոթք է/մեդիտացիա։ Ով ինչպես ցանկանա, կարող է հասկանալ»։

Այս ամենի հիմքում, նրա խոսքով, սերն է։

«Սերն եմ վերականգնում հողի ու միմյանց նկատմամբ»։

Հակոբը կարծում է, որ բնության հանդեպ վերաբերմունքն ու մարդկանց հանդեպ վերաբերմունքը իրարից անջատ չեն։

«Եթե Սերը հողի նկատմամբ չվերականգնենք, չենք կարող հանդուրժել միմյանց, ատելությունը ու չարությունը ցեցի նման մեզ ներսից կքայքայի»։

Տարիների ընթացքում «ՄաքրաՊատումը» փոխել է նաև իրեն։

«Ավելի քիչ դատել, ավելի շատ ներել ու սիրել…»

Բայց Հակոբը դա ավարտված ճանապարհ չի համարում։

«Զգում եմ, որ երբեք այսպիսին չեմ եղել, միևնույն ժամանակ հասկանում եմ, որ էլի տեղ ունեմ… Այդ զգացումը պարզապես հրաշալի է»։

Նրա պատմությունը սկսվում է մի պարզ գործողությունից՝ կռանալ ու գետնից վերցնել աղբը։ Բայց այդ գործողության մեջ Հակոբը տեսնում է նաև սեփական ներսը մաքրելու հնարավորություն։

Մաքրել ոչ միայն այն, ինչ մեր շուրջն է, այլև այն, ինչ մեր ներսում է։

«Բոլոր բնագավառներում՝ #ՄաքրաՊատումըԱյլընտրանքՉունի»։

Հետևեք NEWS.am STYLE-ին Facebook-ում, Twitter-ում և Instagram-ում