• Մոհաննայի «Անպայման»-ը․ նոր երգ, նոր տրամադրություն ու սիրելի տղամարդուն ուղղված երաժշտական խոստովանություն

  Մոհաննան ներկայացրել է իր նոր՝ «Անպայման» երգը, որն արդեն հասանելի է նաև ամբողջական տեսահոլովակով։ Նոր աշխատանքով երգչուհին ոչ միայն շարունակում է իր երաժշտական ճանապարհը, այլև բացում է իր զգացմունքային աշխարհի մի նոր էջ՝ երգը նվիրելով իր սիրելի տղամարդուն...

• Անի Արզումանյանն ու Վազգեն Օհանյանը ամուսնացել են

  Այսօր՝ օգոստոսի 29-ին, տեղի է ունեցել բլոգեր և դերասանուհի Անի Արզումանյանի ու ստենդափեր Վազգեն Օհանյանի հարսանիքը...

• Հայ դերասան Սամվել Թադևոսյանը նկարահանվել է Dior Men-ի նոր արշավում

  Հայ դերասան Սամվել Թադևոսյանը նկարահանվել է Dior Men Tailoring Winter 2026 նոր գովազդային արշավում: Նա դարձել է ֆրանսիական նորաձևության տան՝ տղամարդու կոստյումին նվիրված նախագծի մոդելներից մեկը..

• «Դուք ձեր խնդիրները չեք լուծել ու բարդույթները փոխանցում եք Գասպարին». Գոհար Ավետիսյանին քննադատել են 6-ամյա որդու դիետայի համար

  Գոհար Ավետիսյանը քաշի պատճառով դարձյալ հայտնվել է քննարկումների կենտրոնում։ Այս անգամ խոսքը ոչ թե իր, այլ 6-ամյա որդու՝ Գասպարի մասին է։ Դիմահարդարը տեսանյութ է հրապարակել, որտեղ երևում է, թե ինչպես է փոքրիկը կշռվում, ու պատմել է նրա սննդակարգի մասին։ Կշեռքը ցույց է տվել 38.9 կգ, ինչից հետո Գոհարը հրապարակմանը կից գրել է. «Դիետա... երկրորդ օր... քաշի ավելացում ունենք»...

• Այլընտրանքային տարբերակներ ենք մտածել, որ Գոռ Հակոբյանը ներկա լինի․ Մենչը՝ «Ֆուլ Հաուս»-ի նոր ներկայացման մասին

  «Ֆուլ Հաուս»-ի երկրպագուները կրկին միավորվելու առիթ ունեն…

• Ռաֆայել Երանոսյանը նոր մոնոներկայացում ունի` «Ծանր ու թեթև»

  Ռաֆայել Երանոսյանն իր հանդիսատեսին շուտով պատրաստվում է ներկայանալ նոր մոնոներկայացմամբ՝ «Ծանր ու թեթև»…

• Էվելինայի ու Անիի նախահարսանեկան խնջույքները, Արմինկայի 53-ամյակը, Ֆլորա Բիչախչյանը՝ «Նոր ալիք 2026»-ում․ Instagram-ը՝ այս շաբաթ

  Այս շաբաթը հայ հայտնիների համար լի էր գեղեցիկ առիթներով, անակնկալներով ու տոնական տրամադրությամբ...

• Մարդուն փնտրելով. «Զրույցներ Զառա Աճեմյանի հետ». լուսանկարիչ և արվեստագետ Իլյա Վարդանյանը՝ Հայաստանի, ստեղծագործության և ԱԲ դարաշրջանի մասին

  «Զրույցներ Զառա Աճեմյանի հետ». լուսանկարիչ և արվեստագետ Իլյա Վարդանյանը՝ Հայաստանի, ստեղծագործության և ԱԲ դարաշրջանի մասին...

Հունիսի 11-ին Կարեն Դեմիրճյանի անվան մարզահամերգային համալիրում ռոքային տրամադրություն է տիրելու: Բեմում կլինի տարվա լավագույն հայկական ռոք խումբը՝ Nemra-ն, ինչը նշանակում է, ինչպես խմբի թմբկահար Մարեկն է ասում, «շոգ է լինելու»:

Հեղինակային երգեր, հայկական երգերի մշակումներ եւ նոր ստեղծագործություններ՝ «End of the party» նոր ձայնասկավառակից: Հենց այդ օրը կկայանա 11 երգից բաղկացած սկավառակի շնորհանդեսը, որը խմբի անդամները համերգից հետո անձամբ կստորագրեն երկրպագուների համար:

«Համերգը բաղկացած է լինելու 2 մասից. շատ ոգեւորված ենք, որ ներկայացնելու ենք նաեւ մեր նոր երգերը: Երկար էինք մտածում՝ արդյոք համերգի մի մասում ներկայացնենք արդեն հայտնի ու սիրված երգերը, մյուսում՝ նոր ալբոմի երգերը, բայց հետո որոշեցինք միքսել դրանք»,-այսօր՝ հունիսի 9-ին կայացած մամուլի ասուլիսի ժամանակ նշեց խմբի վոկալիստ, կիթառահար եւ երգահան Վան Եղիազարյանը:

Նոր ալբոմի երգերը հեղինակել են Վանն ու Վասպուրը, դրանք անգլալեզու են, ալբոմը կոչվում է «End of the party» երգի անունով: Այս երգերի մեջ ամփոփված են երաժիշտների  սեփական հույզերը, զգացողություններն ու փորձառությունը, որոնք Վանի խոսքով՝ կուտակված էին 2019 թ-ից:

«Որպես ալբոմի անվանում ընտրեցինք հենց այդ երգը («End of the party»), որովհետեւ այս երգի մեջ էր ամբողջությամբ դրված մեր ասելիքը: Մեր այս ալբոմի երգերն առաջարկում են այժմյան տրամադրության ալտերնատիվը, «party»-ն այստեղ «ֆասթ-ֆուդ» ապրելակերպն է խորհրդանշում՝ թե երաժշտության մեջ, թե ընդհանրապես կյանքում: Այդ մակերեսային մտածելակերպի ու ապրելակերպի մասին է, եւ որ ժամանակն է այդ ամենին վերջ տալու»,-հավելեց նա:

Խմբի ամենանուրբ անդամը՝ Մարիաննան, խոստովանեց՝ համերգներից առաջ ինքն ամենից շատ է հուզվում: «Այս համերգից առաջ հուզմունքը գնալով ավելի է մեծանում, բայց դա նաեւ նրանից է, որ շատ ոգեւորված ենք այս համագործակցությամբ, մտքով արդեն համերգին ենք»,-նշեց նա:

Համերգին առաջին անգամ կներկայացնեն նաեւ Սերժ Թանկյանի հետ զուգերգը՝ «I’m afraid of stars» երգը, սակայն SOAD-ի մենակատարը չի կարողանա ներկա գտնվել այդ օրը: Որպես հյուր՝ հանդես կգա դերասանուհի, ռեժիսոր Լիլի Էլբակյանը: Այս անգամ Էդգար Էլբակյանի «Բացվիր երկինք» երգը Լիլին ու Վանը կկատարեն Nemra-ի նվագակցությամբ:

Հունիսի 11-ին Համալիրում կլինի «գժական, խառնիճաղանջ ու նեմրայական» տրամադրություն, խոստանում են խմբի անդամները:

Համալիրում Nemra-ի համերգը կազմակերպվել է TM production-ի հետ համագործակցությամբ:

NEWS.am STYLE-ն ավելի վաղ այցելել էր Nemra-ի փորձատեղի, էքսկլյուզիվ լուսաբանել խմբի նոր երգերից փոքրիկ հատված եւ զրուցել խմբի անդամների հետ:

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում