• Թեմա կա. ո՞ւմ մասին է Աստղիկ Սաֆարյանը մտածում գիշերվա 2-ին և ո՞ւմ է տեսնում որպես «Երկու աստղի» հաջորդ զույգ (VIDEO)

  Ո՞ւմ հետ կցանկանար երազել գիշերվա 2-ին, ո՞ւմ մասին էր մտածում երգը գրելիս, երկրորդ անգամ «Երկու աստղին» մասնակցելու դեպքում ո՞վ կցանկանար, որ լիներ իր զույգը…

• Ռաֆայել Երանոսյանի նոր մոնոներկայացումը՝ «Ծանր ու թեթև». բեմում՝ ծիծաղ, ետնաբեմում՝ անձնական հարցեր (VIDEO)

  Ռաֆայել Երանոսյանը «Ծանր ու թեթև» արեց բոլոր թեմաները՝ քաղաքականությունից մինչև Կարմիր խնձոր…

• Բոհեմ թատրոնում «Բլեֆ» է սպասվում․ Արտյոմ Կարապետյանի առաջին դերը թատրոնում, Արփինե Իսրայելյանի վերադարձը, մյուս հերոսներն ու փորձերը (VIDEO)

  Բոհեմ թատրոնը պատրաստվում է նոր ներկայացման։ Այն կոչվում է «Բլեֆ» և ելնելով վերնագրից՝ դժվար չէ պատկերացնել, թե ինչ զվարճալի խառնաշփոթ է սպասվում հանդիսատեսին...

• HayDalek-ը հայտնել է բլոգերությունը թողնելու որոշման մասին․ «Ինձ համար հոգեպես շատ բարդ է ամեն անգամ ստանալ այս ատելության ալիքները»

  Բլոգեր HayDalek-ը (Ռաֆիկ Համբարձումյան) ինստագրամյան իր էջում հանդես է եկել հայտարարությամբ՝ նշելով, որ մտադիր է դադարեցնել՝ որպես բլոգեր իր գործունեությունը...

• Սիրուշոյի եւ Իվետա Մուկուչյանի նոր տեսահոլովակները, Իվետայի 40-ամյակն ու սիրելիի շնորհավորանքը, Անդրեի ու Արթուր Խաչենցի ջերմ հոլովակները՝ դուստրերի հետ․ Instagram

  Instagram-ն այս շաբաթ էլ ջերմացրեց, հուզեց, նաև ժպիտ պարգևեց ու ուրախացրեց նորություններով։ Սկսենք՝ հերթով...

• «Միշտ ոգևորված եմ՝ բացահայտելու իմ արմատները». Գրիգոր Ջաբոտյանը՝ հայկական նորաձևության և մոդել Արմինե Հարությունյանի հետ համագործակցության մասին

  Հոկտեմբերի 8-ից 11-ը անցկացված Երևանի նորաձևության շաբաթը (Yerevan Fashion Week) կրկին մեկ հարկի տակ համախմբեց դիզայներների, ստեղծագործողների և նորաձևության ոլորտի մասնագետների՝ թե՛ Հայաստանից, թե՛ աշխարհի տարբեր երկրներից…

• «Մոսկվայի անամոթը»՝ Մկրտիչ Բալյան. Ինչպես նկուղային արկածախնդիրը հյուրերի նվաստացումը վերածեց թանկարժեք շոուի

  Օրվա ընթացքում Պրեչիստենսկայա ափին գտնվող Պերցովի տունը նման էր հարգված բնակարանային շենքի․․․

• «Ընթրիք հիմարի հետ»․ ներկայացում, որը ձեզ կստիպի մտածել՝ արդյոք արժե՞ ընդունել չորեքշաբթի օրերի ընթրիքի հրավերները

  Հոկտեմբերի 13-ին Կ. Ստանիսլավսկու անվան ռուսական պետական դրամատիկական թատրոնում տեղի ունեցավ Ֆրանսիս Վեբերի «Ընթրիք հիմարի հետ» հայտնի ստեղծագործության նոր բեմադրության պրեմիերան...

Սեպտեմբերի 12-ին Լոս Անջելեսում կայացավ «Echoes of Our Ancestors» երաժշտական-թատերական ներկայացման շքեղ պրեմիերան։ Լեգենդար Greek Theatre-ում (հյուրընկալում է շուրջ 6000 հանդիսատես), sold out էր։ Նախաձեռնության հեղինակն ու գեղարվեստական ղեկավարը՝ Արման Նշանյանը, ընդգծեց․

«Ցանկանում էի, որ հանդիսատեսը ևս մեկ անգամ գիտակցի հայկական մշակույթի և ժառանգության կարևորությունը։ Երբեմն մենք օտար մշակույթներն ընդունում ենք որպես մերը, մինչդեռ այս ներկայացումն ի հիշատակ մեր նախնիների է՝ մեր պատմության ու ինքնության պահպանման և զարգացման կոչով։ Այս նախագծին նվիրել եմ իմ ամբողջ սիրտն ու հոգին, և տեսնել բեմում մեր թիմային աշխատանքի արդյունքը՝ մեծ երջանկություն էր»:

Բեմը միավորեց համաշխարհային ճանաչում ունեցող արտիստների․ Սերժ Թանկյան, Տիգրան Համասյան, Ինգա և Անուշ Արշակյաններ, Սեբու, Գառնիկ Սարգսյան, Սոնա Ռուբենյան, Սևակ Ամրոյան, Իզաբել Բայրաքթարյան, Բարսեղ Թումանյան, Նունե Եսայան, Նազենի Հովհաննիսյան, Արմեն Մովսիսյան, Բերջ Կարազյան, Սուրեն Առուստամյան, Լյուդվիգ Իսպիրյան, «Հայկյան» երգչախումբը, «Զվարթնոց» պարային համույթը և այլք: 

Երեկոյի գլխավոր դիրիժորն էր Սերգեյ Սմբատյանը, երաժշտական պրոդյուսերը՝ Անդրանիկ Բերբերյանը, պրոդյուսերը՝ Ասկո Հակոբյանը։

«Մեր մշակութային ժառանգությունը ցանկանում էինք ներկայացնել աշխարհին այնպես, որ երեկոն դառնար հզոր, զգացմունքային և անմոռանալի։ «Echoes of Our Ancestors»-ը մեր արմատները փառաբանելու մասին է՝ ներշնչելով հպարտություն և միասնություն ապագա սերունդների համար: Դատելով արձագանքներից՝ մեզ դա հաջողվեց», – նշեց Ասկո Հակոբյանը։

Ներկայացումը համադրում էր սիմֆոնիկ և ազգային նվագախմբերի կատարումները, LED էկրանների և տեսաշարերի միջոցով ստեղծված մթնոլորտը, ինչպես նաև ավանդական ու ժամանակակից պարային բեմադրությունները։ Տարբեր ոճերի արտիստները ոչ միայն ներկայացնում էին երաժշտական վարպետություն, այլև մարմնավորում էին պատմական ժամանակաշրջաններ, խորհրդանիշներ ու արժեքներ։

««Echoes of Our Ancestors»-ը սովորական համերգ չէ․ այն համադրում է մյուզիքլի, թատերական և պատմական ներկայացման տարրերը՝ ստեղծելով սինթեզ, որտեղ երաժշտությունն ու պատմությունը միահյուսված են։ Այս պատմությունը պետք է հնչի բաց երկնքի տակ՝ որպես հարգանքի տուրք մեր նախնիներին», – նշեց Արման Նշանյանը։

Նախագիծը շարունակելու է իր ճանապարհը՝ Երևանում, Կանադայում, Ռուսաստանում, Ֆրանսիայում, Հարավային Ամերիկայում և Նյու Յորքում։ Հայ հանդիսատեսն այն կտեսնի բացօթյա և անվճար ձևաչափով։

Նախագիծն իրականացվում է People of Our Cultural Foundation-ի հովանու ներքո, որի առաքելությունն է պահպանել, զարգացնել և սերունդներին փոխանցել հայկական մշակույթը՝ որպես ազգային դիմակայության կարևորագույն բաղադրիչ։

Լուսանկարները՝ Manuel Gay, Kanon Madness

Հետևեք NEWS.am STYLE-ին Facebook-ում, Twitter-ում և Instagram-ում