«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Մեկ բաժակ ավել՝ հյուրի համար․ սուրճ, արվեստ և Գյումրվա ժպիտը «Վառեմ-Մարեմ»-ում

«Վառեմ-Մարեմ». Գյումրու ստեղծարար ոգին՝ արվեստի և հիշողությունների հանդիպման վայրում

Ինչպե՞ս եք վերաբերվում լողազգեստով լուսանկարներին

Վերջին զանգ․ արցունք, ծիծաղ ու հրաժեշտ մանկությանը

Ժամանակից շուտ մի՛ մեծացեք․ խորհուրդներ երիտասարդներին

Արժի, արդյոք, որ Հայաստանը շարունակի մասնակցել «Եվրատեսիլին»

11 նախագիծ և նոր հնարավորություններ. CoReAct համարտադրության հարթակը`  «ՌեԱ»-ի շրջանակում

15:17, 17 հոկտեմբերի

 «ՌեԱ» (Ռեանիմանիա անիմացիոն ֆիլմերի և պատկերապատման արվեստի միջազգային) փառատոնն այս տարի անցկացվելու է հոկտեմբերի 19-25-ը։ Փառատոնի կարևոր բաղադրիչներից CoReAct համարտադրության հարթակը, որը MarAni-ի շրջանակներում է անցկացվելու, այս տարի ունի հայաստանյան անիմատորների 11 նախագիծ։

 «2018-ին ստեղծված CoReAct համարտադրության հարթակով աջակցում ենք ստեղծագործողների, որ նրանք կարողանան ներկա լինել Անսիի միջազգային փառատոնին, ֆինանսական աջակցություն ենք տրամադրում նախագծերի զարգացման համար, որոնք հետագայում դիմում են կինոհիմնադրամների։ Այս ամենն իրականություն է դառնում մեր գործընկերների և հովանավորների հետ»,- լրագրողների հետ հանդիպման ժամանակ ասաց փառատոնի հիմնադիր տնօրեն Վրեժ Քասունին։

реам.jpg (52 KB)

 ՀՀ կրթության, գիտության, մշակույթի և սպորտի նախարարի տեղակալ Դանիել Դանիելյանի խոսքով՝ «ՌեԱ» փառատոնը միայն ֆիլմերի ցուցադրման հարթակ չէ. այն խթանում է անիմացիոն կինոյի զարգացումը:

   CoReAct–ի շրջանակում ՝ մասնակիցներն իրենց աշխատանքները կներկայացնեն միջազգային փորձագետներին, որոնք կընտրեն լավագույն աշխատանքները, իսկ հաղթողները կստանան դրամական պարգևներ։   CoReAct-ին աջակցում է «Հայաստան» համահայկական հիմնադրամը, որի Մարքեթինգի և հասարակայնության հետ կապերի բաժնի ղեկավար Դիանա Գաբրիելյանը կարևորեց  ո՛չ միայն մշակութային ժառանգության պահպանման ծրագրերը, այլև դեպի ապագա նայող նախագծերը:

реам1.jpg (44 KB)

Հայաստանի կինոյի հիմնադրամի տնօրեն Դավիթ Բանուչյանի համար համար անիմացիան առանձնահատուկ ոլորտ է, ֆինանսավորման որոշման մեջ փոփոխություններ են կատարվել այս տարի և ավելացվել է անիմացիոն ֆիլմերի նախատեսված գումարի չափը՝ հասնելով 100 մլն դրամ 1 անիմացիոն ֆիլմի համար, սակայն երկու տարվա բյուջեի տրամաբանությամբ:

Փառատոնի հետ երկար տարիներ է, ինչ համագործակցում է Երևանի «Գյոթե» ինստիտուտը: Ինստիտուտի մշակութային ծրագրերի համակարգող Մարիամ Գուրզադյանի խոսքով՝  այս տարի հնարավորություն է ընձեռվել Երևանում հյուրընկալել Գերմանիայից կինոգործիչների, և Երևան կգա բեռլինաբնակ պրոդյուսեր Նորիկ Քեշիշյանը:

реам3.jpg (52 KB)

Դե, իսկ Հայաստանում Եվրոպական միության պատվիրակության համագործակցության բաժնի ղեկավարի տեղակալ Վացլավ Շտերբան էլ շեշտեց, որ աջակցում են «ՌեԱ» փառատոնին, քանի որ  այն Հայաստանն ավելի հայկական է դարձնում՝ միևնույն ժամանակ նաև ավելի եվրոպականին մոտեցնելով:

CoReAct համարտադրության հարթակը լավագույն հնարավորությունն է փորձի փոխանակման տեսանկյունից: Վերոնշյալ գաղափարը կարևորելով՝ հիմնադրման օրից փառատոնի կողքին է Հայաստանում Ֆրանսիայի դեսպանությունը, որի մշակութային կցորդ, Հայաստանում ֆրանսիական ինստիտուտի գործադիր տնօրեն Դավիդ Տյուրսը ևս ներկա գտնվեց լրագրողների հետ հանդիպմանը: 

Հիշեցնենք, որ փառատոնի հանդիսավոր բացման արարողությունը տեղի կունենա հոկտեմբերի 19-ին  Կինոյի Տանը, ինչին կհաջորդի ֆրանսիացի հայտնի անիմատոր, ռեժիսոր Սիլվեն Շոմեի «Մարսել Պանյոլի փառահեղ կյանքը» ֆրանս-բելգիական արտադրության ֆիլմի ցուցադրությունը։ 

«ՌեԱ» անիմացիոն ֆիլմերի և պատկերապատման արվեստի միջազգային փառատոնի գլխավոր հովանավորը Երևանի քաղաքապետարանն է, իսկ գլխավոր աջակիցը՝ ՀՀ ԿԳՄՍ նախարարությունը: Փառատոնին աջակցում են նաև «Հայաստան» համահայկական հիմնադրամը, Հայաստանում ԵՄ պատվիրակությունը, Հայաստանում Ֆրանսիայի դեսպանատունը, Հայաստանում ֆրանսիական ինստիտուտը, Հայաստանում ԵՄ պատվիրակությունը, Երևանի Գյոթե ինստիտուտը, Հայաստանում Իսպանիայի թագավորության գրասենյակը։

 


Հետևեք NEWS.am STYLE-ին Facebook-ում, Twitter-ում և Instagram-ում




Print  

  • Related News

TV SHOWS PHOTO VIDEO


@NEWSam_STYLE

  • Archive
Search