• Neutrogena-ն ներողություն է խնդրում Հեյդեն Պանետիերից՝ 2015-ին հետծննդյան դեպրեսիայի դեմ պայքարելու ընթացքում նրան աշխատանքից ազատելու համար

  Neutrogena-ն վերջապես ներողություն է խնդրում Հեյդեն Պանետիերից՝ նրա ողբերգական մահից մի քանի օր անց՝ 2015 թվականին հետծննդյան դեպրեսիայի տառապանքի ժամանակ նրա պայմանագիրը խզելու համար, գրում է Pag Six-ը․․․

• Մարկ Ցուկերբերգը տասնյակ միլիոնավոր դոլարներով Իռլանդիայում 19-րդ դարի շքեղ ամրոց է գնել

  «Մետա»-ի հիմնադիր Մարկ Ցուկերբերգը և նրա կինը՝ Պրիսցիլա Չանը, Իռլանդիայում գնել են իսկական գոթական ամրոց: Եռահարկ, 19-րդ դարի Ստրանկալի ամրոցը գտնվում է մոտ 440 ակր մակերեսով հսկայական կալվածքի վրա՝ Բլեքվոթեր գետի ափին…

• Ավելի շքեղ լինել չի կարող. Populous-ը ներկայացրել է աշխարհի ամենամեծ ֆուտբոլային մարզադաշտի նախագիծը 2030 թվականի Աշխարհի առաջնության համար

  Մինչ Մարոկկոն պատրաստվում է Իսպանիայի և Պորտուգալիայի հետ համատեղ անցկացնել 2026 թվականի ՖԻՖԱ-ի աշխարհի առաջնությունը, երկիրը ներկայացրել է Grand Stade Hassan II-ի մոնումենտալ նախագիծը, հաղորդում է Hypebeast-ը․․․

• Tsaghkunk Restaurant & Glkhatun դարձել է առաջին հայկական ռեստորանը «The World’s 50 Best Discovery» հարթակում

  Պատմական իրադարձություն հայկական գաստրոնոմիայի համար. Ծաղկունք Ռեստորան և Գլխատունը դարձել է առաջին ռեստորանը Հայաստանից, որ ընդգրկվել է «The World’s 50 Best Discovery» հարթակում՝ միջազգային ուշադրություն հրավիրելով երկրի զարգացող խոհարարական արվեստին...

• Գլուխգործոցի վերածնունդ. Casa Batlló-ն բացահայտում է Գաուդիի թաքնված բնակելի տարածքները  

  Բացմանը նախորդել է երեք տարվա մանրակրկիտ վերականգնում, որը հիշեցնում է հնագիտական պեղումներ: Մասնագետները ուշադիր հեռացրել են 20-րդ դարի կառույցների բազմաթիվ շերտեր՝ բացահայտելու 1906 թվականի զարմանալիորեն լավ պահպանված ճարտարապետությունը...

• Schiaparelli-ի և Փարաջանովի գեղագիտությունը. Էլինա Ջանիբեկյանի շքեղ տեսքը բարձր նորաձևության շաբաթում

  Էլինա Ջանիբեկյանը վաղուց Schiaparelli-ի ամենաջերմ երկրպագուներից է։ Նա պարբերաբար հայտնվում է ֆրանսիական նորաձևության տան ցուցադրություններում, և բրենդի աշուն/2026 նորաձևության հավաքածուն բացառություն չէր...

• Նյու Յորքի մոռացված երկնաքերը. Անտոնիո Գաուդիի նախագիծը «կենդանանում է» 118 տարի անց

  Մեծն Անտոնի Գաուդիի ամենահիասքանչ, բայց երբեք չիրականացված նախագծերից մեկի՝ Նյու Յորքում գտնվող «Հյուրանոցային ատրակցիոն» անունով հայտնի ֆանտաստիկ երկնաքերի մտահղացումից ավելի քան մեկ դար անց շենքը վերջապես «ժամանեց» Մանհեթեն․․․

• 67-ամյա Մադոննան ռիսկի է դիմել դուրս գալ գերկարճ զգեստով և հայտնվել է անհարմար իրավիճակում

  67-ամյա Մադոննան ուշադրության կենտրոնում էր Փարիզում անցկացվող տղամարդկանց նորաձևության շաբաթվա ժամանակ…

Ֆրանսիական Accor հյուրանոցային խմբի պրեմիում դասի Pullman բրենդը եւ «Տեխնոտուն» ընկերությունը 2025 թվականի դեկտեմբերի 13-ին գործընկերներին եւ լրատվամիջոցների ներկայացուցիչներին հրավիրել էին Pullman Living and Residences Yerevan-ի պրեմիում դասի ցուցասրահի (showroom) բացմանը։

Ցուցասրահի բացումը ներկաներին հնարավորություն տվեց ոչ միայն պատկերացում կազմել բնակելի տարածքների մասին, այլեւ ծանոթանալ Pullman-ի փիլիսոփայությանը՝ բարձրորակ նյութեր, եվրոպական դիզայն, հանգիստ երանգներ եւ մտածված մթնոլորտ։ Միջոցառման տեղն ու ժամն այնպես էր ընտրվել էր այնպես, որ հյուրերը կարողանային գնահատել համալիրի բարձր դիրքի առավելությունները՝ վայելելով մայրամուտը։

Միջոցառման կազմակերպիչները նշեցին, որ առաջին անգամ Երեւանում միջազգային հյուրանոցային չափանիշները ներկայացվում են բնակելի համալիրի ձեւաչափով։ Pullman-ը, միջազգային հյուրընկալության իր փորձը տեղափոխելով բնակելի ոլորտ, խոշոր համաշխարհային քաղաքների՝ Փարիզի, Լոնդոնի, Դուբայի եւ Սինգապուրի փորձն ու էներգիան բերում է Երեւան։ Արդյունքում մայրաքաղաքում ձեւավորվում է բարձրակարգ ապրելակերպի նոր մոդել՝ միջազգային հյուրանոցային սպասարկման չափանիշներին համապատասխան կառուցված բնակելի համալիրի տեսքով։

Pullman Living and Residences Yerevan-ը զբաղեցնում է շուրջ 20 հազար քմ տարածք, որի միայն 20 տոկոսն է կառուցապատված, իսկ մնացած մասը նախատեսված է կանաչ գոտիների եւ հանգստի ենթակառուցվածքների համար։ Նախագիծը գտնվում է շինարարության ակտիվ փուլում, եւ այս պահին արդեն կառուցվել է 15 վերգետնյա հարկ։

Վրաստանում եւ ԱՊՀ երկրներում Accor խմբի գործառնությունների գծով փոխնախագահ Արոն Լիբինսոնը համալիրի ապագա բնակիչներին եւ հյուրերին ծանոթացրեց Pullman բրենդի ստեղծման պատմությանը՝ նշելով, որ 19-րդ դարում Ջորջ Փուլմանը ստեղծեց լյուքս դասի վագոնի գաղափարը, որը ժամանակի ընթացքում դարձավ հարմարավետ ճանապարհորդության խորհրդանիշ։

«Pullman անվանումը մի ամբողջ դարաշրջան է ներկայացնում հյուրընկալության ոլորտում։ Accor խմբի համար Pullman-ը բացառիկ նշանակություն ունեցող բրենդ է՝ նույնիսկ այն պարագայում, երբ ընկերությունն ունի շուրջ քառասուն միջազգային ճանաչում ունեցող անուններ, այդ թվում Raffles-ը, Fairmont-ը եւ Երեւանում արդեն գործող ibis-ը։ 

Pullman-ն առանձնանում է իր պատմական ժառանգությամբ եւ ոլորտի զարգացման վրա ազդեցությամբ: Հպարտ եմ, որ Երեւանում կյանքի է կոչվում այս բացառիկ նախագիծը այս բրենդի ներքո, որը միավորում է հյուրանոցն ու բրենդավորված բնակարանները։ Այն սահմանում է բնակության եւ հյուրընկալության նոր չափանիշներ՝ թե՛ որակի, թե՛ ճարտարապետական լուծումների առումով»,– ասաց Արոն Լիբինսոնը:

Accor խմբի ներկայացուցիչը նաեւ շնորհակալություն հայտնեց նախագծի զարգացման գործընթացում ներգրավված թիմին՝ նշելով, որ այստեղ ձեւավորվում է քաղաքային նոր առանցք՝ տպավորիչ տեսարաններով․«Նախագիծը մեծ հաջողություն կունենա, իսկ ներդրողները եւ բնակիչները կօգտվեն սեփականատերերի ակումբի եւ հատուկ արտոնությունների բոլոր հնարավորություններից»։

Նրա համոզմամբ՝ նման մասշտաբի նախագծերի ազդեցությունը մեծ է երկրի բիզնես մշակույթի եւ տնտեսության վրա։  «Բարձրակարգ բնակելի համալիրի եւ հյուրանոցային ենթակառուցվածքի համադրումը նպաստում է ճանապարհորդության եւ կյանքի որակի ընկալման փոփոխությանը՝ առաջարկելով միջազգային չափանիշներին համապատասխան ծառայություններ թե՛ գործարար, թե՛ զբոսաշրջային այցերի դեպքում։ Հայաստանում նման նախագծերը բարձրացնում են ճանապարհորդների ակնկալիքները եւ խթանում քաղաքային հյուրանոցային միջավայրի զարգացումը։ Պրեմիում սեգմենտը երկրում աստիճանաբար զարգանում է նոր որակական մակարդակով, որտեղ առաջնային է դառնում ոչ միայն գույքի սեփականությունը, այլեւ միջազգային համայնքին պատկանելու զգացողությունը՝ լյուքսը վերածելով կենսակերպի»,- նշեց Արոն Լիբինսոնը։

Միջոցառման ընթացքում ապագա բնակիչներին տրամադրվեցին Accor-ի հավատարմության ծրագրի Պլատինե կարգավիճակի քարտեր, որոնք ներառում են տարբեր արտոնություններ եւ համաշխարհային ճանապարհորդության հնարավորություններ: Ծրագրի շրջանակում սեփականատերերը ստանում են՝ Accor Live Limitless ծրագրի PLATINUM կարգավիճակ, VIP ամրագրման սպասարկում, որը աջակցում է ճանապարհորդությունների պլանավորմանը Accor խմբի հյուրանոցների եւ հանգստավայրերի գլոբալ ցանցում, սենյակի կարգի անվճար բարձրացում՝ աշխարհի ավելի քան 5,700 հյուրանոցներում եւ հանգստավայրերում, 20% զեղչ լավագույն հասանելի սակագնից՝ մասնակից Accor հյուրանոցներում եւ հանգստավայրերում ամբողջ աշխարհում, տեղում տրամադրվող այլ առավելություններ եւ արտոնություններ։

Սա նշանակում է, որ Pullman Living and Residences Yerevan–ի բնակիչ դառնալը ենթադրում է ոչ միայն անշարժ գույքի ձեռքբերում, այլեւ մասնակիցը դառնալ Accor-ի միջազգային համայնքի: 

Հետևեք NEWS.am STYLE-ին Facebook-ում, Twitter-ում և Instagram-ում