• «ԹԷԱՏՐՈՆ» փառատոնի շրջանակում Երևանում կցուցադրվի «Ֆոլիա» ներկայացումը

  Սեպտեմբերի 14-ից 28-ը, Երևանի քաղաքապետարանի գլխավոր հովանավորությամբ, ՀՀ արտաքին գործերի նախարարության և ՀՀ էկոնոմիկայի նախարարության Զբոսաշրջության կոմիտեի աջակցությամբ, Հայաստանում կանցկացվի «ԹԷԱՏՐՈՆ» կատարողական արվեստների միջազգային ֆրանկոֆոն փառատոնը․․․

• «ԹԷԱՏՐՈՆ» փառատոնի շրջանակում Երևանում կներկայացվի բելգիական «Չայկա» թատերախմբի «Լոկո» խամաճիկային ներկայացումը

  Սեպտեմբերի 24-ին, ժամը՝ 19:30-ին, «ԹԷԱՏՐՈՆ» կատարողական արվեստների միջազգային ֆրանկոֆոն փառատոնի շրջանակում Սոս Սարգսյանի անվան Համազգային թատրոնում կներկայացվի բելգիական «Չայկա» թատերախմբի «Լոկո» խամաճիկային ներկայացումը...

• Հայաստանում կանցկացվի «ԹԷԱՏՐՈՆ» կատարողական արվեստի միջազգային ֆրանկոֆոն փառատոնը

  2026 թվականի սեպտեմբերի 14–28-ը Երևանի քաղաքապետարանի գլխավոր հովանավորությամբ Հայաստանում կանցկացվի «ԹԷԱՏՐՈՆ» կատարողական արվեստների միջազգային ֆրանկոֆոն փառատոնը...

• Տանիք, որը հիշում է հին Երևանը. աղավնատան պահապանի պատմությունը

  Ժամանակին Երևանն ուներ իր ուրույն երկինքը։ Այն կիսում էին հարյուրավոր աղավնիներ, տասնյակ աղավնատներ և մարդիկ, որոնց համար տան տանիքը ամենասիրելի վայրն էր։ Այսօր քաղաքային այդ ավանդույթը գրեթե անհետացել է՝ թողնելով անցյալի միայն հազվագյուտ պահապանների։ Մենք զրուցեցինք այդպիսի պահապաններից մեկի հետ և պարզեցինք, թե ուր են կորել բոլոր աղավնատները...

• Գիշերային Երևանը երաժշտության հնչյունների ներքո. երեկո KAMI FRIENDS-ի հետ՝ Ա. Խաչատրյանի անվան համերգասրահի տանիքին

  Երեկոյան Երևանը հատկապես գեղեցիկ է թվում։ Ավելի գեղեցիկ՝ Արամ Խաչատրյանի անվան համերգասրահի տանիքից․․․

• Neutrogena-ն ներողություն է խնդրում Հեյդեն Պանետիերից՝ 2015-ին հետծննդյան դեպրեսիայի դեմ պայքարելու ընթացքում նրան աշխատանքից ազատելու համար

  Neutrogena-ն վերջապես ներողություն է խնդրում Հեյդեն Պանետիերից՝ նրա ողբերգական մահից մի քանի օր անց՝ 2015 թվականին հետծննդյան դեպրեսիայի տառապանքի ժամանակ նրա պայմանագիրը խզելու համար, գրում է Pag Six-ը․․․

• «Երևանի գիշերները» մշակութային նախագիծը կանցկացվի մայրաքաղաքի տարբեր այգիներում

  «Երևանի գիշերները» մշակութային նախագիծը բաղկացած է 6 համերգից՝ 3 դասական և 3 ջազային, որոնք կանցկացվեն Երևանի տարբեր այգիներում…

• «Գութան» փառատոնը նվիրված կլինի Գագիկ Գինոսյանի 60-ամյակին և կրկին կհամախմբի հայկական երգի և պարի լավագույն խմբերին

  Օգոստոսի 22-ին՝ ժամը 19:00-ին, «Մրրո» հայ ազգային արվեստի կենտրոնի նախաձեռնությամբ Երևանի Գաֆէսճյան քանդակների պարտեզում (Կասկադ) տեղի կունենա «Գութան» Հայաստանի ազգային-ավանդական երգի-պարի ամենամյա փառատոնը…

Կան դասական ռեստորաններ, աղմկոտ քաղաքային սրճարաններ, վայրեր՝ երկար զրույցների և հանդարտ երեկոների համար: Բայց կան ձևաչափեր, որոնք վաղուց հայտնի են համաշխարհային գաստրոնոմիական հանրությանը, որտեղ սնվելն իսկական արարողություն է, ոչ թե սովորական ընթրիք։

Դրանցից մեկը Le Petit Chef-ն է, որը պաշտոնապես բացվել է Երևանում՝ Armenia Marriott Hotel Yerevan-ի երրորդ հարկում: Բացումը նշանակալի իրադարձություն դարձավ քաղաքի գաստրոնոմիական կյանքում: Նախագիծը, որն արդեն ներկայացված է ավելի քան 50 երկրում, առաջին անգամ հայտնվեց Հայաստանում՝ մայրաքաղաքի ամենաճանաչելի վայրերից մեկում:

Ինչպես նշում է հյուրանոցի սննդի և խմիչքների գծով տնօրեն Պիմ վան հետ Ռևեն, վայրի ընտրությունը մտածված էր։ «Նախևառաջ՝ Marriott-ի դիրքի պատճառով: Այս հյուրանոցը շատերին է հայտնի, այն գտնվում է հենց Հանրապետության հրապարակում: Պատմական շենքը և տեսարանը դեպի քաղաքի կենտրոն կատարյալ մթնոլորտ են ստեղծում նման նախագծի համար»,- ընդգծել է նա:

Le Petit Chef-ը ընթրիք-շոուի ձևաչափ է, որտեղ գաստրոնոմիան համադրվում է 3D վիդեոմեփինգի հետ: Հենց սեղանի վրա՝ հյուրերի առջև, հայտնվում է մոտ վեց սանտիմետր հասակով փոքրիկ անիմացիոն խոհարարը: Նա «պատրաստում է» ուտեստները, հայտնվում զվարճալի իրավիճակներում, ճամփորդում տարբեր աշխարհներով։ Այնուհետև գործի է անցնում Armenia Marriott Hotel Yerevan-ի խոհարարների իրական թիմը, և այն ամենը, ինչ հենց նոր տեղի էր ունենում անիմացիայի մեջ, հայտնվում է սեղանին՝ իրական ուտեստի տեսքով:

«Le Petit Chef-ը զվարճալի, բայց միևնույն ժամանակ նրբաճաշակ գաստրոնոմիական փորձառություն է: Փոքրիկ խոհարարը դառնում է ժամանցի մի մասը, իսկ վերջում ամեն ինչ միավորվում է որակյալ տեղական և միջազգային բաղադրիչներից պատրաստված իսկապես համեղ սննդի հետ: Այս ամենը լրացնում է հայկական գինիների և կոկտեյլների խնամքով ընտրված հավաքածուն»,- պատմում է Պիմ վան հետ Ռևեն:

Ավելին՝ Le Petit Chef-ը ներդաշնակորեն տեղավորվում է ժամանակակից քաղաքի վիզուալ մշակույթի մեջ: Սա ինստագրամյան ձևաչափ է, որտեղ յուրաքանչյուր մանրուք՝ ափսեի վրայի անիմացիայից մինչև լույսն ու պատուհանից բացվող համայնապատկերը, աշխատում է ներկայության էֆեկտ ստեղծելու և այդ երեկոն կադրում պահպանելու ցանկության վրա:

Բուն ընթրիքը կառուցված է շատ հանգիստ և մտածված: Հինգ ուտեստից բաղկացած սեթը մատուցվում է հաջորդաբար, առանց շտապողականության, հստակ ռիթմով։ Մատուցման նման ձևաչափը տարբերվում է հայկական սովորական խնջույքներից և հյուրերին առաջարկում է երեկոյի այլ՝ ավելի հանդարտ սցենար:

Բացմանը հյուրերին ներկայացրեցին Le Grand Chef սեթը՝ որպես հայեցակարգին լիարժեք ծանոթություն: Բացի դրանից, ռեստորանում հասանելի են Le Petit Chef Classic, Le Petit Chef Vegetarian, ինչպես նաև երեխաների համար նախատեսված հատուկ Junior Menu-ն՝ բոլորը նույն ոճով: Մենյուն ստեղծվել է այնպես, որ տեղական մթերքները բացահայտվեն միջազգային բարձր խոհանոցի հնարքների հետ համադրությամբ: Ծանոթ բաղադրիչներն այստեղ մատուցվում են ավելի ժամանակակից ու կոկիկ մեկնաբանությամբ՝ միաժամանակ պահպանելով համի մաքրությունն ու մթերքի որակը:

Երեկոյի գաստրոնոմիական մասը սկսվում է ստրաչատելայով, որը մատուցվում է ալյասկյան կամչատկյան խեցգետնի, ռուկոլայի, բողկի, չորացրած լոլիկների և լոլիկի գրանիտայի հետ: Մեկնարկը շատ թարմ և թեթև է ստացվում. գրանիտան հաճելիորեն հովացնում է, ստրաչատելան ավելացնում է փափկություն, իսկ խեցգետինը բացահայտվում է նուրբ, թեթևակի քաղցրավուն նոտայով: Ճաշատեսակի հետ առաջարկում են Zulal-ի Voskehat Classic-ը՝ թարմացնող, հանքային գինի, որն ամրապնդում է առաջին տպավորությունը:

Հաջորդիվ մատուցում են բույաբես՝ նորվեգական իշխանով, միդիաներով, ծովախեցգետիններով, կաղամարով, կարմիր ու սև խավիարով և շաֆրանային այոլիով: Արգանակը թանձր է և հագեցած՝ վառ լոլիկային հիմքով և մեղմ համեմունքներով: Ծովամթերքները լավ զգացվում են առանձին-առանձին՝ ստեղծելով հարուստ, բայց հասկանալի համ: Minas-ի Kangun–Sauvignon Blanc-ը թարմացնում է մատուցումը և ավելացնում թեթև ցիտրուսային երանգներ:

Երրորդ ուտեստն ուղեկցվում է բնության պատկերներով՝ խոտեր, ջուր, սնկեր՝ ստեղծելով Դիլիջանի անտառի մթնոլորտ: Այդ պահին մատուցում են լոր՝ բլղուրով, ծաղկակաղամբի մուսով, Դիլիջանի սնկերով, կանաչ լոբով և նռան սոուսով: Միսը փափուկ է և հյութալի, բլղուրը հագեցվածության զգացում է տալիս, սնկերն ավելացնում են համի խորությունը, իսկ նռան սոուսը թարմ թթվաշ-քաղցր նոտա է հաղորդում: Van Ardi-ի Tor Tori-ն զգուշորեն լրացնում է ուտեստը՝ ուշադրությունն իր վրա չսևեռելով:

Սեթի գագաթնակետն է դառնում Black Angus-ից պատրաստված Տուրնեդո Ռոսինին՝ ֆուա-գրայով, սև տրյուֆելով, Ararat բալի սոուսով, «շատո» կարտոֆիլով և բոկ-չոյով: Ուտեստը ստացվում է հագեցած և արտահայտիչ. ֆուա-գրան հաղորդում է սերուցքային նրբություն, տրյուֆելը՝ բուրմունք, իսկ բալի սոուսը մեղմորեն հավասարակշռում է համը: Gevorkian-ի Areni Ariats Kakhani Reserve-ը հետհամն ավելի խորը ու տևական է դարձնում:

Երեկոյի ավարտը հատկապես էլեգանտ տեսք ունի: Ընկուզային «պարֆե գլասեն»՝ տապակած անանասով, հալվայով և պիստակով, ուզում ես երկար զննել նախքան փորձելը: Համը բացահայտվում է աստիճանաբար. նախ՝ փափուկ ընկուզային հիմքը, ապա անանասի տաք քաղցրությունը, հալվայի թեթև արևելյան նոտաները և պիստակի խրթխրթանությունը: 10 տարեկան Ararat Akhtamar կոնյակն ավելացնում է ազնվական ջերմություն, իսկ ուտելի ոսկու թերթիկը շքեղորեն եզրափակում է մատուցումը: Voskevaz Katarine Dessert-ը դնում է մեղմ վերջակետը՝ թողնելով մեղրային և մրգային երանգներ:

Երևանյան Le Petit Chef-ը շատ ամբողջական և հաճելի տպավորություն է թողնում: Սա մի երեկո է, որը հիշվում է ոչ թե առանձին ուտեստով կամ էֆեկտով, այլ ընդհանուր մթնոլորտով, ռիթմով և մանրուքների նկատմամբ ուշադրությամբ: Ձևաչափը հեշտությամբ ներգրավում է, չի հոգնեցնում և իրենից հետո թողնում է գեղեցիկ անցկացրած ժամանակի զգացողություն՝ շողշողացող Հանրապետության հրապարակի կինեմատոգրաֆիական տեսարանով:

Հետևեք NEWS.am STYLE-ին Facebook-ում, Twitter-ում և Instagram-ում