• Դերասան Սամվել Թադևոսյանը կպարգևատրվի «Ոսկե գլոբուս»-ի կողմից

  «Ոսկե գլոբուս»-ը (Golden Globes) կմեծարի հայ դերասան Սամվել Թադևոսյանին «Ոսկե գլոբուս. Մետաքսի ճանապարհ» (Golden Globes Silk Road) խորագրով անդրանիկ հանդիսավոր երեկոյի ընթացքում, որը տեղի կունենա 2026 թվականի հոկտեմբերի 23-24-ին Ուզբեկստանում, գրում է Armenian Film Society-ն…

• 27 օր Հունաստանում, ուշացած վիզա ու նոր հումորային կերպար․ Իրինա Հարությունյանը՝ «Բարի Գալուստի» մասին

  Հոկտեմբերի 20-ից Shant TV-ի եթերում կլինի «Բարի Գալուստ» սիթքոմը, որի նկարահանումներն անցկացվել են Հունաստանում․․․

• Պլասիդո Դոմինգոն Երևանում է. ի՞նչն է օպերային լեգենդին բերել Հայաստան

  Այսօր՝ հոկտեմբերի 14-ին, Ալեքսանդր Սպենդիարյանի անվան օպերայի և բալետի ազգային ակադեմիական թատրոնում տեղի ունեցավ հայ մեծանուն տենոր, համաշխարհային օպերային արվեստի նշանավոր ներկայացուցիչ Գեղամ Գրիգորյանի ծննդյան 75-ամյակին նվիրված գալա-համերգի մամուլի ասուլիսը…

• Լեգենդար «Որոգայթը» վերադառնում է՝ «Նոր սկիզբ»․ նոր պատմություն, նոր մասշտաբ, նոր խաղի կանոններ

  Լեգենդար «Որոգայթը» վերադառնում է՝ «Որոգայթ. Նոր սկիզբ» 24 մասից բաղկացած նոր քրեական դրամայով...

• Րաֆֆի Գալստյան․ «Ուզում եմ իմ լավագույն տարիները նվիրել հենց մեր թատրոնին»

  Մոլդովայի բեմում՝ Սպարտակի կերպարով, հայրենիքում՝ նոր դերերով ու ստեղծագործական ծրագրերով…

• Սյուզան Մարգարյանի արձագանքը Սիրուշոյի պատմությանը, Fashion Week-ն ու Երևանի 2808-ամյակը․ Instagram-ը՝ այս շաբաթ

  Հոկտեմբերի 7-ին կայացավ Վարդուհի Վարդանյանին նվիրված մեծ համերգը, որի ընթացքում գրանցվեցին մի շարք տպավորիչ ու հուզիչ դրվագներ...

• Երջանկության, վախերի ու սիրո մասին․ դերասանները՝ առանց բեմական կերպարների

  Բեմում դերասանին սովորաբար ճանաչում ենք նրա ստեղծած կերպարով, իսկ հարցազրույցում՝ նրա մասնագիտական հայացքներով․․․

• Երեք հարս, մեկ սկեսուր ու մեկ մեծ գաղտնիք․ «Հարսների հավաքականը»՝ բեմում

  Երեք հարս, մեկ սկեսուր ու շատ ինտրիգներ. հոկտեմբերի 5-ին և 7-ին Ստանիսլավսկու անվան ռուսական դրամատիկական թատրոնի բեմ բարձրացավ ռեժիսոր Սեդրակ Գոջամանյանի «Հարսների հավաքական» զավեշտալի ներկայացումը՝ Իրինա Դանիելյանի, Մարջան Ավետիսյանի, Զառա Սահակյանի ու Լիանա Վանոյանի մասնակցությամբ….

Մարի Պետրոսյանը 2025 թվականը ավարտում է ներքին խաղաղությամբ ու նոր ուժով։ Դերասանուհին, ով տարեվերջին բարձրաձայնեց նախկին ամուսնու կողմից իր նկատմամբ կիրառված բռնության մասին, այսօր ասում է՝ իր մեջ ուժ է գտել իր և երեք երեխաների համար նոր կյանք սկսելու։

«Ճիշտ է՝ դեռ ունեմ դժվարություններ, բայց դրանք պետք է հաղթահարեմ հոգեբանորեն։ Դա մի քանի օրերի կամ ամիսների հարց չէ, սակայն ես ինքս իմ վրա աշխատում եմ այդ ուղղությամբ»,-NEWS.am STYLE-ին պատմում է դերասանուհին։

Մարիի խոսքով՝ ամենակարևորը երեխաների հոգեվիճակն է եղել։ Նա ամեն ինչ արել է, որպեսզի նրանք հնարավորինս չզգան տեղի ունեցածի ծանրությունը և շարունակեն ապրել իրենց բնական առօրյայով։

«Տղաներս հասկանում են, գիտակցում են՝ ինչ է կատարվել։ Ես փորձել եմ այնպես անել, որ նրանց կյանքը ավելի թեթև լինի։ Հիմա, ինչպես ես, այնպես էլ նրանք ավելի խաղաղ են՝ իրենց խաղերով, իրենց առօրյայով։ Նրանց հոգեվիճակն այսօր շատ ավելի լավ է»,- ասում է նա։

Դերասանուհին խոստովանում է՝ իր մեջ կարծես «երկրորդ շունչ» է բացվել, ինչը մեկնաբանում է որպես Աստծուց ստացած նվեր։

«Այդքան դժվարություններից, սթրեսից ու ծանր հոգեվիճակից հետո, կարծես նոր կյանք եմ ստացել։ Խավարից հետո միշտ լույս է բացվում, և հիմա ես հենց այդ զգացողության մեջ եմ»,- ընդգծում է Մարին։

Նա չի բացառում վերադարձը նկարահանման հրապարակ։ Արդեն ստացել է գովազդային առաջարկներ, եղել են նաև որոշ էկրանային առաջարկներ, որոնք, սակայն, չի ընդունել։

«Սպասում եմ այն պահին, երբ կստանամ իմ սրտի կերպարի առաջարկը։ Չգիտեմ՝ երբ, բայց վստահ եմ՝ կլինի»,- ասում է դերասանուհին։

Մարի Պետրոսյանի ակտիվությունն ու բաց լինելը մեծամասամբ ստացել են հասարակության աջակցությունը։ Նա նշում է՝ ստացել է բազմաթիվ նամակներ ու ջերմ խոսքեր, որոնք իր համար չափազանց կարևոր են եղել այս շրջանում։

«Ցավոք, բոլորին չեմ կարողանում պատասխանել, բայց անչափ շնորհակալ եմ։ Շատ մարդիկ իմ դժվար պահին իմ կողքին էին։ Բառերով հնարավոր չէ նկարագրել այդ աջակցությունը։ Շատերի հետ նույնիսկ ծանոթացել եմ ու շփվում եմ»,- հուզմունքը զսպելով նշում է նա։

Դերասանուհու խոսքով՝ ֆոտոշարքերն ու նկարահանումները իր աշխատանքի մի մասն են, և հենց այդ ճանապարհով է փորձում վերադառնալ կյանքի բնական ընթացքին։ Միաժամանակ նա արձագանքում է նաև քննադատություններին։

«Եղան մարդիկ, ովքեր գրում էին՝ եթե բռնության էր ենթարկվել, ինչպես կարող էր այսքան արագ ակտիվանալ։ Բայց փորձե՞լ են մտածել, որ մարդը հենց այդպես է իրեն փորձում գտնել, վերադառնալ կյանք։ Տարիներ շարունակ ես արտասվել եմ, հուսահատվել, չեմ իմացել՝ ինչպես ապրել։ Այդ մարդիկ իմ կողքին չեն եղել և չեն ճանաչում իմ ապրումները»,- ասում է Մարին։

Նրա խոսքով՝ այսօր փորձում է կրկին ապրել, շնչել ու վայելել կյանքը՝ իր և իր երեխաների համար։

2026 թվականը դերասանուհին պատրաստվում է դիմավորել երեխաների հետ՝ շատ ավելի հանգիստ ու հավասարակշռված հոգեվիճակում։

«Այն, ինչ ակնկալում եմ, ակնկալում եմ միայն ինձանից։ Գիտեմ՝ ամեն ինչ իմ ձեռքերում է, և վստահ եմ՝ ամեն բան լավ է լինելու։ Ցանկանում եմ, որ բոլորի կյանքում ամեն ինչ լավ լինի։ Նույնիսկ ինձ քննադատողներին մաղթում եմ խաղաղություն, մաքրում ու լավ կյանք»,- ընդգծում է նա։

Մարի Պետրոսյանը խոստովանում է՝ մինչև վերջերս ինքն էլ չէր հավատում, որ կարող է ոտքի կանգնել, և այսօր իր խոսքը հույսի ու հավատքի կոչ է բոլոր նրանց համար, ովքեր ծանր վիճակում են։

«Ուզում եմ, որ մարդիկ միշտ հույսով ու հավատով ապրեն, չկորցնեն իրենց այս կյանքում։ Ամեն բան լավ է լինելու»։

Սյունե Առաքելյան

Լուսանկարները՝ Լևոն Ալեքսանյանի

Հետևեք NEWS.am STYLE-ին Facebook-ում, Twitter-ում և Instagram-ում