Թեմա կա. ո՞ւմ մասին է Աստղիկ Սաֆարյանը մտածում գիշերվա 2-ին և ո՞ւմ է տեսնում որպես «Երկու աստղի» հաջորդ զույգ

Օսկար Ուայլդի «Սալոմեն»՝ Երևանի դրամատիկական թատրոնի նոր հարթակում

Կանանց զուգարանից՝ հասարակության հայելի. «Toilet կանանց համար»

Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Սեր, հայրենիք և համախմբում․ Արմեն Պետրոսյանը՝ «Բլոկադա» ներկայացման գաղափարի մասին

11:05, 4 փետրվարի

«Բլոկադա» ներկայացման գաղափարը պրոդյուսեր Արմեն Պետրոսյանի մոտ առաջացել է տարբեր երկրներում հայերի հետ շփումից: «Հասկացա, որ շատ ենք ուշադրություն դարձնում, թե ով որտեղից է, և դա պատճառ է հանդիսանում մարդուն սիրելու կամ չսիրելու: Բայց հենց դժվարության մեջ ենք հայտնվում, համախմբվում ենք: Իսկ սա սիրո պատմություն է՝ նեղության ու դժվարության մեջ: Սեր՝ միմյամց ու հայրենիքի հանդեպ»,-NEWS.am STYLE-ի հետ զրույցում նշեց Մենչը:

Ներկայացման կիզակետում Արցախցի մի ընտանիք է, որին, ճակատագրի բերումով, հյուր է գալիս Երևանից մի ընտանիք, իսկ ավելի ուշ սկսվում է բլոկադան: Այս երկու՝ առաջին հայացքից միմյանցից տարբեր ընտանիքները, պետք է ամբողջ աշխարհից կտրված՝ գոյատևեն ու ապրեն մեկ տան մեջ, և ոչ ոք չգիտի, թե ինչով կավարտվի ամեն ինչ․․․

Ներկայացման բեմադրող ռեժիսորը Սեդրակ Գոջամանյանն է, պրոդյուսերները՝ Արմեն Պետրոսյանը և Սոֆիա Ղուլյանը, պիեսի հեղինակ՝ Անի Մաղաքյան։ Հերոսներին մարմնավորում են Շանթ Հովհաննիսյանը, Մարջան Ավետիսյանը, Վաչե Երիցյանը, Մարիամ Ալեքսանյանը, Բորիս Մելքոնյանը և Էլեն Գևորգյանը։

att.dmphvTLSuDUVUD0Mk7oDKAwRZqEbZw_H4Xeodgu9EFc.jpeg (117 KB)

«Երկար ենք մտածել դերասանական կազմի շուրջ, ի վերջո, կանգ առա հենց այս կազմի վրա, որովհետև նրանցից ամեն մեկին առանձին-առանձին տեսել եմ, ու պատկերացրի իրենց դերերում»,-ասում է պրոդյուսերը:

Ներկայացման դերասանական կազմում եղել է փոփոխություն. ի սկզբանե, Շանթ Հովհաննիսյանի փոխարեն ընդգրկված էր Լևոն Հարությունյանը, սակայն քանի որ ներկայացումներ են ունենալու ԱՄՆ-ում, Եվրոպայում ու Ռուսաստանում, դիմել են փոփոխության, քանի որ Լևոն Հարությունյանն ուներ այլ զբաղվածություն ևս:

«Բլոկադա» ներկայացումը կունենա նաև սաունդրեք, որը հեղինակել է Արտեմ Վալտերը: Արմեն Պետրոսյսնի խոսքով՝ այն արդեն պատրաստ է և կներկայացվի հենց պրեմիերային, որը կկայանա փետրվարի 23-ին ու 24-ին՝ Հակոբ Պարոնյանի անվան թատրոնում:

Մենչը հավելում է՝ հումորային ու ժամանցային նախագծերից հետո այս լուրջ ու կարևոր թեմային անդրադառնալն իր համար «շատ ցանկալի ու պարտադիր փորձ էր», որի մասին ամբողջ կյանքում երազել է:

«Այս ներկայացման ամենակարևոր հաղորդագրությունը սերն է՝ միակ բանը, ինչը կարող է մեզ փրկել, և առաջին հերթին՝ սերը միմյանց հանդեպ՝ անկախ նրանից, թե ով որտեղից է ծնունդով, կարևորը՝ մենք բոլորս հայ ենք, և եթե մենք իրար չսիրենք, պետք չէ ակնկալել, որ որևէ այլ ազգ մեզ կսիրի»,-ասում է նա՝ նշելով, որ ներկայացման հետ կապված մեծ ծրագրեր ունեն. «Ուզում ենք, որ հնարավորինս շատ հայ տեսնի այն, որովհետև, իմ կարծիքով, սա այսօր բոլորիս է պետք»:

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում




Print  

  • Related News

TV SHOWS PHOTO VIDEO


@NEWSam_STYLE

  • Archive
Search