Մարդիկ կան՝ վատ բաներ են մեր հետևից ասում, մարդիկ կան՝ ուրախանում են. Հելոուինը` Հայաստանում

VIDEO. Սոս Ջանիբեկյանը, Լուիզա Ներսիսյանը, Դիանա Մալենկոն և Լևոն Հախվերդյանը՝ սիրային քառանկյունու կիզակետում

Ինչպես Նարեին դիմավորեցին «Զվարթնոց» օդանավականում՝ «Մանկական Եվրատեսիլում» հաղթանակից հետո. երգչուհու էմոցիաները

Թեմա կա. ո՞ւմ մասին է Աստղիկ Սաֆարյանը մտածում գիշերվա 2-ին և ո՞ւմ է տեսնում որպես «Երկու աստղի» հաջորդ զույգ

Օսկար Ուայլդի «Սալոմեն»՝ Երևանի դրամատիկական թատրոնի նոր հարթակում

Կանանց զուգարանից՝ հասարակության հայելի. «Toilet կանանց համար»

Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Հայաստանը՝ «Պատանի երաժիշտների Եվրատեսիլում». Էլեն Վիրաբյան՝ հաղթանակ, էմոցիաներ և սպասումներ

17:34, 23 մարտի

«Դեպի դասական Եվրատեսիլ» մրցույթում հաղթանակը երիտասարդ ֆլեյտահարուհի Էլեն Վիրաբյանի համար դարձավ ոչ միայն կարևոր ձեռքբերում, այլ նաև նոր՝ միջազգային բեմ տանող քայլ։ Հունիսի 6-ին Երևանում կայանալիք «Պատանի երաժիշտների Եվրատեսիլ» մրցույթում նա կներկայացնի Հայաստանը՝ արդեն ավելի մեծ պատասխանատվությամբ ու ոգևորությամբ։

NEWS.am STYLE-ի հետ զրույցում Էլենը խոստովանում է՝ հաղթանակից հետո զգացողությունները խառն են, բայց առավելապես՝ ոգևորիչ․

IMG_8306.jpeg (4.75 MB)

«Ես շատ հուզված եմ և անելու եմ լավագույնը, որպեսզի Հայաստանը ցուցադրեմ ամենալավ կողմերով»։

Երաժշտությունը նրա կյանքում պատահական ընտրություն չէ։ Էլենի ընտանիքում արվեստը միշտ ներկա է եղել․ մայրը ֆլեյտայի ուսուցչուհի է, հայրը՝ դաշնակահար և ռեժիսոր։

«Ինչ-որ առումով պարզ էր, թե ես ինչ ուղի կընտրեի (ծիծաղում է)։ Մայրս դեռ մանկուց ինձ հետ պարապում էր ու օգնում, իսկ հայրս ինձ բացել է նաև երաժշտության այլ կողմերից»,- պատմում է նա։

IMG_8307.jpeg (4.73 MB)

Թե որ ստեղծագործությամբ Էլենը հանդես կգա մրցույթում, դեռ վերջնական որոշված չէ, սակայն նա արդեն ունի իր երազանքը։ Երիտասարդ երաժիշտը կցանկանար բեմում հնչեցնել Արամ Խաչատրյանի կոնցերտի 3-րդ մասը։

«Շատ կուզեի նվագել այդ ստեղծագործությունը։ Այն բավականին երկար է՝ մոտ 9 րոպե, բայց ինձ համար մեծ պատիվ կլինի։ Բացի այդ, այն, որ Խաչատրյանը հայ է, ևս կօգնի Հայաստանը ներկայացնել լավագույն ձևով»։

Առավել խորհրդանշական է այն հանգամանքը, որ մրցույթի օրը համընկնում է մեծ կոմպոզիտորի ծննդյան օրվա հետ, ինչը, Էլենի խոսքով, կարող է ելույթին հատուկ նշանակություն հաղորդել։

IMG_8308.jpeg (4.63 MB)

Չնայած սպասումներին ու պատասխանատվությանը՝ նա կարևորում է հենց երաժշտության հետ անկեղծ կապը․

«Չեմ կարող ասել՝ ինչպես կստացվի, բայց երաժիշտի համար ամենակարևորը ցույց տալ իր առավելագույնն ու ստանալ հաճույք այդ գործընթացից»։

Հավելենք, որ 2025 թվականի դեկտեմբերին Առաջին ալիքը հայտարարել էր մրցույթ, ինչի արդյունքում ստացել էին ավելի քան 130 հայտ։ Մոտ երկու ամիս տևած մրցութային փուլերից հետո, 11 մասնակից, հաղթահարելով այդ փուլերը, հասավ եզրափակիչ։ Արդեն այս փուլում նրանք ելույթ ունեցան նվագախմբի հետ միասին։

Էլենը հաղթեց Կարլ Ֆիլիպ Էմանուել Բախի՝ ֆլեյտայի և նվագախմբի համար կոնցերտի 3-րդ մասով։

Սյունե Առաքելյան

Լուսանկարները՝ Առաջին ալիքի


Հետևեք NEWS.am STYLE-ին Facebook-ում, Twitter-ում և Instagram-ում




Print  

  • Related News

TV SHOWS PHOTO VIDEO


@NEWSam_STYLE

  • Archive
Search