• Սեր, սեքս, ազատություն և Ստալին․ Զաբել Եսայան՝ իր ժամանակի գլխավոր ապստամբը

  Նա վիճում էր, սխալվում, պաշտպանում, մեղադրում, հավատում գաղափարներին ու հետո հիասթափվում դրանցից, բայց գրեթե երբեք չէր համաձայնում ապրել այնպես, ինչպես իրենից պահանջում էին շրջապատողները...

• Հայկական տեսանյութը համաշխարհային մշակութային թրենդում նվաճում է սոցցանցերն ու գրավում արտասահմանյան մեդիաների ուշադրությունը

  Ռեժիսոր և օպերատոր Ավո Հարությունյանի ու Black Flight թիմի կողմից միջազգային տեսողական թրենդի շրջանակում նկարահանված «BORN FROM CULTURE | ARMENIA» տեսանյութը հրապարակումից ընդամենը մեկ շաբաթ անց հատել է մեկ միլիոն դիտման սահմանագիծը...

• Հայաստանի զբոսաշրջային բումը. Ինչպես է երկիրը գրավում ճանապարհորդներին 2026 թվականին

  2026 թվականը ռեկորդային տարի էր հայկական զբոսաշրջության համար. երկիրն ունեցավ զբոսաշրջիկների աննախադեպ աճ՝ գրանցելով անկախությունից ի վեր լավագույն ցուցանիշները…

• «Եվրատեսիլ» երգի մրցույթը փոխում է պատերազմող երկրների մասին կանոնները

  «Եվրատեսիլ» երգի մրցույթի կազմակերպիչները թարմացրել են իրենց կանոնները՝ նշելով, որ եթե զինված հակամարտության մեջ ներգրավված երկիրը հաղթի մրցույթում, ապա այն չի կարողանա այն հյուրընկալել հաջորդ տարի, գրում է BBC-ն․․․

• «Խաղողօրհնեք»-ի փառատոնը՝ Արենիում. Ինչպես է գինու տուրիզմը զարգանում գյուղական տարածքներում

  Արենի համայնքում անցկացվող փառատոները մշակութային միջոցառումներ են, բայց դրանք նաև ծառայում են որպես զբոսաշրջության, փոքր բիզնեսի և գյուղական վայրերի զարգացման գործիք․․․

• «Երազ Այգում» կանցկացվի Ազգային տարազի փառատոնը

  Օգոստոսի 16-ին «Երազ Այգի»-ում տեղի կունենա Ազգային տարազի փառատոնը, որը մեկ հարթակում կմիավորի հայկական ազգային տարազը, ավանդական արհեստները, երաժշտությունը, էթնոդիզայնն ու Խաղողօրհնեքի դարավոր ավանդույթը...

• «Հայկական ժամադրությունների մշակույթը վնասում է մեր ժողովրդագրական ցուցանիշներին»

  Երբ մարդիկ խոսում են ժողովրդագրական ճգնաժամի մասին, նրանք սովորաբար հիշատակում են արտագաղթը, ցածր աշխատավարձը կամ բնակարանների բարձր գները: Եվ գրեթե ոչ ոք չի խոսում ժամադրությունների մասին, չնայած որ դա այն վայրն է, որտեղից սկսվում է յուրաքանչյուր ընտանիք․․․

• «Նավասարդ» հայ-իրանական փառատոնը նշում է 5-րդ հոբելյանը․ Սիսիանում սպասվում են երկու օր տևող մշակութային ու խոհարարական տոնակատարություններ

  Այս տարի «Նավասարդ» հայ-իրանական մշակութային և խոհարարական փառատոնը նշում է իր 5-ամյակը...

Հայաստանը հունիսի 6-ին Երևանում կհյուրընկալի «Պատանի երաժիշտների Եվրատեսիլ» միջազգային մրցույթը: Այս տարի մեր երկիրը մրցույթում ներկայանալու է ֆլեյտայի հնչյունների ներքո՝ Էլեն Վիրաբյանի մատուցմամբ:

Իսկ ինչպե՞ս ստացվեց, որ հեղինակավոր մրցույթը հյուրընկալելու պատիվն ընձեռվեց Հայաստանին, և որքանո՞վ է այս իրադարձությունը կարևոր մեր երկրի ու մշակույթի համար: NEWS.am STYLE-ը թեմայի շուրջ զրուցել է Հանրային հեռուստաընկերության երաժշտական նախագծերի բաժնի պետ, «Պատանի երաժիշտների դասական Եվրատեսիլ»-ի պրոդյուսեր Անուշիկ Տեր-Ղուկասյանի և Հանրային կապերի ու թվային հաղորդակծցության ծառայության ղեկավար Լուսինե Թորոսյանի հետ:

«Ի տարբերություն մանկական և մեծերի «Եվրատեսիլ»-ների՝ «Պատանի երաժիշտների դասական Եվրատեսիլ»-ում անպայման չէ` հաղթես, որպեսզի կարողանաս քո երկրում հյուրընկալել։ Այս դեպքում հյուրընկալելու հայտ ես ուղարկում Եվրոպական հեռարձակողների միությանը (EBU), և, համապատասխանաբար, բանակցություններ տանում քեզ մոտ իրականացնելու համար»,-պատմում է Անուշիկը: Նրա խոսքով՝ 2024 թվականին բավականին մեծ փորձ են ձեռք բերել` Երևանում ամիսներ շարունակ (Արամ Խաչատրյանի անվան համերգասրահում և Առաջին ալիքի ուղիղ եթերում) անցկացնելով «Դեպի դասական Եվրատեսիլ» մրցույթը, որի եզրափակիչ փուլը, ըստ Անուշիկի, բացարձակ չէր զիջում պատանի երաժիշտների շոուին։ «Կարծում եմ` Եվրոպական հեռարձակողների միությունը, հենց մեր ճանապարհին, մրցութային փուլերին ու եզրափակիչ համերգին հետևելով, հյուրընկալելու հարցում էլ ավելի վստահեց մեզ։ Եվրոպացի գործընկերների հետ մի շարք հանդիպումներից և համաժողովներից հետո հաստատվեց Հայաստանը՝ որպես 22-րդ «Պատանի երաժիշտների դասական Եվրատեսիլ»-ի հյուրընկալող երկիր»:

Այս տարվա «Պատանի երաժիշտների դասական Եվրատեսիլ»-ի կարգախոսն է` «Հայաստան. վայր, որտեղ դասական երաժշտությունը միավորում է»։ Լուսինե Թորոսյանը նշում է՝ այս կարգախոսը պատահաբար չեն ընտրել.

«Այս մրցույթը մեզ համար մշակութային մեծ իրադարձություն է, որովհետև Հայաստանը միշտ էլ աչքի է ընկել դասական երաժշտության դպրոցով։ Բավական է միայն հիշել մեր մեծ կոմպոզիտորներին։ Նույնիսկ «Պատանի երաժիշտների դասական Եվրատեսիլ»-ի անցկացման ամսաթիվն է խորհրդանշական. այդ օրն է ծնվել Արամ Խաչատրյանը»:

Այս տարվա մեր մասնակիցը՝ Էլեն Վիրաբյանը, ընտրվել է «Դեպի դասական Եվրատեսիլ» մրցույթի միջոցով: ««Դեպի դասական Եվրատեսիլը», առաջին հերթին, հրաշալի հարթակ ու հնարավորություն է տալիս այն երաժիշտներին, որոնք ցանկանում են ստեղծագործել և ներկայանալ հայ հեռուստադիտողի առջև։ Իհարկե, Առաջին ալիքի թիմը կարող է մասնակցին ընտրել առանց այս մրցույթն անցկացնելու, սակայն շատ կարևոր է այս հնարավորությունը տրամադրել նման մրցույթների մասնակցել ցանկացող յուրաքանչյուր երաժշտին։

Իհարկե, ամենակարևորը,  նման մրցույթների շնորհիվ մենք հնարավորություն ենք ստանում տարածելու և հանրահռչակելու դասական երաժշտությունը ու այս ժանրում ստեղծագործող պատանիներին»,-հավելում է Անուշիկ Տեր-Ղուկասյանը:

2025 թվականի դեկտեմբերին Առաջին ալիքը հայտարարեց մրցույթ, ինչի արդյունքում ստացան ավելի քան 130 հայտ։ Մոտ երկու ամիս տևած մրցութային փուլերից հետո 11 մասնակից հասավ եզրափակիչ։ Արդեն այս փուլում նրանք ելույթ ունեցան նվագախմբի հետ միասին։

«Պատանի երաժիշտների դասական Եվրատեսիլ» 22-րդ մրցույթը տեղի է ունենալու հունիսի 6-ին՝ հեղինակավոր կոմպոզիտոր Արամ Խաչատրյանի ծննդյան օրը։ 11 պատվիրակություններ հունիսի 1-ից կժամանեն Հայաստան։ Մեզ սպասվում է բավականին ծավալուն շաբաթ՝ փորձեր, նկարահանումներ, մի շարք անակնկալներ մասնակիցների համար և, իհարկե, եզրափակիչ համերգը, որը կհեռարձակվի եվրոպական մի շարք հեռուստաընկերությունների ուղիղ եթերում։ Այս ամենի ուղղությամբ Առաջին ալիքի թիմն աշխատում է մեկ տարուց ավելի. սա մի շարք հանդիպումների և մեծածավալ աշխատանքի արդյունք է»,-ասում են կազմակերպիչները:

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում