• «Գործնական մոգություն 2». Ինչպես Հոլիվուդը գողացավ մոգությունը

  Ի՞նչը կարող է ռեժիսորին ստիպել 28 տարի անց շարունակություն նկարահանել․․․

• Բրեդ Փիթը վերադառնում է զոմբիների աշխարհ. Paramount-ը պաշտոնապես մշակում է «Z համաշխարհային պատերազմ»-ի շարունակությունը  

  Paramount Pictures-ը պաշտոնապես կանաչ լույս է տվել «Z համաշխարհային պատերազմ»-ի շարունակության համար, որտեղ Բրեդ Փիթը կրկին կխաղա իր գլխավոր դերը: Էդվարդ Բերգերը, որը հայտնի է «Արևմտյան ճակատում լռություն է» և «Քոնկլավ» ֆիլմերով, կղեկավարի նախագիծը, իսկ Դենիս Քելլին կգրի սցենարը...

• «Աշտարակ 2». Հիմարությունը քաջության քողի ներքո

  2022 թվականին թողարկվեց «Աշտարակը» թրիլերը․․․

• Տեխնոլոգիական մագնատները դարձել են Հոլիվուդի նոր մանյակները. ինչո՞ւ է Սիլիկոնային հովիտն այժմ սարսուռ առաջացնում

  Հոլիվուդյան իրականության մեջ Սիլիկոնային հովիտը եկել է ոչ թե մարդկությանը փրկելու, այլ լոգարանում նրան մորթելու համար, գրում է Washington Post-ը…

• Երբ ամուսնության մեջ խոսում են միայն օրգազմի մասին, բայց՝ ուրիշի. «Հրավեր» ֆիլմը

  «Հրավեր» կարճ վերնագրով թողարկված կատակերգությունը գործընկերության, սեռական ազատագրման և հոգեթերապիայի մասին է, ու դրանով էլ գրավել է հանդիսատեսին․․․

• Բեն Շիրինյանի «Տնային տնտեսուհին» լիամետրաժ ֆիլմի համաշխարհային պրեմիերան տեղի է ունեցել Տորոնտոյի միջազգային կինոփառատոնում

  Բեն Շիրինյանի լիամետրաժ ռեժիսորական դեբյուտի՝ «Տնային տնտեսուհին» ֆիլմի համաշխարհային պրեմիերան տեղի է ունեցել Տորոնտոյի միջազգային կինոփառատոնում, գրում է Armenian Film Society-ն…

• «Օսկար»-ի «Լավագույն միջազգային լիամետրաժ ֆիլմ» անվանակարգում Հայաստանը կներկայացնի ռեժիսոր Թամարա Ստեփանյանի «Արտոյի երկիրը» ֆիլմը

  «Օսկար»-ի «Լավագույն միջազգային լիամետրաժ ֆիլմ» անվանակարգում Հայաստանը կներկայացնի ռեժիսոր Թամարա Ստեփանյանի «Արտոյի երկիրը» ֆիլմը, հայտնում է Հայաստանի ազգային կինոակադեմիան․․․․

• «Գեղեցիկ կադրը դեռ կինո չէ». Հովհաննես Ղազարյանը՝ ռեժիսորի աչքի, դերասանի ազատության և ժամանակի մասին

  Ի՞նչն է տարբերում ռեժիսորին պարզապես լավ նկարահանողից...

Կնոմոսկվայում հնդկական տրամադրություն է։ 3 տարվա մեջ արդեն 6-րդ անգամ Հնդկաստանի դեսպանատունը Երևանում մեկնարկել է «Հնդկակական ժամանակակից ֆիլմերի փառատոն – 2026»-ը։

Փառատոնի մեկնարկը տրվեց ուրբաթ օրը՝ մարտի 27-ին, Dangal» ֆիլմով, սակայն պաշտոնական բացման արարողությունը կայացավ երեկ՝ մարտի 28-ին։ Այդ օրը ուղերձով հանդես եկավ նաև Հայաստանում Հնդկաստանի արտակարգ և լիազոր դեսպան տիկին Նիլակշի Սահա Սինհան։

Դեսպանը ջերմորեն ողջունեց փառատոնի հյուրերին՝ շնորհակալություն հայտնելով նրանց միջոցառմանը ներկա գտնվելու համար:

«Սա Հնդկաստանի դեսպանատան կողմից վերջին 3 տարիների ընթացքում կազմակերպվող 6-րդ փառատոնն է: Ժամանակակից հնդկական կինոյի շարքերում մենք փորձում ենք իրատեսական ֆիլմեր ներկայացնել հայ հանդիսատեսին: Մեր նախորդ կինոփառատոնը տեղի ունեցավ 2025 թ-ի դեկտեմբերին և հաջողություն գրանցեց ձեր շնորհիվ, ինչի համար շատ շնորհակալ ենք»,-իր խոսքում նշեց նա:

Տիկին Նիլակշի Սահա Սինհան հավելեց՝ ժամանակակից հնդկական կինոյի ամենացայտուն տարբերակիչներից մեկը դրա բազմազանությունն է: «Մենք այլևս չենք ապրում մի ժամանակաշրջաբում, երբ միայն Բոլիվուդն է սահմանում հնդկական ֆիլմերը: Ժամանակակից հնդկական ֆիլմերի բովանդակությունը փոփոխվել է, իսկ տեխնիկապես այն հասել է համաշխարհային չափանիշների, հնդկական պատմությունները գովաբանվում են միջազգային մակարդակով՝ կինոփառատոններից մինչև խոշոր մրցանակաբաշխություններ»:

ՀՀ կրթության, գիտության, մշակույթի և սպորտի նախարարության ժամանակակից արվեստի վարչության պետ Սվետլանա Սահակյանը ողջունելով ներկաներին՝ կարևորեց կինոյի լեզվով երկխոսությունը, որը, նրա խոսքով, մեծ դեր ունի երկու ժողովուրդների փոխճանաչման և մշակութային կապերի ամրապնդման գործում։

Պաշտոնական արարողությունից հետո Կինոմոսկվայի կապույտ դահլիճում ցուցադրվեց  «Mrs. Chatterjee vs Norway» ֆիլմը։

Եթե բաց եք թողել հնդկական ֆիլմերի ցուցադրման առաջին և երկրորդ օրերը, հոգ չէ, ևս մեկ ֆիլմ կհասցնեք դիտել այսօր՝ փառատոնի վերջին օրը։ Կինոմոսկվայում կցուցարվի «Andhadhun» ֆիլմը։ Այս ժապավենը մի դաշնակահարի մասին է, ով կույր է ձևանում, սակայն նրա կյանքը կտրուկ փոխվում է, երբ նա պատահաբար ներքաշվում է մի սպանության պատմության մեջ:

Փառատոնի շրջանակում բոլոր ֆիլմերը ցուցադրվում են հինդի լեզվով՝ անգլերեն և հայերեն ենթագրերով։

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում