Ինչպես Նարեին դիմավորեցին «Զվարթնոց» օդանավականում՝ «Մանկական Եվրատեսիլում» հաղթանակից հետո. երգչուհու էմոցիաները

Թեմա կա. ո՞ւմ մասին է Աստղիկ Սաֆարյանը մտածում գիշերվա 2-ին և ո՞ւմ է տեսնում որպես «Երկու աստղի» հաջորդ զույգ

Օսկար Ուայլդի «Սալոմեն»՝ Երևանի դրամատիկական թատրոնի նոր հարթակում

Կանանց զուգարանից՝ հասարակության հայելի. «Toilet կանանց համար»

Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Հայաստանը՝ Երևանում կայանալիք «Դասական Եվրատեսիլ»-ին ընդառաջ

17:04, 12 մայիսի

Հայաստանը հունիսի 6-ին առաջին անգամ կհյուրընկալի «Դասական Եվրատեսիլ» միջազգային մրցույթը. մայրաքաղաք Երևանը կհամատեղի 11 երկրների մասնակիցների՝ դառնալով դասական երաժշտության համաշխարհային կենտրոն: Մրցույթի օրը պատահական չի ընտրվել. հունիսի 6-ին՝ հայ մեծանուն կոմպոզիտոր Արամ Խաչատրյանի ծննդյան օրը, նրա հայրենիքում կհնչի ամենամաքուր ու հոգեցունց երաժշտությունը՝ ևս մեկ անգամ աշխարհի ուշադրությունը կենտրոնացնելով հայազգի լեգենդի վրա:

«Ուրախ եմ, որ մեր երկրում այնպիսի կարևոր միջազգային մրցույթ է անցկացվում, ինչպիսին «Դասական Եվրատեսիլ»-ն է, ընդ որում՝ ամենևին էլ պատահական չպետք է համարել այս նախաձեռնությունը, քանի որ կառավարությունը շատ աշխատանք է տանում Հայաստանը միջազգային մրցաշարերի, մրցույթների հարթակ դարձնելու  ուղղությամբ, և սրանք առաջին հերթին նպաստում են նաև մեր երկրի միջազգային դիրքավորմանը՝ դարձնելով մեր երկիրը ավելի ճանաչելի, տեսանելի, հատկապես այն պայմաններում, երբ մենք խոսում ենք զբոսաշրջային հոսքերի էական ավելացման մասին. պետք է ասել, որ նմանատիպ միջոցառումների անցկացման ազդեցությունն են նաև դրանք»,-մրցույթի շրջանակում այսօր՝ մայիսի 12-ին կայացած մամուլի ասուլիսին նշեց ՀՀ ԿԳՄՍ նախարար Ժաննա Անդրեասյանը:

Հանրային հեռուստաընկերության գործադիր տնօրեն Հովհաննես Մովսիսյանը հավելեց, որ հունիսի 6-ին կայանալիք մրցույթի շրջանակում բուն համերգից բացի սպասվում են մի շարք այլ միջոցառումներ։

«Մենք անցկացնելու ենք դասական երաժշտության մի մեծ տոն, և կարծում եմ՝ սա շատ կարևոր է, որովհետև եվրատեսիլների շարքում, ընդհանրապես, «Դասական Եվրատեսիլը» այդքան էլ հայտնի չէ, և մենք փորձելու ենք հենց միջոցառման շնորհիվ ավելի հանրայնացնել «Դասական Եվրատեսիլը» Հայաստանում: Սա մի մեծ տոն է լինելու դասական երաժշտության, որին մենք մոտ երկու տարի պատրաստվել ենք»,-նշեց նա:

Հայաստանն այս տարվա մրցույթում ներկայացնելու է 15-ամյա ֆլեյտահարուհի Էլեն Վիրաբյանը՝ «Դեպի դասական Եվրատեսիլ» մրցույթում հաղթանակից հետո:

Մրցույթն անցկացվելու է՝ «Հայաստան՝ վայր, որտեղ դասական երաժշտությունը միավորվում է» կարգախոսի ներքո՝ Ալ. Սպենդիարյանի անվան օպերայի և բալետի ազգային ակադեմիական թատրոնում:


Հետևեք NEWS.am STYLE-ին Facebook-ում, Twitter-ում և Instagram-ում




Print  

  • Related News

TV SHOWS PHOTO VIDEO


@NEWSam_STYLE

  • Archive
Search