• Երբ հանգամանքները բացահայտում են մարդկանց. «Գիշատիչների խնջույքը» ֆիլմի պրեմիերան՝ «ՀանդArt»-ում

  Ի՞նչ է մնում մարդուց, երբ ընտրությունը սահմանափակվում է սեփական փրկությամբ...

• Ներսես Ավետիսյանն ամուսնալուծվել է

  Դերասան, երգիչ և հաղորդավար Ներսես Ավետիսյանն ամուսնալուծվել է…

• «ֆուլ Հաուս» ֆիլմը կունենա 2-րդ մաս

  Նախորդ տարի մեծ էկրաններ բարձրացած «ֆուլ Հաուս. վայրէջք» ֆիլմով թիմը չի սահմանափակվի…

• Զվարճալի իրավիճակներ, քաղաքական հումոր ու «Մուշեղի մահը»․ «Ֆուլ Հաուսը» վերադարձավ ներկայացման տեսքով (VIDEO)

  «Ֆուլ Հաուս»-ում կրկին թեժ են ժամանակին մեկ տան մեջ հայտնված ու անբաժան դարձած հերոսների հարաբերությունները...

• Արթուր Խաչենցը հայր է դարձել․ ի՞նչ հետաքրքիր անուն է նա ընտրել դստեր համար

  Երգիչ Արթուր Խաչենցն ու նրա կինը՝ Անժելիկան, օրերս ողջունել են իրենց առաջնեկին...

• «Մի գդալ սեր», Coca-Cola Fest ու հարսանիքներ․ Instagram-ը՝ նախորդ շաբաթ

  Նախորդ շաբաթ Instagram-ից սեր էր ճառագում։ Սիրո մասին նոր ֆիլմի պրեմիերա ու աստղային հարսանիքներ․․․ Սկսենք սկզբից...

• «Գեղեցիկ կադրը դեռ կինո չէ». Հովհաննես Ղազարյանը՝ ռեժիսորի աչքի, դերասանի ազատության և ժամանակի մասին

  Ի՞նչն է տարբերում ռեժիսորին պարզապես լավ նկարահանողից...

• Էվիկն ու Յանն այսօր ամուսնանում են

  Բլոգեր Էվելինա Խանոյանի՝ Էվիկի, և նրա սիրելիի՝ Յանի, հարսանիքի օրն է։ Զույգը, որը նախորդ տարի նշանադրվել էր, այսօր ամուսնանում է...

Դիանա Գրիգորյանը շուտով կներկայացնի իր նոր՝ «Փախուստ մանկությունից» նախագիծը որը բաղկացած է 24 մասից և հասանելի կլինի PanArmenian TV-ի յութուբյան հարթակում։ NEWS.am STYLE-ի հետ զրույցում սցենարիստ-պրոդյուսերը նշեց, որ դիտողներին սպասվում է ժամանակակից, դինամիկ, զգացմունքային ու նոր ձևաչափով սերիալ, որը, նրա խոսքով, դասական սերիալներից կտարբերվի իր կառուցվածքով ու պատմողական լեզվով։ 

«Խոսքը, այսպես կոչվող, short սերիալի մասին է՝ կարճ, բայց շատ խիտ ու ազդեցիկ սյուժեով, իրադարձությունների զարգացմամբ, որ դիտողին առաջին իսկ րոպեներից կներքաշի կատարվող գործողությունների մեջ։ Այն կազմված է լինելու 24 մասից և յուրաքանչյուր սերիան լինելու է մինչև 10 րոպե տևողությամբ»։ 

Նա նշում է՝ այս ձևաչափը ստեղծվել է շատ բնականորեն և այսօրվա լսարանի պահանջներին համահունչ․ «Որովհետև թվային տեխնոլոգիաների դարաշրջանում մարդն արդեն սովորել է ամեն ինչ ստանալ արագ և կարճ ժամանակամիջոցում։ Դա վերաբերում է կենսական բոլոր ոլորտներին, այդ թվում՝ ժամանցին, որի մի մասն է կազմում նաև սերիալի արտադրությունը։

Ստացել ենք արագ զարգացող, բայց խորքային ասելիք ունեցող պատմություն։ Յուրաքանչյուր սերիա կառուցված է այնպես, որ ավարտից հետո ցանկություն առաջանա անմիջապես դիտելու հաջորդը»։

Դիանայի խոսքով՝ բացի հետաքրքիր սյուժեից, մեծ ուշադրություն է դարձվել նաև կինեմատոգրաֆիկ որակին, մթնոլորտին, երաժշտությանը և դերասանական խաղին, «որպեսզի յութուբյան հարթակում հանդիսատեսը տեսնի ոչ թե սոսկ օնլայն կոնտենտ, այլ նաև ստանա այն զգացմունքայնությունը, որի կարիքն ունի ցանկացած սերիալ փնտրող»։ 

Նոր նախագիծը սիրային դրամա է, որտեղ կա ամեն ինչ՝ դավաճանություն, հավատարմություն, կորուստ, ձեռքբերում, զգացմունքներ, հույզեր, ընտանեկան հարաբերություններ, չբուժված վերքեր և սեփական ինքնության որոնման դժվար, բայց հաղթական ճանապարհ։ 

«Պատմության առանցքում մարդիկ են, ովքեր առաջին հայացքից կարող են թվալ կայացած ու ուժեղ կերպարներ, բայց ներքուստ դեռ պայքարում են իրենց անցյալի հետ։ Սա սերիալ է ընտրությունների և այն մասին, թե ինչպես մանկությունը կարող է ողջ կյանքում ուղեկցել մարդուն»,-մանրամասնեց նա։ 

Նախագծում ներգրավված են երիտասարդ ու փորձառու դերասաններ, արհեստավարժ ստեղծագործական թիմ, որը փորձել է ստանալ հնարավորինս անկեղծ ու իրականությանը մոտ պատմություն, ասում է Դիանան։ 

Անդրադառնալով սերիալի վերնագրին՝ («Փախուստ մանկությունից») Դիանան հավելեց․ «Գուցե տպավորություն ստեղծվի, որ հերոսը կամ հերոսները հասակ առնելով փախչում են իրենց մանկությունից, բայց մեր սյուժեում «փախուստն» այլ դիտանկյունից է ներկայացված։ 

Հերոսուհին սիրո շնորհիվ կյանքից ու ճակատագրից հնարավորություն է ստանում ընդունել ինքն իրեն, հաշտվել ներսի կոտրված երեխայի հետ, դեմ գնալ իր փոխարեն ապրողների կամքին ու տրվել սեփական երջանկությանը՝ փախչելով այն մանկությունից, որն ընդհատվելով շրջադարձորեն փոխել էր իր ապագան՝ թողնելով մենակ ու լքված, հասցնելով կյանքի հատակին»։  

Սցենարիստի խոսքով՝ իրենք նպատակ ունեն, որ դիտողը ոչ միայն հետևի սյուժեին, այլ նաև շատ դեպքերում տեսնի ինքն իրեն, մտածի, զգա, խորհի ու գուցե իր ներսում վերագտնի կորցրած կարևոր մի բան։

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում