• Անժամանակյա դասականները նոր մեկնաբանություններով. Երևանը հյուրընկալում է 18-րդ Շեքսպիրյան փառատոնը

  Ավելի քան չորս դարերի պատմություններ կրկին կկենդանանան երևանյան բեմում, քանի որ նոյեմբերի 4-ին մայրաքաղաքում կբացվի Շեքսպիրյան 18-րդ միջազգային թատերական փառատոնը…

• ReAnimania-ն 18 տարեկան է․ միջազգային փառատոնն ընդլայնում է ծրագիրն ու հանդես գալիս նոր նախագծերով

  Նոյեմբերի 7-ից 14-ը Երևանը կրկին կհյուրընկալի աշխարհի տարբեր երկրներից ժամանած անիմատորների, նկարիչների և վիզուալ արվեստի սիրահարների…

• Ծաղկունք»-ի 10-ամյակը՝ Մոսկվայում․ երկու մեծամասշտաբ համերգային ծրագիր՝ մեկ հարթակում

  Հոկտեմբերի 25-ին Ռուսաստանի Դաշնության Մոսկվա քաղաքում կայացավ «Ծաղկունք» միջազգային 10-րդ հոբելյանական փառատոնը…

• Երկիրը՝ գլխավերևում. «Հայ ֆեստ»-ի բացումը Երևանում

  Նույնիսկ մռայլ աշնան կեսը պատճառ չէ դադարեցնելու տոներն ու փառատոները Հայաստանում…

• ReA Academy Lab-ի բաց կանչ միջին փորձառություն ունեցող մասնագետների համար

  ՌեԱ փառատոնը՝ Հ. Հովնանյան ընտանեկան հիմնադրամի աջակցությամբ, հայտարարում է ReA Academy Lab-ի բաց կանչը։ Եթե դուք պրոդյուսեր, սցենարիստ կամ վիզուալ արվեստագետ եք, ապա այս հնարավորությունը հենց ձեզ համար է...

• Coco Jambo-ի, It's My Life-ի, What is Love-ի լեգենդար կատարողներն ու Boney M-ը 90-ականներին հայտնի հայ աստղերի հետ՝ նույն բեմում․ Հայաստանում կայացավ առաջին Retro Stars Fest-ը (ֆոտո/վիդեո)

  90-ականների ամենահայտնի հիթերը՝ Հայաստանում...

• 90-ականների շունչը՝ Հայաստանում կայացած Retro Stars Fest-ում․ օրվա ամենահետաքրքիր կերպարները (ֆոտո)

  Երեկ Հայաստանում նոստալգիկ տրամադրություն էր։ Առաջին անգամ մեր երկում կազմակերպվեց Retro Stars Fest-ը, որը մեկ բեմի վրա «ժամադրեց» 90-ականներին հայտնի համաշխարհային ու հայ ամենասիրված աստղերից մի քանիսին...

• Պար, թատրոն և միջազգային համագործակցություն․ մեկնարկել է «ԹԷԱՏՐՈՆ» փառատոնը

  Սեպտեմբերի 14–28-ը Հայաստանում կանցկացվի «ԹԷԱՏՐՈՆ» կատարողական արվեստների միջազգային ֆրանկոֆոն փառատոնը…

Equinox (գիշերահավասար) երաժշտական առաջին փառատոնը, որը տեղի կունենա օգոստոսի 8-ին Գառնու տաճարում, թե՛ տեղացիներին, թե՛ զբոսաշրջիկներին կհամախմբի կենդանի հնչողությամբ էթնիկ երաժշտության և էլեկտրոնային ռիթմերի շուրջ:

Փառատոնին կմասնակցի երաժիշտների մի ամբողջ աստղաբույլ. Ջիվան Գասպարյան կրտսեր (դուդուկ), Արտո Թունչբոյաջյան (հարվածային գործիքներ և վոկալ), Արտյոմ Մանուկյան (թավջութակ), Նիկոլայ Մադոյան (ջութակ), Անահիտ Վարդանյան (էլեկտրոնային ստեղնաշարային գործիքներ): Փառատոնի հատուկ հյուրն է դիջեյ Էխոնոմիստը (Echonomist) Հունաստանից:

Գառնու տաճարի խորհրդավոր մթնոլորտն ու երաժշտական ոճերի յուրօրինակ համադրությունը խոստանում են ձևավորել այս ամառվա գլխավոր երաժշտական իրադարձությունը։

Նախաձեռնության հեղինակ Թովմաս Մարտիրոսյանի խոսքով՝ նման ձևաչափի փառատոն Հայաստանում դեռ չի անցկացվել: «Պատկերացնո՞մ եք դուդուկը, ջութակը, թավջութակն ու այլ գործիքներ հնչում են էլեկտրոնային երաժշտության հետ։ Իհարկե, նախնական պատկեր երաժիշտները ստանում են, բայց փառատոնային համերգին կենդանի հնչողությամբ բացառիկ ելույթներ են սպասվում։ Նախատեսվում են նաև պրեմիերաներ»,-տեղեկացնում է նա:

Մարտիրոսյանն ընդգծում է՝ աշխարհում ֆոլկ երաժշտությունը բեմում այնքան էլ հաճախ չէ համադրվում էլեկտրոնային երաժշտության հետ. հիմնականում ստուդիական ձայնագրություններ են արվում և հրապարակվում համացանցում։ Կենդանի ելույթների համար բարձր պրոֆեսիոնալիզմ է անհրաժեշտ, ուստի մեկ գաղափարի շուրջ են համախմբել լավագույններին: 

Կարծում է՝ փառատոնը կարող է հետաքրքրել երաժշտության տարբեր ժանրերի սիրահարներին: «Մեր հայրենակիցներին դուր կգա Արտո Թունչբոյաջյանին ունկնդրել էլեկտրոնային ձևաչափով, հայկական դուդուկի երկրպագուներին կարող է զարմացնել դուդուկի նոր հնչողությունը: Ջիվան Գասպարյանը, Արտո Թունչբոյաջյանը, Նիկոլայ Մադոյանը միջազգային լայն ճանաչում ունեն։ Անահիտ Վարդանյանը, որը բնակվում է Գերմանիայում, ճանաչված է ամբողջ Եվրոպայում, Հայաստանում ևս ունի ակտիվ լսարան, Արտյոմը մի քանի տարի է՝ հետաքրքրված է էլեկտրոնային երաժշտությամբ, իսկ դիջեյ Էխոնոմիստը Հունաստանում լավագույն դիջեյների հնգյակում է և մեծ ոգևորությամբ է սպասում փառատոնին»,-ասում է Մարտիրոսյանը:

Equinox-ի կարևոր նպատակներից է երաժշտության միջոցով նպաստել Հայաստանի պատմամշակութային հուշարձանների հանրահռչակմանը, դրանց նկատմամբ հետաքրքրության մեծացմանը ոչ միայն ամռան ընթացքում, այլև մյուս ամիսներին:

«Փառատոնային համերգները նախատեսվում են տարվա մեջ չորս անգամ, չորս տարբեր եղանակների և չորս տարբեր տարածքներում։ Նախընտրում ենք այն կազմակերպել պատմամշակութային հուշարձան հանդիսացող կառույցների տարածքներում։ Ընտրելու ենք նաև ոչ այնքան հայտնի հուշաձանները, ամրոցները.  քանի որ սա առաջին փառատոնն է, նպատակահարմար գտանք այն անցկացնել Գառնու տաճարում, որը հանրայնացման խնդիր չունի»,-եզրափակում է Թովմաս Մարտիրոսյանն ու անմոռանալի երեկո խոստանում:

Հետևեք NEWS.am STYLE-ին Facebook-ում, Twitter-ում և Instagram-ում