Մարդիկ կան՝ վատ բաներ են մեր հետևից ասում, մարդիկ կան՝ ուրախանում են. Հելոուինը` Հայաստանում

VIDEO. Սոս Ջանիբեկյանը, Լուիզա Ներսիսյանը, Դիանա Մալենկոն և Լևոն Հախվերդյանը՝ սիրային քառանկյունու կիզակետում

Ինչպես Նարեին դիմավորեցին «Զվարթնոց» օդանավականում՝ «Մանկական Եվրատեսիլում» հաղթանակից հետո. երգչուհու էմոցիաները

Թեմա կա. ո՞ւմ մասին է Աստղիկ Սաֆարյանը մտածում գիշերվա 2-ին և ո՞ւմ է տեսնում որպես «Երկու աստղի» հաջորդ զույգ

Օսկար Ուայլդի «Սալոմեն»՝ Երևանի դրամատիկական թատրոնի նոր հարթակում

Կանանց զուգարանից՝ հասարակության հայելի. «Toilet կանանց համար»

Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

«Մոռանալն արվեստ է, որը մեզ տանում է դեպի ներելու կարողությունը». ինչի՞ մասին է Սեդրակ Գոջամանյանի նոր՝ «Մնա» սիրային դետեկտիվը և ովքե՞ր են ներկայացման հերոսները

12:23, 11 հուլիսի

Մոռանալն էլ է ունակություն։ Հիշաչար չլինելը, անցյալով չապրելը արվեստ է, որին պետք է տիրապետել, ասում է ռեժիսոր Սեդրակ Գոջամանյանը, որը շուտով հանդիսատեսին կներկայացնի իր նոր բեմադրությունը՝ «Մնա»-ն.
այն հենց այդպես էլ բացվում է՝ «Մոռանալու նուրբ արվեստը»: Ներկայացման հիմքում սիրային դետեկտիվ է, որը, ռեժիսորի խոսքով, համադրում է իրավիճակային կատակերգությունն ու դետեկտիվ ժանրը՝ հանդիսատեսին պահելով մշտական լարվածության և ծիծաղի մեջ։

Պիեսի հեղինակը Արմեն Վարդանյանն է, բեմանկարիչը՝ ՀՀ վաստակավոր արտիստ Գարեգին Եվանգուլյանը, իսկ վիդեոգրաֆիան, պաստառի դիզայնն ու գրաֆիկական լուծումները վստահվել են Արտեմ Ղարիբյանին։

Պատմությունը հետևյալն է՝ քաղաքի գլխավոր հոգեբանի մոտ հայտնվում է սկլերոզով հիվանդ մի տղամարդ, որը չափազանց արտասովոր կերպար է։ Բայց շուտով այնպիսի իրավիճակ է ստեղծվում, որ աստիճանաբար հենց հոգեբանի մոտ են սկսում ի հայտ գալ սկլերոզի նշաններ։ 

4cde72fe-f33e-4b73-86f0-988a9e2c6fed.jpeg (44 KB)

«Մեղմ ասած՝ նա հայտնվում է այնպիսի իրավիճակում, որից սովորաբար ինքն է մարդկանց դուրս բերում»,-NEWS.am STYLE-ի հետ զրույցում պատմեց Գոջամանյանը՝ որը նախկինում մասամբ աշխատել է դետեկտիվ ժանրում, բայց խոստովանում է՝ ներկայացման գլխավոր մարտահրավերը եղել է երկու տարբեր ժանրերի հավասարակշռությունը պահպանելը.

«Այստեղ հետաքրքիրն այն է, որ ներկայացումը և՛ իրավիճակային կատակերգություն է, և՛ դետեկտիվ, ուստի ռեժիսորը պարտավոր է երկու կողմից էլ հետաքրքրություն ստեղծել հանդիսատեսի համար՝ միաժամանակ չկորցնելով դետեկտիվի տրամաբանությունն ու գործողությունների հաջորդականությունը, մյուս կողմից՝ ապահովելով կատակերգական իրավիճակների դինամիկան»։ 

Սեդրակի կարծիքով՝ հանդիսատեսին սպասվում է շատ հետաքրքիր ներկայացում, որտեղ հումորն ու դետեկտիվն անընդմեջ փոխազդեցության մեջ են գտնվում։

Ներկայացման մեջ հոգեբանին մարմնավորում է Վաչե Երիցյանը, որի հետ Գոջամանյանն արդեն համագործակցել է «Բլոկադա» ներկայացման ընթացքում։ Հիվանդի դերում հանդես է գալիս երիտասարդ դերասան Ավետ Զոհրաբյանը. «Ավետն այս ձևաչափում առաջին անգամ է հանդես գալիս, և նա հրաշալի կերպով համատեղում է մի կողմից ներկայացման հումորային հատվածը, մյուս կողմից կարողանում է ցուցադրել հոգեբանական ծանր վիճակում հայտնված հիվանդին»,-ասում է ռեժիսորը:

Հերոսուհիներից մեկին մարմնավորում է Տոմա Պետրոսյանը, որի հետ ռեժիսորն արդեն 5-րդ անգամ է աշխատում և ասում է՝ այս ներկայացման մեջ նա հանդիսատեսին կգրավի իր հոգեբանական, բարդ խաղով: 

8f9fff06-5bbb-4991-be3f-bbd5ec0f99f7.jpeg (93 KB)

Ներկայացման դերասանական կազմում ընդգրկված է նաև Մագա Հարությունյանը, որի համար սա թատերական առաջին փորձն է։ Սեդրակը հիշում է՝ Մագային նկատել էր դեռ «Հումորի լիգայում» և անմիջապես մտածել, որ դերասանական հետաքրքիր տվյալներ ունի։ «Նրա ընտրության հարցում երկար չեմ մտածել։ Շատ պատասխանատու ու պարտաճանաչ է, նոր շունչ է բերում ներկայացմանը, իսկ ինձ համար հետաքրքիր է աշխատել մարդու հետ, որն ինքն էլ է հետաքրքրված թատրոնով»։

Բեմում առաջին անգամ թատերական դերակատարմամբ հանդես կգա նաև Սուրեն Փահլևանյանը, որին հանդիսատեսը հիմնականում ճանաչում է հեռուստասերիալներից։

«Նա ներկայանալու է բոլորովին անսպասելի ձևաչափով, և կարծում եմ՝ հանդիսատեսի համար հետաքրքիր բացահայտում կլինի»,- ասում է ռեժիսորը։

«Մոռանալը արվեստ է, որը մեզ տանում է դեպի ներելու կարողությունը։ Իսկ ներելն այսօր դարձել է ամենադժվար կարողություններից մեկը»,-անդրադառնալով ներկայացման գլխավոր հաղորդագրությանը՝ հավելում է Սեդրակ Գոջամանյանը:

«Մնա» (Մոռանալու նուրբ արվեստը) ներկայացման պրեմիերան կկայանա հուլիսի 29-ին՝ ժամը 19:30-ին, Կ. Ստանիսլավսկու անվան ռուսական դրամատիկական թատրոնի բեմում:

Տոմսերը կարող եք ձեռք բերել Ticketsystem.am կայքից:

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում




Print  

  • Related News

TV SHOWS PHOTO VIDEO


@NEWSam_STYLE

  • Archive
Search