Թեմա կա. ո՞ւմ մասին է Աստղիկ Սաֆարյանը մտածում գիշերվա 2-ին և ո՞ւմ է տեսնում որպես «Երկու աստղի» հաջորդ զույգ

Օսկար Ուայլդի «Սալոմեն»՝ Երևանի դրամատիկական թատրոնի նոր հարթակում

Կանանց զուգարանից՝ հասարակության հայելի. «Toilet կանանց համար»

Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Գաստրոտուրիզմի նոր շունչ Լոռիում․ Խորովածի համահայկական փառատոնը, 4 տարվա դադարից հետո, վերադառնում է

12:53, 29 հուլիսի

Չորս տարվա դադարից հետո վերադառնում է Հայաստանի ամենահամեղ ու ամենասպասված գաստրոփառատոններից մեկը։ Օգոստոսի 1-ին՝ ժամը 12:00-ից, Ստեփանավանը առաջին անգամ կհյուրընկալի Խորովածի 13-րդ համահայկական փառատոնը, որը նպատակ ունի ոչ միայն ներկայացնել հայկական խորովածի բազմազանությունն ու ազգային խոհանոցը, այլև նոր խթան հաղորդել Լոռու մարզում գաստրոտուրիզմի զարգացմանը։

Փառատոնն անցկացվում է ՀՀ էկոնոմիկայի նախարարության Զբոսաշրջության կոմիտեի, Ստեփանավան համայնքի և Լոռու մարզպետարանի աջակցությամբ։

«Հայ խոհարարական ավանդույթների զարգացման և պահպանման» ՀԿ նախագահ Սեդրակ Մամուլյանը այսօր՝ հուլիսի 29-ին կայացած մամուլիսի ասուլիսի ժամանակ հիշեցրեց, որ փառատոնը մեկնարկել է դեռևս 2008 թվականին՝ «Հյուսիսային դարպասներ» զբոսաշրջային պետական ծրագրի շրջանակում, և տարիներ շարունակ անցկացվել է Ախթալայում։

«Ի սկզբանե մեր նպատակը տարածաշրջանների հանրահռչակումն էր, զբոսաշրջության խթանումը և ազգային խոհանոցի տարածումը։ Կարող եմ ասել, որ այդ նպատակն իրականացվել է, իսկ այժմ ցանկանում ենք նույն արդյունքն ապահովել նաև Ստեփանավանում։ Վստահ եմ՝ գաստրոտուրիզմի միջոցով կկարողանանք ոչ միայն ավելի ճանաչելի դարձնել այս գեղեցիկ քաղաքը, այլև նպաստել տեղի բնակիչների սոցիալական և տնտեսական զարգացմանը»,- ասաց Մամուլյանը։

Փառատոնի կազմակերպիչ Վլադիմիր Գևորգյանի խոսքով՝ այս տարի որոշվել է միջոցառմանը նոր շունչ հաղորդել՝ պահպանելով տարիների ընթացքում ձևավորված ավանդույթներն ու այն կարևոր դերը, որն փառատոնն ունեցել է հայկական գաստրոտուրիզմի զարգացման գործում։

Նրա խոսքով՝ այցելուները հնարավորություն կունենան համտեսելու խորովելու եղանակով պատրաստված ամենատարբեր ուտեստներ՝ սկսած ավանդական խորովածից մինչև անսպասելի և ստեղծագործական լուծումներ։ Փառատոնի կարևոր բաղադրիչը լինելու է նաև խոհարարական մրցույթը, որի մասնակիցներին կգնահատի պրոֆեսիոնալ ժյուրին։

Մրցույթը կանցկացվի երեք անվանակարգերում՝ «Լավագույն համ», «Լավագույն տեսք» և «Լավագույն մտահղացում»։ Բացի այդ, կշնորհվեն բացարձակ հաղթողի գավաթն ու Ստեփանավան համայնքի ղեկավարի հատուկ մրցանակը։

«Ցանկանում ենք այնպես արժևորել այս մրցույթը, որ ռեստորանների համար այստեղ մասնակցելը դառնա պատվաբեր և սպասված իրադարձություն։ Այս տարի նաև նոր նախաձեռնություն ունենք․ մասնակիցներին կտրամադրենք հատուկ նշաններ, որոնք նրանք կկարողանան տեղադրել իրենց հաստատությունների մուտքի մոտ՝ որպես 2026 թվականի Խորովածի փառատոնի մասնակցի խորհրդանիշ»,- նշեց Գևորգյանը։

Համեղ ուտեստներով օրը չի սահմանափակվի։ Փառատոնը կուղեկցվի համերգային ծրագրով, մշակութային տարբեր միջոցառումներով և ժամանցային հատվածներով։ Միջոցառումը կվարի Աղաս Մանուկյանը, իսկ տոնական մթնոլորտը կշարունակվի մինչև ժամը 23:00-ն։

Կազմակերպիչները հոգացել են նաև այցելուների տեղափոխման մասին։ Հանրապետության հրապարակից ժամը 10:00-ից կմեկնարկեն հատուկ ավտոբուսներ, իսկ վերադարձը նախատեսված է երեկոյան ժամը 20:00-ին։ Մասնակցության, գրանցման և փոխադրման վերաբերյալ մանրամասները կհրապարակվեն Khorovats Fest-ի ինստագրամյան էջում։

ՀՀ էկոնոմիկայի նախարարության Զբոսաշրջության կոմիտեի մարքեթինգի և խթանման վարչության պետ Դիանա Կարապետյանն էլ ընդգծեց, որ այս տարի Հայաստանի փառատոնային օրացույցը լինելու է հատկապես ակտիվ։

«Շատ ուրախ ենք, որ այսքան տարվա ընդմիջումից հետո Խորովածի համահայկական փառատոնը կրկին վերադառնում է Լոռի։ Սա նաև պատմական իրադարձություն է, քանի որ առաջին անգամ այն կանցկացվի հենց Ստեփանավանում»,- ասաց նա։

Եթե սիրում եք հայկական խոհանոցը, բացօթյա տոնական միջավայրը և ցանկանում եք բացահայտել Լոռու գեղեցկությունը նոր տեսանկյունից, ապա օգոստոսի 1-ին Ստեփանավանում ձեզ սպասում է համեղ, երաժշտական ու իսկապես տոնական օր։

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում




Print  

  • Related News

TV SHOWS PHOTO VIDEO


@NEWSam_STYLE

  • Archive
Search