• Իսպանական քաղաքը խեղդվել է լոլիկի մեջ. 20,000 մարդ կազմակերպել է զանգվածային լոլիկի կռիվ  

  Աշխարհի տարբեր ծայրերից հազարավոր մասնակիցներ հավաքվել են իսպանական Բունյոլ քաղաքում՝ մասնակցելու հայտնի «Լա Տոմատինային»՝ աշխարհի ամենամեծ ամենամյա «սննդի կռվին»։ Մի քանի ժամվա ընթացքում քաղաքի փողոցները վերածվել են լոլիկի իսկական ծովի...

• Մերսում, արոմաթերապիա և «սմբակների խնամք». ԱՄՆ-ում մեկնարկում է մարդկանց համար նախատեսված առաջին «կովերի սպա»-ն  

  Մոռացեք ցեխի դիմակների և վարունգի կտորների մասին։ Առողջության նոր միտումը հրավիրում է ձեզ հանգստանալու... կովի ոճով...

• «Հմայիչ օազիս»․ Վենետիկի ծոցում վաճառքի են հանել նապոլեոնյան բերդով կղզին

  Ֆուտբոլի դաշտից փոքր այս հողակտորը հարուստ պատմություն ունի, սակայն դրա արժեքը խիստ գաղտնի է պահվում։ Վենետիկի ծոցում գտնվող այս կղզին, որը Նապոլեոնի դարաշրջանի սեփական ամրոցն ու շքեղ այգիներ ունի, այժմ նոր գնորդ է փնտրում...

• 6,2 միլիարդ դոլարանոց ռեկորդային ապահարզանի կենտրոնում հայտնված միլիարդատերը պնդում է, որ երբեք չի մերկացել ու սեքսով չի զբաղվել իր ընկերուհու հետ

  Նյու Ջերսի նահանգի պատմության մեջ ամենախոշոր ու թանկարժեք ապահարզանային գործի ֆոնին՝ 56-ամյա միլիարդատեր Ջոն Օվերդեքը ուշագրավ մանրամասներ է հայտնել իր անձնական կյանքից։ Ոստիկանների տեսախցիկների արձանագրած կադրերից պարզ է դառնում, որ ֆինանսական մագնատը պնդում է, թե իր նոր ընկերուհու հետ ընդամենը «հանդիպում են», բայց երբեք սեքսով չեն զբաղվել և նույնիսկ իրար մոտ չեն մերկացել...

• Ինչո՞ւ են մեզ այդքան հմայում վամպիրները. Լեստատից մինչև հեռուստատեսային ամենասեքսուալ վամպիրներ

  Վամպիր Լեստատն ամբողջ աշխարհում երկրպագուներ ձեռք բերեց իր էպատաժային արարքներով։ Սակայն սեքսուալ վամպիրներով մեր տարվածությունը դուրս է գալիս արգելված սիրո, մերկ կրծքավանդակների ու LSD-ով համեմված արյան հանդեպ թուլության սահմաններից, գրում է Guardian-ը...

• Այգում վիրուսային համբույրը հայտնի փաստաբանին զրկել է իր կարիերայից  

  Հեղինակավոր Wachtell Lipton իրավաբանական ընկերության գործընկերը, որը կրքոտ գրկախառնվել էր իր երիտասարդ գործընկերոջ հետ Կենտրոնական այգում, ստիպված է եղել լքել ընկերությունը։ Այս վիրուսային տեսանյութը նախկինում նրան արժեցել էր շահավետ տեղափոխություն մրցակից Gibson Dunn ընկերություն, հայտնում են The Post-ի աղբյուրները...

• Մարդկության վերջը. ինչի՞ են իրականում հավատում փողի մոլուցքով տարված տեխնոլոգիական միլիարդատերերը

  Մինչ որոշ տեխնոլոգիական հսկաներ հայտարարում են գերբանականության նոր դարաշրջանի արշալույսի մասին, մյուսները գնում են ամրոցներ Իռլանդիայում և կառուցում բունկերներ․․․

• Օկլահոմայում բացվել է աշխարհում առաջին «կրքից զերծ» մարզասրահը, որը նախատեսված է միայն քրիստոնյա տղամարդկանց համար

  Ջեֆ Համբրեխտը բացել է Proverbs 27:17 մարզասրահը՝ այն ներկայացնելով որպես քրիստոնյա տղամարդկանց համար անվտանգ տարածք․․․

Վեց տարի առաջ Գյոթեբորգում վավերագրական ֆիլմերի ռեժիսոր Օրլանդո ֆոն Այնզիդելին արտասովոր առաջարկով մոտեցան քույր ու եղբայր Կարլ և Էմիլի ֆոն Շեդվինները։ Նրանք ռեժիսորին փոխանցեցին իրենց ծնողների պատմությունը պատմող գիրքը՝ առաջարկելով դրա հիման վրա ֆիլմ նկարահանել։

Սկզբում ռեժիսորը քաղաքավարի համաձայնեց, սակայն ավելի ուշ՝ արձակուրդի մեկնելիս, ինքնաթիռում ընթերցեց գիրքն ու հասկացավ, որ ձեռքում բացառիկ ուժ ունեցող պատմություն է։ Այդպես սկսվեց «Սիրո ճանապարհորդությունը» (The Cycle of Love) վավերագրական ֆիլմի աշխատանքը։ Ինչպես գրում է The Telegraph-ը, այն պատմում է 20-րդ դարի ամենաապշեցուցիչ սիրո պատմություններից մեկի մասին։

Աստղագուշակի կանխատեսումն ու Դելիում կայացած ճակատագրական հանդիպումը

1975 թվականի վերջին Դելիում ապրող 26-ամյա Պրադյումնա Կումար Մահանանդիան (ընկերների համար՝ Պի Քեյ) «դալիտների» կաստայից ուսանող-նկարիչ էր։ Չնայած մանկուց կրած դաժան խտրականությանը՝ նրան հաջողվել էր կրթաթոշակ ստանալ Գեղարվեստի ակադեմիայում, իսկ ապրուստի փողը վաստակում էր Դելիի փողոցներում անցորդների դիմանկարները նկարելով։

Դեռ փոքր տարիքում հայրը նրան տարել էր աստղագուշակի մոտ, ով կանխատեսել էր, որ նրա ապագա կինը լինելու է հեռավոր հյուսիսային երկրից, Ցուլ համաստեղության տակ ծնված, երաժշտասեր ու «սեփական ջունգլիներ ունեցող» մի աղջիկ։

Մի օր, երբ Պի Քեյն աշխատում էր շատրվանների մոտ, նրան մոտեցավ ընկերների հետ Հնդկաստան ճամփորդող 20-ամյա շվեդուհի Լոտան։ Զգալով աղջկա արտասովոր էությունը՝ Պի Քեյն անմիջապես սկսեց հարցեր տալ.

• Ծննդյան ամսաթիվը․ պարզվեց՝ մայիսին է ծնվել, Ցուլ նշանի տակ։
• Կապը երաժշտության հետ․ Լոտան երգում էր ու դաշնամուր նվագում։
• Ջունգլիների առկայությունը․ աղջիկը ժպտալով պատասխանեց, որ իր պապը շվեդ ազնվական է և Գյոթեբորգից ոչ հեռու իսկապես հողեր ու անտառներ ունի։

Ամեն ինչ տեղն ընկավ, և Պի Քեյն աղջկան հենց նույն պահին հայտարարեց, որ նա դառնալու է իր կինը։ Հետագայում, երբ նրանք այցելեցին Կոնարկի Արևի տաճարը (որի լուսանկարը Լոտան, ինքն էլ չիմացաբար, պահում էր Լոնդոնի իր տանը), երկուսով վերջնականապես համոզվեցին, որ իրենց ճակատագիրն է միացրել։

Նրանք ամուսնացան Պի Քեյի հայրենի գյուղում՝ հնդկական ավանդական ծեսով, բայց շատ չանցած Լոտան ստիպված եղավ վերադառնալ Շվեդիա՝ ուսումը շարունակելու համար։

6 000 մղոն՝ հնամաշ հեծանվով

Բաժանումն անհնար էր հանդուրժել, իսկ ինքնաթիռի տոմսն այն տարիներին աստղաբաշխական արժեք ուներ՝ 40000 ռուփի, որը Հնդկաստանում մոտ 18 տարվա միջին աշխատավարձ է։

1977 թվականի հունվարին Պի Քեյն ընդամենը 60 ռուփիով գնեց Raleigh ֆիրմայի կանացի հնամաշ մի հեծանիվ, վերցրեց քնապարկը, վրանը, վրձիններն ու ներկերը և ճանապարհ ընկավ դեպի Շվեդիա։ Նա քարտեզ չուներ. գիտեր միայն, որ արևը ծագում է արևելքում ու մայր մտնում արևմուտքում։ Առջևում շուրջ 6000 մղոն (մոտ 9600 կմ) ճանապարհ էր։

Այս ուղևորությունը վերածվեց իսկական ոդիսականի՝ լի ապշեցուցիչ հանդիպումներով, որտեղ նրան անընդհատ օգնում էին բոլորովին անծանոթ մարդիկ.

• Առաջին ուղևորությունը․ Պակիuտանի վիզայի հետ կապված խնդիրների պատճառով բարեգործները նրան օգնեցին տոմս գնել դեպի Քաբուլ (սա նրա կյանքի առաջին ուղևորությունն էր), իսկ հեծանիվը տեղափոխեցին բեռնատարով։
• Փրկություն ճանապարհին․ Ճանապարհին նա փրկեց վթարի ենթարկված ու արյունահոսող ավստրիացի զբոսաշրջիկ Լեանային՝ նրան հասցնելով հիվանդանոց։ Ի նշան շնորհակալության՝ աղջկա ընտանիքը հետագայում նրան Վիեննայի գնացքի տոմս ուղարկեց և օգնեց վաճառել նկարները։
• Եվրոպական աջակցությունը․ Եվրոպայում պատահական ճամփորդակիցները նրան դրամական աջակցություն էին ցուցաբերում ու օգնում անցնել սահմանները։

Ճանապարհ ընկնելուց 133 օր անց՝ 1977 թվականի մայիսի 23-ին, Պի Քեյը հասավ Գյոթեբորգ ու զանգահարեց Լոտային։

«Դա շատ թանկ պահ էր, — հիշում է Լոտան։ — Ես գնացի նրան դիմավորելու։ Մի պահ երկուսս էլ չէինք կարողանում խոսել․ նա գրկել էր ինձ ու լաց էր լինում»։

Կես դար միասին․ շվեդական անտառների անդորրը և նախապաշարմունքների դեմ պայքարը

Այդ իրադարձություններից մոտ 50 տարի անց Պի Քեյն ու Լոտան դեռ միասին են։ Նրանք ապրում են շվեդական Բորոս քաղաքից ոչ հեռու գտնվող հին փայտե տանը՝ անտառի գրկում (հենց այն «ջունգլիները», որոնք կանխատեսել էր աստղագուշակը)։ Նրանք ունեն երկու չափահաս զավակ՝ Էմիլին և Կարլը։

Նրանց ապշեցուցիչ ճամփորդության պատմությունն ընկած է «Սիրո ճանապարհորդությունը» (The Cycle of Love) վավերագրական ֆիլմի հիմքում։

Ընտանիքի համար այս նախագիծը կարևոր ուղերձ դարձավ պատնեշները հաղթահարելու մասին․

«Մենք հանդիպեցինք՝ Արևելքն ու Արևմուտքը․ նա «անձեռնմխելիների» կաստայից էր, ես՝ ազնվական տոհմից, — պատմում է Լոտան։ — Նա ամաչում էր կաստայական համակարգից, իսկ եu՝ իմ ազնվական ծագումից։ Բայց սերը միավորեց մեզ։ Մենք ուզում ենք մի պարզ գաղափար հասցնել աշխարհին․ չնայած բոլոր տարբերություններին ու բաժանումներին, աշխարհում ապրող մարդկանց մեծ մասն անսահման բարի է»։

Հետևեք NEWS.am STYLE-ին Facebook-ում, Twitter-ում և Instagram-ում