• Իտալիայում գողացել են 4 միլիոն ֆունտ ստեռլինգ արժողությամբ 30 հազար շիշ էլիտար գինի՝ երկրի պատմության մեջ ամենամեծամասշտաբ գինու գողությունը

  Երկրի պատմության մեջ գինեգործարանի ամենամեծ կողոպուտի ժամանակ պրոֆեսիոնալ գողերի մի խումբ գողացել է մոտ 30,000 շիշ թանկարժեք գինի, որի ընդհանուր արժեքը կազմում է 4 միլիոն ֆունտ ստեռլինգ․․․

• Արգենտինայի համը Երևանի սրտում. դեսպանատունը ներկայացրեց գինիներ, որոնք արժե փորձել

  Գինին ունի երկրի ինքնությունը առանց խոսքերի փոխանցելու հազվագյուտ ունակություն․․․

• Dom Pérignon-ը համագործակցում է Դեմիեն Հիրսթի հետ՝ պաշտամունքային շամպայնը արվեստի գործի վերածելու համար

  Dom Pérignon-ը բրիտանացի նկարիչ Դեմիեն Հիրսթին պատվիրել է ստեղծել հատուկ սահմանափակ թողարկման հավաքածու 2026 թվականի վերջի համար․․․

• Michelin-ը այժմ գնահատում է գինեգործարանները. գինու աշխարհը կասկածամտորեն է տրամադրված

  Ֆրանսիական ընկերությունը, որը մեկ դարից ավելի է գնահատում ռեստորանները, այժմ իր ուշադրությունը սևեռել է գինեգործարանների և խաղողի այգիների վրա․․․

• 28,000 դոլար արժողությամբ կոնյակ՝ սեփական սառնարանով. Louis XIII-ը ներկայացրել է նոր Black Pearl-ը  

  Louis XIII-ը ներկայացրել է լեգենդար Black Pearl-ի նոր տարբերակը՝ շքեղ կոնյակ, որի յուրաքանչյուր շիշը գալիս է անձնական «սառը նկուղով»։ Ըստ էության, դա ոճային, բարձր տեխնոլոգիական մինի-սառնարան է, որը պահպանում է խմիչքի ջերմաստիճանը ճիշտ 13°C-ի վրա՝ ճշգրիտ ջերմաստիճանը, որը դրա ստեղծողները պատկերացրել են որպես Ռեմի Մարտինի նկուղներից մեկում, ըստ Robb Report-ի...

• «Խաղողօրհնեք»-ի փառատոնը՝ Արենիում. Ինչպես է գինու տուրիզմը զարգանում գյուղական տարածքներում

  Արենի համայնքում անցկացվող փառատոները մշակութային միջոցառումներ են, բայց դրանք նաև ծառայում են որպես զբոսաշրջության, փոքր բիզնեսի և գյուղական վայրերի զարգացման գործիք․․․

• «Ինձ երկրորդ հնարավորություն տրվեց. տարօրինակ կլիներ այն ապրել առանց ժպիտի». գինեգործ Ալեքսանդր Առաքելյանը՝ պատերազմին հակառակ՝ իր երազանքին հասնելու ճանապարհի մասին

  Հուլիսյան մի օր մենք հանդիպեցինք Ալեքսին Կասկադի մոտ գտնվող մի փոքրիկ սրճարանում…

• Այս ամռանը վարդագույն գինին փորձեք նոր ձևով. 5 կոկտեյլ՝ տանը հեշտությամբ պատրաստելու համար

  Եթե ​​սովորական վարդագույն գինին չափազանց կանխատեսելի է թվում, ժամանակն է փորձարկումներ անելու․․․

Fantini Group-ի հիմնադիր և գործադիր տնօրեն Վալենտինո Շոտտին VINO&VINO-ի հրավերով առաջին անգամ այցելեց Հայաստան։ Մաշտոցի պողոտայում գտնվող VINO&VINO-ի սրահում նա ներկայացրեց Fantini-ի գինիները և հանդիպեց հայ գինեսերների հետ՝ պատմելով բրենդի անցած ճանապարհի, իր աշխատանքային սկզբունքների և այն տարածաշրջանների մասին, որոնք ձևավորում են այդ գինիների ինքնատիպությունը։

Այցը դարձավ Fantini-ի և VINO&VINO-ի գրեթե տասնամյա համագործակցության հերթական կարևոր հանգրվանը։ Շոտտիի համար տեղական դիստրիբյուտորն ավելին է, քան տվյալ շուկայում գինին ներկայացնող ընկերությունը։ Այն բրենդի դեսպանն է, որն անմիջական կապ ունի սպառողների հետ, հասկանում է նրանց հետաքրքրություններն ու ակնկալիքները և շուկայի արձագանքը փոխանցում արտադրողին։

«Երբ սկսում ենք համագործակցել, մեր գործընկերներին դիտարկում ենք որպես իրական բիզնես գործընկերներ և մեր բրենդի դեսպաններ։ Մենք հասկանում ենք, թե որքան պահանջկոտ է նրանց աշխատանքը, ուստի ձգտում ենք պահպանել հնարավորինս բարձր չափանիշներ և միաժամանակ հեշտացնել նրանց գործը։ Մեր վաճառքի թիմը ևս փորձում է հնարավորինս մոտ լինել յուրաքանչյուր շուկային, հասկանալ այն և նպաստել մեր գինիների առաջխաղացմանը»,- ասում է Շոտտին։

Այս մոտեցումն արտացոլված է նաև VINO&VINO-ի գործունեության մեջ։ Համտեսների, շնորհանդեսների և հատուկ միջոցառումների միջոցով ընկերությունը պարբերաբար հայ գինեսերներին ներկայացնում է տարբեր արտադրողների, գինիների և գինեգործական տարածաշրջանների։ Այս անգամ հյուրերը հնարավորություն ունեցան Fantini-ի պատմությունը լսելու անմիջապես բրենդի հիմնադրից։

Շոտտիի համար գինու մասին ցանկացած զրույց անխուսափելիորեն սկսվում է խաղողից։ Նա սերում է մի ընտանիքից, որը սերունդներ շարունակ զբաղվել է խաղողագործությամբ, իսկ իր մասնագիտական ճանապարհի հենց սկզբում Աբրուցցոյում նկատել է մի ներուժ, որը դեռևս ամբողջությամբ բացահայտված չէր։

Fantini-ն ձևավորվեց ոչ թե մեկ մեծ կալվածքի կամ արդեն հայտնի անվան շուրջ, այլ տարբեր տարածաշրջանների և փոքր խաղողագործների հետ համագործակցության հիման վրա։ Այս գաղափարը հիմնարար նշանակություն ուներ Շոտտիի համար. տարածաշրջանի քիչ հայտնի լինելը դեռ չի նշանակում, որ այնտեղ աճեցված խաղողը զիջում է որակով։

Հարցին, թե որ գինին է լավագույնս արտահայտում իր փիլիսոփայությունը, Շոտտին առանձնացնում է Edizione-ն։

«Գուցե Edizione-ն, որովհետև այն ապելյացիա չունեցող գինի է, և շուկա դուրս բերելն ամենադժվարն էր։ Սպորտում երբեմն սկսում ես այնպիսի դիրքից, երբ բոլորը քեզ պարտվող են համարում, իսկ հետո դառնում ես հաղթող։ Կարծում եմ՝ Edizione-ն իսկապես արտահայտում է իմ կյանքի փիլիսոփայությունը, գինի ստեղծելու իմ մոտեցումն ու վերաբերմունքը սպորտի հանդեպ»։

Նույն փիլիսոփայությունն է ձևավորում նաև ընկերության ապագայի վերաբերյալ նրա պատկերացումները։ Այսօր Fantini-ն ներկայացված է ավելի քան 90 շուկաներում, սակայն Շոտտին այդ ձեռքբերումը վերջնակետ չի համարում։ Նա առանձնահատուկ ուշադրությամբ հետևում է սպառողների նոր սերնդին, որի ճաշակն ու հարաբերությունը գինու հետ շարունակաբար փոխվում են։ Նրա համոզմամբ՝ արտադրողը պետք է ոչ միայն հասկանա այդ փոփոխությունները, այլև կարողանա կանխատեսել դրանք՝ նոր լուծումներ գտնելով դեռևս նախքան սպառողը հստակ կձևակերպի իր պահանջները։

Այս համատեքստում Fantini-ի և VINO&VINO-ի հարաբերությունները վաղուց դուրս են եկել ավանդական դիստրիբյուցիայի շրջանակներից։ Արտադրողի և ներմուծողի միջև ձևավորված համագործակցությունը տարիների ընթացքում վերածվել է ընկերության, իսկ այնուհետև՝ իրական բիզնես գործընկերության։
Շոտտիի համար ցանկացած համագործակցության առանցքային հարցն այն չէ, թե ինչպես ավելի շատ գինի վաճառել դիստրիբյուտորին, այլ թե ինչպես օգնել գործընկերոջն ավելի հաջողակ դառնալ։ Այս մոտեցման կենտրոնում ընդհանուր առաջնահերթությունն է՝ սպառողը։

Որպես հայկական լսարանի հետ անմիջական կապ ունեցող ընկերություն՝ VINO&VINO-ն Fantini-ին փոխանցում է սպառողների հետաքրքրությունների, նախասիրությունների և ակնկալիքների մասին կարևոր տեղեկություններ։ Այդ գիտելիքն իր հերթին նպաստում է հայկական շուկայում բրենդի շարունակական զարգացմանը։

VINO&VINO-ի համար նման գործընկերությունները հնարավորություն են հայ գինեսերներին ավելի մոտեցնելու գինու աշխարհը ձևավորող մարդկանց։ Համտեսներն ու անմիջական հանդիպումները հյուրերին թույլ են տալիս ոչ միայն բացահայտել գինիները, այլև ճանաչել դրանց ստեղծման հիմքում ընկած պատմությունները, գաղափարներն ու փիլիսոփայությունը։

Հետևեք NEWS.am STYLE-ին Facebook-ում, Twitter-ում և Instagram-ում