• 90-ականների շունչը՝ Հայաստանում կայացած Retro Stars Fest-ում․ օրվա ամենահետաքրքիր կերպարները (ֆոտո)

  Երեկ Հայաստանում նոստալգիկ տրամադրություն էր։ Առաջին անգամ մեր երկում կազմակերպվեց Retro Stars Fest-ը, որը մեկ բեմի վրա «ժամադրեց» 90-ականներին հայտնի համաշխարհային ու հայ ամենասիրված աստղերից մի քանիսին...

• Schiaparelli-ի և Փարաջանովի գեղագիտությունը. Էլինա Ջանիբեկյանի շքեղ տեսքը բարձր նորաձևության շաբաթում

  Էլինա Ջանիբեկյանը վաղուց Schiaparelli-ի ամենաջերմ երկրպագուներից է։ Նա պարբերաբար հայտնվում է ֆրանսիական նորաձևության տան ցուցադրություններում, և բրենդի աշուն/2026 նորաձևության հավաքածուն բացառություն չէր...

• 67-ամյա Մադոննան ռիսկի է դիմել դուրս գալ գերկարճ զգեստով և հայտնվել է անհարմար իրավիճակում

  67-ամյա Մադոննան ուշադրության կենտրոնում էր Փարիզում անցկացվող տղամարդկանց նորաձևության շաբաթվա ժամանակ…

• «Երևանն այս պահին յասամանի բույրն ունի». աշխարհահռչակ պարֆյումեր Ֆրենսիս Քուրքջյանի հարցազրույցը՝ NEWS.am STYLE-ին

  Քուրքջյանը պատասխանել է NEWS.am STYLE-ի հարցերին՝ խոսելով բարեգործական նախաձեռնության կարևորության, իր տեսած փորձառության և այն մասին, թե ինչ փոփոխություններ է կրել Երևանը՝ տասը տարի առաջ իր այցից հետո, և ինչպես է բուրում...

• Երբ զարդերը հանդիպում են ճարտարապետությանը. Արա Վարդանյանը նոր խանութ է բացում Բրազիլիայում

  Հայկական ծագումով բրազիլացի դիզայներ Արա Վարդանյանը նոր խանութ է բացում Իգուատեմի Սան Պաուլո առևտրի կենտրոնում՝ վերաիմաստավորելով զարդերի տարածքի գաղափարը․․․

• «Ես իմ մեջ կրում եմ այն ​​ժողովրդի դիմադրողականությունը, որը հրաժարվեց լռել». Գրիգոր Ջաբոտյանի գրառումը՝ Հայոց ցեղասպանության 111-րդ տարելիցի կապակցությամբ

  Ապրիլի 24-ին՝ Հայոց ցեղասպանության հիշատակի օրը, լիբանանահայ դիզայներ Գրիգոր Ջաբոտյանը հաղորդագրություն է հրապարակել Ինստագրամում՝ կապելով պատմական հիշողությունը այսօրվա իրականության հետ...

• Ինչու՞ են աղջիկները նախընտրում Dyson

  Եթե նախկինում վարսահարդարիչը պարզապես մազերը հարդարելու սարք էր, ապա այսօր այն դարձել է առաջադեմ տեխնոլոգիական լուծում՝ ուղղված մազերի խնամքին...

• Պատերազմ Մերձավոր Արևելքում. Zegna-ն կշռադատում է շքեղության շուկայի անորոշությունը

  Իտալական Ermenegildo Zegna նորաձևության տունը զգուշացրել է, որ Մերձավոր Արևելքում պատերազմը նվազեցրել է իր շքեղ ապրանքների պահանջարկի կանխատեսման թափանցիկությունը…

ՀՀ վաստակավոր նկարիչ, հագուստի դիզայներ Աննա Հարությունյանը ժամանակ առ ժամանակ իր ստեղծած հագուստի յուրահատուկ հավաքածուները ներկայացնում է աշխարհի հեղինակավոր հարթակներում՝ պատմելով տարբեր քաղաքակրթությունների, մշակույթների մասին։

Այս անգամ Հարությունյանն իր «Հնագույն քաղաքակրթություններ» հավաքածուով հանդես է եկել Միլանի նորաձևության շաբաթվա (Milan Fashion Week) ընթացքում կազմակերպված World Fashion Festival Award-ին և արժանացել է «Լավագույն հավաքածու» մրցանակին։

«Միջոցառմանը մասնակցում էր 47 դիզայներ աշխարհի տարբեր երկրներից։ Սկզբում իր հավաքածուն ներկայացրեց Լյուքսեմբուրգից ժամանած մի դիզայներ, որը, եթե չեմ սխալվում, թագավորական ընտանիքից էր, այնուհետև ես ներկայացրի իմ հավաքածուն, որը տպավորեց բոլորին։ Հավաքածուն բաղկացած է մի շարք հագուստներից, սակայն այս անգամ ցուցադրեցինք 16-ը։ Ե՛վ հագուստները, և՛ աքսեսուարները մեծամասամբ ձեռքի աշխատանք են, որոնց հեղինակը ես եմ։ Ցուցադրությունը ներկայացրինք թատերականացված բեմադրության տեսքով։ Բեմադրությունը ևս ես եմ արել։ Միշտ էլ փորձում եմ նոր ձևաչափով, նոր գաղափարներով հանդես գալ։ Իտալիայում հենց դա արժևորեցին՝ մոտեցումը, հագուստների կտորը, ձեռագործ աշխատանքը, որը բարձր է գնահատվում։ Ամբողջական աշխատանքը հիացմունք պատճառեց ներկաներին»,-նշում է Հարությունյանն ու հավելում՝ ինչպես ավելի վաղ Նյու Յորքում, այնպես էլ Միլանում իր հավաքածուն ցուցադրել է «Հող» խմբի երաժշտության ներքո, ինչը ևս գրավիչ է եղել։

Յուրաքանչյուր ցուցադրություն անելիս Աննա Հարությունյանն աշխատում է տարբեր ազգերի մոդելների հետ։ Այս անգամ համագործակցել է բրազիլացի, իտալացի, ռումինացի, ռուս, էստոնացի մոդելների հետ։ Ներկայացումն ամբողջացրել է հենց իր մասնակցությամբ։ Հարությունյանը ևս հանդես է եկել որպես մոդել, ինչը հազվադեպ երևույթ է ոլորտում։

«Ժյուրին ևս միջազգային կազմ ուներ։ Շատ հաճելի էր, որ նրանք խոսում էին  հավաքածուի ինքնատիպությունից, ասում, որ հրաշալի շոու ենք ներկայացրել։ Մասնակցում էր հիսուն երկիր, և յուրաքանչյուրը հետաքրքիր հավաքածուով էր ներկայանում, սակայն ես գիտեի, որ մեր անկեղծությունը կգնահատվի։ Երբեք չեմ կեղծում. ո՛չ ինձ եմ խաբում, ո՛չ հանդիսատեսին»,-շեշտում է նա։

Աննա Հարությունյանը հավաքածուներ է ստեղծում՝ մարդկանց ուշադրությունը համամարդկային արժեքների վրա հրավիրելու համար։ Նրա գործերի առանցքում աշխարհն է, կրոնն է, անհատն է, տարբեր ազգերն են՝ իրենց ավանդույթներով ու սովորույթներով։

«Հնագույն քաղաքակրթություններ» հավաքածուի միջոցով դիզայները հին աստվածների կերպարներն է կերտել, Ասորեստանի, Բաբելոնի, Հայաստանի ժողովուրդների ինքնությունն է ընդգծել։ Նպատակն է տարբեր ժողովուրդներին միավորել մեկ Աստծո լույսի գաղափարի շուրջ։ Ցանկանում է վերակենդանացնել ու ժամանակակից լեզվով մատուցել պատմությունը։ Հարությունյանի հավաքածուի հերոսները կենդանանում ու մարդկանց սթափության կոչ են անում, հիշեցնում, որ եղել են, չեն վերացել ու հորդորում են չմոռանալ իրենց արմատների մասին։

Հարությունյանը չի բացառում՝ հնարավոր է, որ մի օր աշխարհում նվաճումներ ունեցած հավաքածուն ցուցադրվի նաև Հայաստանում։

Հետևեք NEWS.am STYLE-ին Facebook-ում, Twitter-ում և Instagram-ում