• Նոր կադրեր «Մոնթե» ֆիլմի նկարահանումից

  Նոյեմբերին մեծ էկրան կբարձրանա Genetic Production-ի կողմից նկարահանվող «Մոնթե» ֆիլմը, որը Հայաստանի և Արցախի հերոս, Արցախյան պատերազմի մասնակից Մոնթե Մելքոնյանի կյանքի մասին՝ ամբողջապես հիմնված իրական փաստերի վրա...

• «Դիգեր». չափազանց խառը արձագանքներ՝ գովասանքից մինչև բացարձակ քննադատություն

  Երկար սպասված «Digger» ֆիլմը, որի գլխավոր դերում հանդես է գալիս Թոմ Քրուզը, թողարկվել է Հայաստանի կինոթատրոններում․․․

• «Wednesday»–ի երրորդ եթերաշրջանի նկարահանումներն ավարտվել են, բայց երկրպագուները դեռ երկար կսպասեն պրեմիերային  

  Wednesday–ի երկրպագուների համար կան և՛ լավ, և՛ վատ լուրեր։ Netflix-ի հայտնի դետեկտիվ սերիալի երրորդ եթերաշրջանն արդեն ավարտվել է, բայց նրանք դեռ պետք է համբերատար լինեն մինչև նոր սերիաների թողարկումը, հաղորդում է THR-ը...

• «Գործնական մոգություն 2». Ինչպես Հոլիվուդը գողացավ մոգությունը

  Ի՞նչը կարող է ռեժիսորին ստիպել 28 տարի անց շարունակություն նկարահանել․․․

• Գոհար Ավետիսյանը՝ դերասանուհու դերում, Զիրոյանը՝ Արկադի Դումիկյանի կերպարում, իսկ կարմիր գորգին՝ հարսանեկան անակնկալ. կայացավ «Մեկ in Մեկ» ֆիլմի պրեմիերան

  Ինչի՞ եք դուք պատրաստ՝ հանուն ձեր մտերիմ ընկերոջ. «Մեկ in Մեկ» ֆիլմի հերոս Արամը, հայտնի դիմահարդար Գոհար Ավետիսյանի օգնությամբ, պատրաստ եղավ, նույնիսկ, ծայրահեղ քայլի…

• Բրեդ Փիթը վերադառնում է զոմբիների աշխարհ. Paramount-ը պաշտոնապես մշակում է «Z համաշխարհային պատերազմ»-ի շարունակությունը  

  Paramount Pictures-ը պաշտոնապես կանաչ լույս է տվել «Z համաշխարհային պատերազմ»-ի շարունակության համար, որտեղ Բրեդ Փիթը կրկին կխաղա իր գլխավոր դերը: Էդվարդ Բերգերը, որը հայտնի է «Արևմտյան ճակատում լռություն է» և «Քոնկլավ» ֆիլմերով, կղեկավարի նախագիծը, իսկ Դենիս Քելլին կգրի սցենարը...

• «Աշտարակ 2». Հիմարությունը քաջության քողի ներքո

  2022 թվականին թողարկվեց «Աշտարակը» թրիլերը․․․

• Տեխնոլոգիական մագնատները դարձել են Հոլիվուդի նոր մանյակները. ինչո՞ւ է Սիլիկոնային հովիտն այժմ սարսուռ առաջացնում

  Հոլիվուդյան իրականության մեջ Սիլիկոնային հովիտը եկել է ոչ թե մարդկությանը փրկելու, այլ լոգարանում նրան մորթելու համար, գրում է Washington Post-ը…

Հոկտեմբերի 20-ից Shant TV-ի եթերում կմեկնարկի «Բարի Գալուստ» նոր սիթքոմը, որը հեռուստադիտողին կներկայանա ոչ միայն նոր պատմությամբ ու դերասանական կազմով, այլև հետաքրքիր առանձնահատկությամբ․ նախագիծն ամբողջությամբ նկարահանվել է Հունաստանում։

Սիթքոմում նկարահանվել են Իրինա Հարությունյանը, Արման Նավասարդյանը, Մարինկա Խաչատրյանը, Դելոն, Էվա Խաչատրյանը, Նորայր Եղյանը, Արման Գևորգյանը, Սերգեյ Գրիգորյանը, Վահե Պետրոսյանը և այլ դերասաններ։

«Բարի Գալուստը» սիրված դերասան Աղաս Մանուկյանի համար առաջին պրոդյուսերական փորձն է։ Նա նախագծում նաև սցենարի համահեղինակն է։ NEWS.am STYLE-ի հետ զրույցում Աղասը պատմել է՝ ինչպես ծնվեց նախագիծը, ինչպես ձևավորվեց դերասանական կազմը, ինչու որոշեց առաջին անգամ հանդես գալ որպես պրոդյուսեր, ինչու ինքը չնկարահանվեց սիթքոմում և ինչ է սպասվում «Բարի Գալուստի» առաջին եթերաշրջանում։

«Ժամանակն էր անել մի բան, որ ամեն ինչ քո սրտով լինի»

Աղաս Մանուկյանի խոսքով՝ պրոդյուսերական գործունեության անցնելու որոշումը պատահական չի եղել։ Նա ցանկացել է ստեղծել մի նախագիծ, որտեղ կարող էր սեփական պատկերացմամբ ձևավորել թե՛ սցենարը, թե՛ ստեղծագործական թիմը, թե՛ դերասանական կազմը։

«Ես հասկացա, որ ժամանակն է անել մի բան, որ ամեն ինչ քո սրտով կլինի՝ թե՛ սցենարը, թե՛ նկարահանող խումբը, թե՛ դերասանները։ Հենց այսպես էլ այս որոշումը կայացրի»,- պատմել է նա։

Նախագծի ստեղծման առաջարկը, ինչպես նշում է Աղասը, եղել է Կառլեն Առաքելյանի կողմից, ով Հունաստանում Akva Buildings ընկերության համասեփականատերն է։

Սցենարի վրա Աղասն աշխատել է Հայկ Սարգսյանի և Արտակ Վասիլյանի հետ։ Երեք հեղինակների համատեղ աշխատանքի արդյունքում էլ ձևավորվել է սիթքոմի պատմությունը։

Ինչու Աղասը չի նկարահանվել սիթքոմում

Թեև Աղաս Մանուկյանը նախագծի գաղափարի, սցենարի և պրոդյուսերական աշխատանքի անմիջական մասնակիցն է, այս անգամ որոշել է չհայտնվել նաև դերասանական կազմում։

«Չնկարահանվելու որոշումը կայացրի, որպեսզի կարողանամ ամբողջությամբ կենտրոնանալ պրոդյուսերական աշխատանքի վրա, որպեսզի այն իդեալական իրականացնեմ՝ առանց վրիպումների։ Կարծում եմ՝ թիմը կփաստի, որ դա ինձ հաջողվեց»,- ասում է Աղասը։

Ինչի՞ մասին է «Բարի Գալուստը»

Սիթքոմի գործողությունները հիմնականում զարգանում են հյուրանոցային միջավայրում։ Գաղափարը ծնվել է այն ժամանակ, երբ ստեղծագործական թիմը ծանոթացել է Հունաստանում Akva Buildings-ի գործունեությանը։ Այդ միջավայրն էլ հեղինակներին հուշել է ստեղծել հյուրանոցի աշխատակիցների մասին պատմություն, որտեղ տարբեր կերպարների՝ տնօրենի, մաքրուհու, բարմենի, հյուրընկալի և մյուս աշխատակիցների հարաբերությունները բազմաթիվ զվարճալի իրավիճակների առիթ են դառնում։

«Պատկերացրինք, որ այդտեղ կարող են ներգրավված լինել հյուրանոցի տարբեր կերպարներ։ Տարբեր ծիծաղելի իրավիճակներ պատկերացրինք, որոնք, կարծում ենք, մեր հեռուստադիտողներին կհետաքրքրեն»,- նշել է Աղասը։

Սակայն «Բարի Գալուստը» միայն հումորային իրավիճակների շարք չէ։ Ըստ Աղասի՝ պատմության հիմքում նաև բարու և չարի հակադրությունն է։

«Ցանկանում ենք, որ շատ ծիծաղեն։ «Բարի Գալուստի» յուրահատկությունը հենց դա է լինելու։ Միևնույն ժամանակ, այն ցույց է տալու, որ բարին հաղթում է չարին։ Մեր պարագայում խոսքն աշխատակազմի մթնոլորտը փչացնողի մասին է։ Ի վերջո, մեր սիթքոմում բոլորը, անկախ վեճերից, դառնում են մեկ ընտանիք»,- ասել է նա։

Դերասանների ընտրությունը

Սիթքոմի դերասանական կազմի ընտրությունն Աղաս Մանուկյանն իրականացրել է ռեժիսոր Արման Մելիքյանի հետ։ Նրա խոսքով՝ որոշ դերասանների կերպարներն արդեն պատկերացնում էր դեռ սցենարի ստեղծման փուլում։

«Սցենարը գրելիս արդեն մտովի գիտեի՝ ով է լինելու։ Հենց դրանով էլ սիթքոմը շատ օրգանական կլինի»,- նշում է Աղասը։

Նախագծի ստեղծագործական թիմի ընտրության հարցում ևս նա նախապես որոշակի պատկերացում ուներ։ Վերջնական որոշումից հետո համագործակցության է հրավիրել Արման Մելիքյանին և նրա թիմին։

Առաջին հայկական հումորային նախագիծը՝ նկարահանված Եվրոպայում

«Բարի Գալուստի» նկարահանումներն ամբողջությամբ իրականացվել են Հունաստանում։ Աղասի խոսքով՝ նկարահանման գործընթացը բավական թեթև և հաճելի է անցել։

«Շատ լավ և թեթև նկարահանումներ ենք ունեցել։ Կարծում եմ՝ սա առաջին հայկական հումորային սիթքոմն է կամ սերիալը, որը նկարահանվում է Եվրոպայում»,- ասում է նա։

Հունաստանում անցկացրած նկարահանման օրերը, բնականաբար, չեն անցել միայն աշխատանքային ռեժիմում։ Թիմի հետ կապված զվարճալի պատմությունները շատ են եղել, թեև Աղասը դժվարանում է առանձնացնել դրանցից որևէ մեկը։

Առանց գովազդային placement-ների

Նախագծի հեղինակները որոշել են նաև հրաժարվել սիթքոմում գովազդային placement-ներից։ Աղասի խոսքով՝ դա իրենց համար կարևոր նախապայման է եղել։

«Սա շատ կարևոր նախապայման է։ Ցանկանում ենք, որ հեռուստադիտողը պարզապես շատ ծիծաղի»,- նշում է նա։

Նրա խոսքով՝ թիմը փորձել է նաև որոշակի փոփոխություն մտցնել սիթքոմի թե՛ սցենարական, թե՛ հումորային մոտեցման մեջ՝ ստեղծելով թեթև, զվարճալի և միաժամանակ մարդկային պատմություն։

«Բարի Գալուստը» շարունակական է լինելու

Նոր սիթքոմը նախատեսված չէ միայն մեկ եթերաշրջանի համար։ Աղաս Մանուկյանի խոսքով՝ նախագիծը լինելու է շարունակական, իսկ ստեղծագործական թիմն արդեն մտածում է երկրորդ եթերաշրջանի մասին։

«Արդեն մտածում ենք երկրորդ եթերաշրջանի մասին։ Նախատեսում ենք այն ներկայացնել 2027 թվականին»,-ասուն է նա։

«Բարի Գալուստ» սիթքոմի առաջին եթերաշրջանը Shant TV-ի եթերում կլինի հոկտեմբերի 20-ից։

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում