Կանանց զուգարանից՝ հասարակության հայելի. «Toilet կանանց համար»

Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Մեկ բաժակ ավել՝ հյուրի համար․ սուրճ, արվեստ և Գյումրվա ժպիտը «Վառեմ-Մարեմ»-ում

«Վառեմ-Մարեմ». Գյումրու ստեղծարար ոգին՝ արվեստի և հիշողությունների հանդիպման վայրում

Լեգենդար «Որոգայթը» վերադառնում է՝ «Նոր սկիզբ»․ նոր պատմություն, նոր մասշտաբ, նոր խաղի կանոններ

15:54, 12 հոկտեմբերի

Լեգենդար «Որոգայթը» վերադառնում է՝ «Որոգայթ. Նոր սկիզբ» 24 մասից բաղկացած նոր քրեական դրամայով։ Նախագիծը շարունակում է «Որոգայթի» աշխարհը՝ ներկայացնելով նոր պատմություն, նոր հակամարտություններ ու նոր ուժային հարաբերություններ՝ մի շնչով ընթացող զարգացումներով և կինեմատոգրաֆիկ մոտեցմամբ։

«Նոր սկիզբը» պարզապես նախորդ պատմության շարունակությունը չէ։ Այն ստեղծվել է որպես ինքնուրույն, բարձր արտադրական արժեք ունեցող հեռուստատեսային նախագիծ, որտեղ քրեական դրաման միահյուսվում է ընտանեկան ներքին կոնֆլիկտների, հոգեբանական լարվածության և սիրային պատմությունների հետ։

Պատմության կենտրոնում Հովոն է, որի անցյալից վերադառնում է խորհրդավոր, հաշվարկված և անողոք թշնամի։ Նրա հայտնվելը փոխում է ոչ միայն Հովոյի, այլև նրա շրջապատի կյանքը։ Անցյալն ու ներկան սկսում են միահյուսվել՝ ստեղծելով վտանգավոր խաղ, որտեղ յուրաքանչյուր քայլ կարող է ունենալ ծանր հետևանքներ։

Հակամարտությունը շուտով դուրս է գալիս անձնական սահմաններից և վերածվում լայնածավալ պայքարի՝ ներթափանցելով փողոցներ, ուժային կառույցներ, ընտանիքներ և ամենամտերիմ հարաբերություններ։ Հին դաշինքները փլուզվում են, ձևավորվում են նոր ուժային կենտրոններ, իսկ վստահությունը դառնում է ամենաթանկ ու միաժամանակ ամենավտանգավոր արժեքը։

Յուրաքանչյուր կերպար կանգնելու է ճակատագրական ընտրության առաջ, որտեղ մեկ սխալ որոշումը կարող է փոխել ոչ միայն իր, այլև ամբողջ շրջապատի ճակատագիրը։

Այստեղ որոշումների հետևանքները չեն ավարտվում այն պահին, երբ կատարվում է ընտրությունը․ դրանք վերադառնում են տարիներ անց, խաթարելով ընտանիքներ, խլելով հարազատներին և վտանգելով անգամ նրանց կյանքը, ովքեր երբեք այդ ընտրությունը չեն կատարել։ Իշխանությունը պահելու, կամ վրեժ լուծելու համար վճարվող գինը գնալով ծանրանում է՝ հերոսներին կանգնեցնելով սեփական արարքների անդառնալի հետևանքների առաջ։

24 սերիաներից յուրաքանչյուրն կառուցված է որպես առանձին գլուխ՝ նոր բացահայտումներով, անսպասելի շրջադարձերով և աստիճանաբար աճող լարվածությամբ։ «Որոգայթ. Նոր սկիզբը» ներկայացնում է հանցավոր աշխարհի տեսանելի և անտեսանելի կանոնները՝ միաժամանակ ուսումնասիրելով ընտանիքի, վստահության, հավատարմության և դավաճանության թեմաները։

Հերոսների ճակատագրերի միջոցով պատմությունը բացահայտում է հանցավոր ճանապարհի կործանարար ընթացքը․ ուժի և վերահսկողության խոստումը վերածվում է մշտական վախի, կորուստների ու միայնության։ Այդ ճանապարհին յուրաքանչյուր թվացյալ հաղթանակ կարող է մարդուն մեկ քայլով հեռացնել հենց այն ամենից, ինչն ի սկզբանե փորձում էր պաշտպանել։

Նոր սեզոնում հանդես են գալիս հայկական կինոյի և թատրոնի ճանաչված դերասաններ՝ Հարություն Մովսեսյան, Արմեն Սողոյան, Սարգիս Գրիգորյան, Խորեն Լևոնյան, Դավիթ Աղաջանյան, Միկա Ղափլանյան, Ելենա Բորիսենկո, Արամ Հովհաննիսյան, Արման Ղազարյան, Բորիս Մելքոնյան, Էլեն Գևորգյան, Մարիամ Ալեքսանյան և Լիկա Մեսրոպյան։

Դերասանական կազմը միավորում է տարբեր սերունդների և ստեղծագործական փորձի ներկայացուցիչների՝ ձևավորելով կերպարների փոխկապակցված աշխարհ, որտեղ յուրաքանչյուր հերոս իր դերն ունի զարգացող հակամարտության մեջ։

Նախագծի ստեղծագործական թիմում են սցենարի հեղինակ Հարություն Ղուկասյանը, ռեժիսոր Մհեր Խաչատրյանը, պրոդյուսեր Ռոման Մուշեղյանը, բեմադրող օպերատոր Վազգեն Մանուկյանը, բեմադրող նկարիչ Արթուր Սարյանը և կոմպոզիտոր Արման Ալբերտը։

Նախագիծը արտադրում է Shant Production-ը և շուտով հասանելի կլինի Shant Digital հարթակում։


Հետևեք NEWS.am STYLE-ին Facebook-ում, Twitter-ում և Instagram-ում




Print  

  • Related News

TV SHOWS PHOTO VIDEO


@NEWSam_STYLE

  • Archive
Search