• 27 օր Հունաստանում, ուշացած վիզա ու նոր հումորային կերպար․ Իրինա Հարությունյանը՝ «Բարի Գալուստի» մասին

  Հոկտեմբերի 20-ից Shant TV-ի եթերում կլինի «Բարի Գալուստ» սիթքոմը, որի նկարահանումներն անցկացվել են Հունաստանում․․․

• Լեգենդար «Որոգայթը» վերադառնում է՝ «Նոր սկիզբ»․ նոր պատմություն, նոր մասշտաբ, նոր խաղի կանոններ

  Լեգենդար «Որոգայթը» վերադառնում է՝ «Որոգայթ. Նոր սկիզբ» 24 մասից բաղկացած նոր քրեական դրամայով...

• Netflix-ը մշակում է Բրիջերտոնների մասին նոր սփին-օֆֆ. Լեդի Վայոլեթի սիրո պատմությունը կունենա իր սեփական սերիալը  

  Բրիջերտոնների տիեզերքը շարունակում է ընդլայնվել։ Netflix-ը և Shondaland-ը հայտարարել են նոր մինի-սերիալի մեկնարկի մասին, որը կպատմի Լեդի Վայոլեթ Բրիջերտոնի երիտասարդության և նրա սիրավեպի մասին հայտնի ընտանիքի ապագա հոր՝ վիկոնտ Էդմունդ Բրիջերտոնի հետ...

• Սեքսուալ մարդագայլեր, մաֆիայի ներկայացուցիչներ և անօթևան միլիարդատերեր. բարի գալուստ միկրոդրամանների աշխարհ

  Մի քանի տարի առաջ սմարթֆոնների համար կարճամետրաժ սերիալների գաղափարը թվում էր կորած…

• «ՍՏԱՄԲՈՒԼ’25»․ Վիկտոր Սողոմոնյանը շարունակում է ռուս դիվանագետի մասին աշխարհաքաղաքական սագան

  Դիվանագետների մասին ռուսական քաղաքական դրաման շարունակություն է ունենալու։ «ՎԱՐՇԱՎԱ’21» և «ԲԵՌԼԻՆ’23» նախագծերից հետո Վիկտոր Սողոմոնյանի թիմը նկարահանում է ռուս դիվանագետ Վյաչեսլավ Վասիլևի մասին պատմող երրորդ սերիալը, որը կկոչվի «ՍՏԱՄԲՈՒԼ’25»...

• Աղաս Մանուկյանը՝ «Բարի Գալուստի» մասին․ առաջին պրոդյուսերական փորձը, Հունաստանում նկարահանումներն ու չնկարահանվելու որոշումը

  Հոկտեմբերի 20-ից Shant TV-ի եթերում կմեկնարկի «Բարի Գալուստ» նոր սիթքոմը…

• «Wednesday»–ի երրորդ եթերաշրջանի նկարահանումներն ավարտվել են, բայց երկրպագուները դեռ երկար կսպասեն պրեմիերային  

  Wednesday–ի երկրպագուների համար կան և՛ լավ, և՛ վատ լուրեր։ Netflix-ի հայտնի դետեկտիվ սերիալի երրորդ եթերաշրջանն արդեն ավարտվել է, բայց նրանք դեռ պետք է համբերատար լինեն մինչև նոր սերիաների թողարկումը, հաղորդում է THR-ը...

• Իրավիճակներ, որոնցից «չոր» դուրս գալը գրեթե անհնար է․ Արա Ղազարյանը, Հակոբն ու Արմենը՝ Լոս Անջելեսում նկարահանված առաջին հայկական սիթքոմի մասին

  Սեպտեմբերի 5-ից PanArmenian TV-ի եթերում և YouTube-ում մեկնարկել է «Սուպերմարկետ» սիթքոմը։ Նախագիծը խոստանում է, որ իրենց «Սուպերմարկետում» ամեն ինչ կա՝ բացի ձանձրույթից...

Ռայան Մերֆիի «Ամեն ինչ արդար է» (All’s Fair) իրավաբանական դրաման՝ Քիմ Քարդաշյանի, Գլեն Քլոուզի և Նաոմի Ուոթսի մասնակցությամբ, կրկին հայտնվել է ջախջախիչ քննադատության թիրախում։ Քննադատները երկրորդ եթերաշրջանը որակել են «անտանելի ահավոր», իսկ գրախոսներից մեկն այն անգամ հռչակել է «21-րդ դարի վատագույն սերիալ»։

Այդուհանդերձ, նման սառը ընդունելությունն անակնկալ չէր. նախորդ տարի թողարկված առաջին եթերաշրջանը ևս արժանացել էր կոշտ քննադատության։ Չնայած դրան՝ նախագիծը դարձավ Hulu-ի վերջին երեք տարիների ամենադիտված խաղարկային դեբյուտային սերիալը, ինչից հետո սթրիմինգային հարթակը գրեթե անմիջապես երկարաձգեց այն երկրորդ եթերաշրջանով։

Հատկապես անխնա է գտնվել The Telegraph-ի մեկնաբան Էդ Փաուերը, որը սերիալին տվել է ընդամենը մեկ աստղ և այն անվանել «անտանելի ահավոր»։ Պարբերականն էկրանին կատարվողը համեմատել է այնպիսի ձախողված օճառային օպերայի հետ, որի դիտումը ստիպում է մտորել գոյության կամ առնվազն Disney+-ի բաժանորդագրության անիմաստության մասին։

«Ինչո՞ւ են Գլեն Քլոուզի և Նաոմի Ուոթսի պես համաշխարհային մեծության դերասանուհիները համաձայնել նկարահանվել այս անտանելի ահավոր սերիալում»,— հարց է բարձրացնում քննադատը։ Նա նաև հիշեցրել է, որ 25 տարի առաջ Ուոթսը խաղացել է Դեյվիդ Լինչի «Մալհոլանդ դրայվ» ֆիլմում, որը շատերը համարում են 21-րդ դարի մեծագույն կինոնկարներից մեկը։ Իսկ այժմ, հեգնում է հեղինակը, դերասանուհին հայտնվել է լոսանջելեսյան մեկ այլ սյուրռեալիստական մղձավանջում, որը լիովին կարող է հավակնել հարյուրամյակի վատագույն հեռուստասերիալի տիտղոսին։

The Guardian-ը երկրորդ եթերաշրջանի հանդեպ փոքր-ինչ ավելի բարեհաճ է գտնվել։ Քննադատ Լյուսի Մանգանը նշել է, որ սերիալը նախկինի պես անհեթեթ տեսք ունի՝ կաշվե հագուստով Գլեն Քլոուզից մինչև Բրունո Մարսի մասին պիկանտ բամբասանքները։ Սակայն, նրա կարծիքով, զրո աստղ ստացած առաջին եթերաշրջանի համեմատ նախագիծն այնուամենայնիվ մի փոքր բարելավվել է։

«Ինչ-որ պահի հասկանում ես, որ անգամ զվարճանում ես՝ նախորդ անգամվա պես բերանդ բաց նստելու և տարակուսելու փոխարեն, թե ինչպես կարող է հեռուստատեսությունն առհասարակ այսքան վատը լինել։ Սերիալն աստիճանաբար մոտենում է «այնքան վատն է, որ նույնիսկ լավն է» անվանակարգին»,— գրել է Մանգանը։

Ready Steady Cut-ի մեկնաբան Ջոնաթոն Ուիլսոնը ևս առաջին եթերաշրջանն անվանել է «ապշեցուցիչ ահավոր» և նշել, որ երկրորդում իրավիճակը գրեթե չի փոխվել։ Միևնույն ժամանակ նա նկատել է, որ ստեղծողները, կարծես, վերջնականապես հրաժարվել են նախագիծը որպես ամուսնալուծությունների գծով կալիֆոռնիացի փաստաբանների մասին լուրջ դրամա ներկայացնելու փորձերից։

«Թե ինչի է վերածվել սերիալը հիմա, գաղափար անգամ չունեմ։ Բայց սա միանգամայն խելահեղ ու միևնույն ժամանակ անկանխատեսելի տեսարան է, որը կարող է զվարճացնել»,— եզրափակել է քննադատը։

Ի դեպ, քննադատներն առավել խիստ էին դիմավորել հենց առաջին եթերաշրջանը։ Daily Mail-ի մեկնաբան Քրիստոֆեր Սթիվենսն այն անվանել էր «հեռուստատեսային աղբի ամենազզվելի, սրտխառնոց և ատամների կրճտոց առաջացնող կույտը», որն իրեն երբևէ վիճակվել է տեսնել։ Իսկ The Guardian-ն իր գրախոսականը սկսել էր հետևյալ խոստովանությամբ. «Ես չէի էլ կասկածում, որ հեռուստատեսությունը դեռ կարող է այսքան վատը լինել։ Բայց սխալվում էի։ «Ամեն ինչ արդար է»-ն ահավոր սերիալ է։ Ապշեցուցիչ, անըմբռնելի, էկզիստենցիալ առումով ահավոր»։

Քննադատությունների ֆոնին անցյալ տարի Քիմ Քարդաշյանին պաշտպանել էր Գլեն Քլոուզը։ Դերասանուհին խոստովանել էր, որ իրեն զարմացրել է այն լրջությունը, որով Քիմը մոտեցել է դերի շուրջ աշխատանքին։

«Նա չէր հավակնում մեծ դերասանուհու կոչման, բայց բավականաչափ խելացի էր՝ իրեն շրջապատելու այնպիսի մարդկանցով, որոնցից կարող էր սովորել։ Եթե նա ունենար չափազանց մեծ էգո կամ պատկաներ այն մարդկանց դասին, որոնց հետ անհնար է աշխատել, ես դժգոհ կլինեի։ Բայց նա այդպիսին չէ»,— նշել էր Քլոուզը։

Դերասանուհու կարծիքով՝ բացասական արձագանքը կարող էր պայմանավորված լինել նաև Քարդաշյանների ընտանիքի հանդեպ հանրության ոչ միանշանակ վերաբերմունքով. նրանց շուրջ վաղուց ձևավորվել է հանրային որոշակի կերպար, որը հեռու է բոլորին դուր գալուց։

Անցյալ տարի կայացած պրեմիերայից հետո սերիալը Rotten Tomatoes հարթակում ստացել էր զրոյական վարկանիշ՝ 0%։ Ավելի ուշ՝ նույն ամսվա ընթացքում, այդ ցուցանիշը բարձրացավ մինչև 3%-ի։

Հետևեք NEWS.am STYLE-ին Facebook-ում, Twitter-ում և Instagram-ում