• 18-րդ անգամ իրականություն դարձավ Երևանի Շեքսպիրյան միջազգային թատերական փառատոնը

  ՀՀ կրթության, գիտության, մշակույթի և սպորտի նախարարության աջակցությամբ նոյեմբերի 4–10-ը Երևանում անցկացվեց Երևանի «Shakespeare & Co.» 18-րդ միջազգային թատերական փառատոնը...

• Երևանում մեկնարկել է «ՌեԱնիմանիա» 18-րդ փառատոնը. ինչպես է մայրաքաղաքը սուզվել անիմացիայի, կոմիքսների և ստեղծագործական բացահայտումների աշխարհ

  Փառատոնը մեկնարկեց ռեժիսոր Սեբաստիան Լոդենբախի «Կարմեն. ընդվզող թռչունը» (Viva Carmen!) ֆրանսիական անիմացիոն երաժշտական դրամայով։ Բացման արարողության առանցքային իրադարձություններից էր հայազգի ֆրանսիացի ռեժիսոր, սցենարիստ և դերասան Սերժ Ավետիքյանին հատուկ մրցանակի հանձնումը՝ անիմացիոն արվեստում ներդրած նշանակալի ավանդի համար։ Փառատոնի շրջանակում հանդիսատեսի դատին կհանձնվեն նրա երեք կարճամետրաժ աշխատանքները՝ «Կյանքի գիծը», «Գեղեցիկ առավոտ» և «Շնային պատմություններ» ֆիլմերը...

• Անժամանակյա դասականները նոր մեկնաբանություններով. Երևանը հյուրընկալում է 18-րդ Շեքսպիրյան փառատոնը

  Ավելի քան չորս դարերի պատմություններ կրկին կկենդանանան երևանյան բեմում, քանի որ նոյեմբերի 4-ին մայրաքաղաքում կբացվի Շեքսպիրյան 18-րդ միջազգային թատերական փառատոնը…

• «Հայկական գինու շաբաթ». նախաձեռնություն, որը խրախուսում է աշխարհի տարբեր ծայրերում գտնվող հայերին դառնալ իրենց ազգային գինեգործության դեսպանները

  Նոյեմբերի 8-ից 14-ը Հայաստանում կանցկացվի «Հայկական գինու շաբաթ» նախաձեռնությունը, որը յուրաքանչյուր հայի հրավիրում է դառնալ ազգային գինեգործության դեսպան…

• ReAnimania-ն 18 տարեկան է․ միջազգային փառատոնն ընդլայնում է ծրագիրն ու հանդես գալիս նոր նախագծերով

  Նոյեմբերի 7-ից 14-ը Երևանը կրկին կհյուրընկալի աշխարհի տարբեր երկրներից ժամանած անիմատորների, նկարիչների և վիզուալ արվեստի սիրահարների…

• Կենդանի զեբր, սև խավիար և կենդանիների կերպարներով հյուրեր․ Դոնալդ Թրամփը Մար-ա-Լագոյի իր նստավայրում «Վայրի ջունգլիներ» թեմատիկ երեկույթ է կազմակերպել

  Դոնալդ Թրամփը որոշել է Հելոուինը նշել մեծ շուքով։ ԱՄՆ նախագահն իր՝ Ֆլորիդայի Մար-ա-Լագո նստավայրում թեմատիկ երեկույթ է կազմակերպել՝ տոնը վերածելով իսկական աշխարհիկ շքահանդեսի…

• Նկարիչը թանգարանի անվտանգության աշխատակիցների ուշադրությունը շեղել է անպարկեշտ ձայների միջոցով, որպեսզի գաղտնի կերպով կախի Met Gala-ն քննադատող իր նկարը

  Մինչ աստղերը երազում են հայտնվել Met Gala-ի հյուրերի շարքում, նկարիչ Դեյվիդ Սեբաստիանը որոշել է միջոցառման պատմության մեջ իր անունը թողնել բոլորովին այլ կերպ…

• Թրամփի ինքնագրով շոկոլադ և Սպիտակ տան վրայով թռչող ինքնաթիռ․ ինչով զարմացրեց Սպիտակ տան Հելոուինը

  Սպիտակ տանը հյուրերին բաժանել են Դոնալդ Թրամփի ինքնագրով շոկոլադներ, նրանց գլխավերևով անցել է նախագահական ինքնաթիռը, իսկ տոնակատարության փոքրիկ մասնակիցների շարքում հայտնվել են խորհրդային տանկիստ և փտած բանան…

Նոյեմբերի 7-14-ը Երևանում անցկացվում է 18-րդ «ՌեԱ» (Ռեանիմանիա անիմացիոն ֆիլմերի և պատկերապատման արվեստի) միջազգային փառատոնը։ Հանդիսատեսին կրկին ականատես է լինում հագեցած մեկ շաբաթվա` անիմացիոն ֆիլմերի ցուցադրություններով, միջազգային ճանաչում ունեցող մասնագետներով, ցուցահանդեսներով, ոլորտի առաջատարների հետ հանդիպումներով և շատ այլ նոր ու հետաքրքիր իրադարձություններով։ Նոյեմբերի 10-ին ReA-ի շրջանակում Կինոյի տանը տեղի ունեցավ հանդիպում և ստորագրության արարողություն Սոֆյա Միրզոյանի, Սերժ Ավեդիքյանի, Ջորդան Մեքների, Զավեն Նաջարի եւ Սեբաստիան Լունդենբախի հետ։

«ՌեԱ»-ի այս տարվա գլխավոր հյուրերից է ֆրանսահայ կինոռեժիսոր, սցենարիստ եւ դերասան Սերժ Ավետիքյանը։ Փառատոնի շրջանակում ցուցադրվեցին նրա երեք կարճամետրաժ անիմացիոն ֆիլմերը՝ «Կյանքի գիծ», «Մի գեղեցիկ առավոտ» եւ «Շնային պատմություններ»։  Փառատոնի բացմանը Վրեժ քաունին նրան հանձնեց հատուկ մրցանակ՝ անիմացիոն արվեստում նշանակալի ներդրման համար։

Փառատոնն այս տարի յուրահատուկ մոտեցում է ցուցաբերել նաեւ երաժշտասերներին․ նոյեմբերի 14-ին՝ Կինոյի տանը, տեղի կունենա «ՋԱԶ երեխաների համար» (JAZZ for KIDS) համերգը։ Այն իրականություն են դարձրել ՌեԱ Փառատոնը և ReAct production-ը՝ Երևանի քաղաքապետարանի հովանավորությամբ և ԿԳՄՍ նախարարության աջակցությամբ։ Երաժշտական կենդանի կատարումներին զուգահեռ մեծ էկրանին տեղի կունենա մուլտֆիլմերի պրոյեկցիա։ Փոքրիկների կողմից արդեն սիրված այս նախագծի հեղինակն է ջազ երաժիշտ Կարեն Գրիգորյանը:

«ՌեԱ» (Ռեանիմանիա անիմացիոն ֆիլմերի և պատկերապատման արվեստի) միջազգային 18-րդ փառատոնն անցկացվում է Երևանի քաղաքապետարանի գլխավոր հովանավորությամբ և Կրթության, գիտության, մշակույթի և սպորտի նախարարության աջակցությամբ: Փառատոնին աջակցում են նաև ՀՀ Սփյուռքի գործերի գլխավոր հանձնակատարի գրասենյակը, Հայաստանում Ֆրանսիայի դեսպանատունը, Հայաստանում ֆրանսիական ինստիտուտը, Եվրոպայի խորհրդի «Եվրիմաժ» հիմնադրամը, Երևանի Գյոթե ինստիտուտը, Հ. Հովնանյան ընտանեկան հիմնադրամը, Հայաստանում Իսպանիայի թագավորության գրասենյակը, Իսպանական մշակութային գործունեությունը (AC/E)։

Հետևեք NEWS.am STYLE-ին Facebook-ում, Twitter-ում և Instagram-ում