• Ինչպիսի դիմահարդարմամբ եւ վարսահարդարմամբ դիմավորել 2020թ․-ը (ֆոտո)

  Տոնական կերպար ընտրելուց, հարկավոր է նախապես իմանալ, թե որտեղ եք դիմավորելու նոր՝ 2020 թվականը...

• Ինչու է Մեգան Մարքլը մշտապես կիպ փնջիկ ընտրում որպես սանրվածք (ֆոտո)

  Երիտասարդ մայրիկը ոճը պատահաբար չի փոխել...  

• «Գահերի խաղ»-ի աստղը սերիալի ավարտից հետո վերածվել է շիկահերի

  Սանսա Սթարկն այլեւս շիկակարմիր մազեր չունի...

• Հայտնի է՝ ինչու է Շարլիզ Թերոնը թխահեր դարձել

  Դերասանուհին փայլել է նոր կերպարով…

• Անկեղծ զգեստ ու կարճ մազեր... Իրինա Շեյքի նոր ֆոտոշարքը ֆրանսիական ամսագրի համար

  Շեյքը՝ սեւ, կարճ մազերով…

• Քիմ Քարդաշյանին այսպիսին չեք տեսել. աստղի անսպասելի էքսպերիմենտը

  Հայուհին ցնցել է արտաքին տեսքով...

• Հյուսիսի արքան նախկինի նման չէ. Ջոն Սնոուն կտրուկ փոխել է իմիջը

  Դերասանը նմանվել է մեքսիկացու...

• 2018թ.-ի՝ ամառային թրենդային սանրվածքները

  Շոգն, ինչպես հայտնի է, վատ է ազդում մեր վարսերի վրա...

Կանայք ստեղծագործ միտքը պաշտող արարածներ են։ Թույլ սեռի ներկայացուցիչներն իրենց ստեղծագործ միտքը հիմնականում իրենց մարմնի վրա կատարվող աշխատանքների մեջ են ցուցադրում։

Ըստ վիճակագրության, ցանկացած կին կյանքում գոնե մեկ անգամ երազում է արտաքին տեսքի փոփոխության մասին, եւ այդ վերաբերում է եթե ոչ սանրվածքին, ապա մազերի գույնի փոփոխությանը։ Իսկ թե որքան սեւահերներ են երազում իրենց շիկահեր տեսնել, ոչ ոք չի կարող հստակ ասել։ Բայց նման ցանկություն ունեցողները եղել են եւ կլինեն։

Եթե ձեր մազերը մուգ գույն ունեն, ապա նախքան դրանք գունաթափելը պետք է մի փոքր տեղեկություն ունենաք ձեր մազերի կառուցվածքի մասին։ Գունանյութերը, որոնցից էլ կախված է ձեր մազերի մուգ գույնը, հնարավոր չէ առաջին անգամից վերացնել։ Ձեզ նվազագույնը 3.5 ժամ տեւողությամբ գործողություն է սպասվում։ Եվ սա դեռ ամենը չէ։ Որոշելով շիկահեր դառնալ՝ դուք ստիպված եք ձեր մազերի արմատները յուրաքանչյուր 3-4 շաբաթը մեկ անգամ այս գործընթացին ենթարկել։

Գունաթափող նյութերով բազմակի գործողությունները բացասական են ազդում գլխամաշկի եւ մազերի կառուցվածքի վրա։ Արդյունքում, գեղեցիկ բաց գույն ստանալու փոխարեն, ալերգիայի, թեփի եւ մազաթափության առաջացման հավանականություն կա։

Դրանից խուսափելու համար պետք չէ գումար խնայել գործողությունների եւ միջոցների համար եւ անպայման անհատական փորձարկում անցկացնել։ Իմանալու համար, արդյո՞ք գունաթափող նյութից ալերգիա ունեք, բավական է այդ նյութից փոքր-ինչ քսել դաստակին կամ ականջի հետեւի հատվածում եւ թողնել 30 րոպե։

Նախքան մազերը գունաթափելու որոշում կայացնելն ավելորդ չի լինի կողքից ձեզ վրա հայացք նետել։ Այդ գույնը կսազի՞ ձեզ։ Արդյո՞ք ձեր մաշկի թերությունները չեն ընդգծվի մազերի բաց գույնի հետեւանքով։ Քիչ կանայք գիտեն, որ շիկահերների մոտ բշտիկներն ու կնճիռներն ավելի շատ են երեւում, քան սեւահերների մոտ։

Պատրաստվեք նաեւ սանրվածքի հարցում բարդություններ ունենալուն։ Չափազանց չորացրած ու թույլ մազերին միայն շամպունն ու թույլ ռեժիմով վարսահարդարիչը բավարար չեն։ Նույնիսկ սանրելն է բարդ լինելու։ Ձեզ հատուկ բալզամներ, փափկեցնող հեղուկներ, դիմակներ են հարկավոր։

Նախ, պետք չէ կուրորեն վստահել գովազդին, որոնք հավատացնում են, թե ոչ մի մազ չեք կորցնելու։ Նման գործողությունների դեպքում այդ անխուսափելի է։ Հետո, մի հավատացեք երիցուկի կամ այլ խոտաբույսերի գունաթափող հրաշագործ հատկությունների մասին հեքիաթին։ Իսկական շիկահեր դառնալու համար հատուկ քիմիական միջոցներ են հարկավոր։ Եվ ցանկալի է, որ դրանք լինեն մասնագիտացված եւ հատուկ ձեզ համար ընտրված նյութեր, որոնք իրենց մեջ նաեւ մազերի խնամք են պարունակում։ Այլապես կարող եք ընդհանրապես առանց մազերի մնալ։

Մազերը գունաթափելուց հետո դրանց արմատներին հարկավոր է հատուկ վերականգնող բալզամներ ու դիմակներ քսել, որոնք կամրացնեն վարսերը։ Ցանկալի է գունաթափված մազերի խնամքի միջոցների շարք ձեռք բերել, որոնք պաշտպանիչ հատկություններից բացի, օգնում են խուսափել դեղնությունից։

Եվ, իհարկե, ցանկալի է հրաժարվել այս բարդ գործողությունը տնային պայմաններում կատարելու մտքից եւ դիմել մասնագետներին։ Մեկ նախադասությամբ՝ «Գեղեցկությունը զոհեր է պահանջում»։

Աղբյուրը՝ fancy-journal.com

Հետևեք NEWS.am STYLE-ին Facebook-ում, Twitter-ում և Instagram-ում