• Թեփի դեմ պայքարի նոր միջոց

  Թեփը ոչ միայն էսթետիկ բնույթի խնդիրներ է առաջացնում...

• Մազերի խնամքը՝ ցուրտ եղանակին

  Ձմռան ցուրտը բացասաբար է ազդում մեր վարսերի որակի վրա...

• Ի՞նչ անել մազաթափության դեպքում

  Փարթամ վարսեր ունենալը ցանկացած կնոջ երազանքն է…

• Ինչու՞ չի կարելի սանրել թաց մազերը

  Ցանկացած մազ իր կառուցվածքով տարբեր է եւ թաց վիճակում այն երեք անգամ ավելի ծանր է...

• Ինչպես խնամել մազերը ձիթապտղի յուղի օգնությամբ

  Ձիթապտղի յուղը մազերի, մաշկի եւ եղունգների խնամքի տարածված միջոցներից մեկն է...

• Ինչպես ճիշտ լվանալ մազերը՝ պահպանելով դրանց գեղեցկությունն ու փայլը

  Մեր վարսերի գեղեցկության պահպանումը մեծապես կախված է մազերը ճիշտ լվանալուց...

• Ինչպես է պետք ճիշտ սանրել մազերը

  Շամպուններն ու դիմակները այնքան հուսալի միջոցներ չեն...

• Ինչպես գանգուր մազեր ստանալ տնային պայմաններում

  Մի շարք մեթոդներ կան տնային պայմաններում գանգուր մազեր ստանալու համար...

Սուրճը հիանալի բնական ներկող միջոց է։ Եթե Դուք ունեք բաց երանգավորման մազեր, ապա սուրճից պատրաստված դիմակները Ձեզ համար չեն։ Շիկահերներին նույնպես խորհուրդ չի տրվում օգտագործել նման դիմակներ, քանի որ նրանց համար գոյություն ունի հինա եւ խնամքի շատ այլ միջոցներ։ Իսկ ահա թխահերների համար սուրճից պատրաստված դիմակները հենց այն է, ինչ իրենց պետք է, քանի որ սուրճը ոչ միայն խնամում է մազերն ու գլխամաշկը, այլեւ թարմացնում է մազերի գույնը։

Մեզանից շատերը պարզապես պաշտում են այս հիանալի համ եւ բույր ունեցող ըմպելիքը, սակայն այն կարելի է օգտագործել ոչ միայն իր բուն նպատակով՝ որպես ըմպելիք, այլեւ որպես մազերի համար նախատեսված կոսմետիկ միջոցների, դիմակների բաղադրության մի մաս։

Նման դիմակներ պատրաստելու համար պետք է օգտագործել առանց որեւէ հավելումներ ունեցող մանր աղացած սուրճ։ Եվ պետք է հաշվի առնել այն հանգամանքը, որ սուրճն ունի գունավորող հատկություններ, այդ պատճառով այս դիմակները պետք է օգտագործեն միայն թխահերները։

Սուրճից պատրաստված դիմակ՝ մազերն ամրացնելու համար

Այս դիմակը պատրաստելու համար ընդամենը անհրաժեշտ է երկու կամ երեք թեյի գդալ բնական աղացած սուրճ, կես լիտր եռացրած ջուր եւ մի փոքր ժամանակ՝ ստացված զանգվածը զովանալու համար։ Դիմակը պետք է քսել չոր մազերին՝ մեծ ուշադրություն դարձնելով արմատներին։ Դիմակը պետք է թողնել մոտ կես ժամ. այս ընթացքում ցանկալի, որ գլուխը ծածկված լինի։ 30 րոպե անց մազերը պետք է շամպունով լվանալ։

Սուրճից պատրաստված բուժիչ դիմակ

Նման դիմակը ոչ միայն ունի բուժիչ հատկություններ, այլեւ կարող է մազերին թարմություն եւ փայլ հաղորդել։ Այն պատրաստելու համար անհրաժեշտ է մեկ թեյի գդալ սուրճը լցնել մեկ ճաշի գդալ եռացող ջրի մեջ, ավելացնել երկու ձվի դեղնուց եւ զգուշորեն խառնել։ Դիմակը պետք է քսել մի փոքր խոնավ մազերին, իսկ 10 րոպե անց լվանալ այն տաք ջրով։

Աղբյուրը՝  maska-maska.ru

Հետևեք NEWS.am STYLE-ին Facebook-ում, Twitter-ում և Instagram-ում