• Ալեն Սիմոնյանի շնորհավորանքը կնոջը՝ Անելյա Գուբրյանին, 27-ամյակի առթիվ (ֆոտո)

  Անվտանգության խորհրդի քարտուղար Ալեն Սիմոնյանի կինը՝ մոդել Անելյա Գուբրյանն, այսօր՝ սեպտեմբերի 2-ին, նշում է ծննդյան 27-ամյակը…

• ArmenՅԱՆs. Ջեք Թոփալյան՝ «էյֆորիայի» հայ աստղը․ ինչպե՞ս բիզնեսը փոխարինեց դերասանի կարիերայով, «տանջեց» Ջեյքոբ Էլորդիին ու հայերեն խոսեց ամերիկյան հայտնի սերիալում

  Մենք՝ հայերս, աշխարհի որ երկրում էլ լինենք, միշտ հպարտություն ենք ապրում, երբ մեր հայրենակիցներից մեկին հանկարծ տեսնում ենք որևէ խոշոր միջազգային նախագծում...

• Անձրևի և կայծակի պատճառով հետաձգվել է Էրիկի մենահամերգը

  Համերգի մեկնարկից հետո երգիչը հասցրել է մի քանի երգ կատարել, սակայն ուժեղ անձրևի և կայծակի պատճառով միջոցառումը ստիպված են եղել դադարեցնել։ Էրիկ Կարապետյանն ավելի ուշ իր ինստագրամյան սթորիում հայտնել է, որ համերգը տեղափոխվում է սեպտեմբերի 3-ին՝ ժամը 20:30-ին...

• Մոհաննայի «Անպայման»-ը․ նոր երգ, նոր տրամադրություն ու սիրելի տղամարդուն ուղղված երաժշտական խոստովանություն

  Մոհաննան ներկայացրել է իր նոր՝ «Անպայման» երգը, որն արդեն հասանելի է նաև ամբողջական տեսահոլովակով։ Նոր աշխատանքով երգչուհին ոչ միայն շարունակում է իր երաժշտական ճանապարհը, այլև բացում է իր զգացմունքային աշխարհի մի նոր էջ՝ երգը նվիրելով իր սիրելի տղամարդուն...

• Անի Արզումանյանն ու Վազգեն Օհանյանը ամուսնացել են

  Այսօր՝ օգոստոսի 29-ին, տեղի է ունեցել բլոգեր և դերասանուհի Անի Արզումանյանի ու ստենդափեր Վազգեն Օհանյանի հարսանիքը...

• Հայ դերասան Սամվել Թադևոսյանը նկարահանվել է Dior Men-ի նոր արշավում

  Հայ դերասան Սամվել Թադևոսյանը նկարահանվել է Dior Men Tailoring Winter 2026 նոր գովազդային արշավում: Նա դարձել է ֆրանսիական նորաձևության տան՝ տղամարդու կոստյումին նվիրված նախագծի մոդելներից մեկը..

• «Դուք ձեր խնդիրները չեք լուծել ու բարդույթները փոխանցում եք Գասպարին». Գոհար Ավետիսյանին քննադատել են 6-ամյա որդու դիետայի համար

  Գոհար Ավետիսյանը քաշի պատճառով դարձյալ հայտնվել է քննարկումների կենտրոնում։ Այս անգամ խոսքը ոչ թե իր, այլ 6-ամյա որդու՝ Գասպարի մասին է։ Դիմահարդարը տեսանյութ է հրապարակել, որտեղ երևում է, թե ինչպես է փոքրիկը կշռվում, ու պատմել է նրա սննդակարգի մասին։ Կշեռքը ցույց է տվել 38.9 կգ, ինչից հետո Գոհարը հրապարակմանը կից գրել է. «Դիետա... երկրորդ օր... քաշի ավելացում ունենք»...

• Այլընտրանքային տարբերակներ ենք մտածել, որ Գոռ Հակոբյանը ներկա լինի․ Մենչը՝ «Ֆուլ Հաուս»-ի նոր ներկայացման մասին

  «Ֆուլ Հաուս»-ի երկրպագուները կրկին միավորվելու առիթ ունեն…

Օգոստոս ամսին հայ պորտապարուհի Սաֆինազին (Safinaz) կանչել էին հարցաքննության եգիպտական դատարան՝ պետական դրոշի գույներով զգեստ կրելու համար։ Հայտնի պարուհուն մեղադրում էին Եգիպտոսն անարգելու մեջ, քանի որ նա պորտապար է պարել այս երկրի պետական դրոշի գույներով կարված զգեստով։ Վրդովված քաղաքացիները հայց էին ներկայացրել, որտեղ նշված էր, որ Սաֆինազը ելույթ է ունեցել այդ հագուստով անցյալ շաբաթ Կարմիր ծովի ափին գտնվող Այն-Էլ-Սոխնա նավահանգիստում տեղի ունեցած երեկույթներից մեկի ժամանակ։

NEWS.am STYLE-ը կապ է հաստատել ու զրուցել Սաֆինազի հետ՝ այս միջադեպի մասին որոշ մանրամասներ պարզելու համար։ Սաֆինազը պատմել է Եգիպտոսում բնակվելու եւ այս միջադեպի մասին։

Սաֆինազ, ինչպե՞ս է Ձեր իրական անունը եւ ծագումով որտեղի՞ց եք։ 

Ես Ծովինար Գրիգորյանն եմ, ծնվել եմ Արմավիրի մարզում։ Երկրաշարժից հետո մեր ընտանիքը տեղափոխվեց Մոսկվա։ Ես ութ տարի ապրել եմ Ռուսաստանում, եղել եմ «Հայորդիք» անսամբլի անդամ, իսկ հետո ավարտել թատրոնի ինստիտուտի դերասանի վարպետության բաժինը։

Ինչպե՞ս սկսեցիք զբաղվել արաբական պարերով եւ ե՞րբ տեղափոխվեցիք Եգիպտոս։ 

Մինչ Եգիպտոս գնալը, ես նկարահանվել եմ աֆղանական երկու ֆիլմում, պարել հնդկական պարեր, իսկ 2002թ-ին տեղափոխվեցի Եգիպտոս՝ որպես զբոսաշրջիկ եւ միանգամից տարվեցի արաբական պարերով։ Ես գնեցի մի քանի հայտնի պարուհիների տեսասկավառակներ  ու սկսեցի պարապել։ Իմ ելույթներով շատ հետաքրքրվեցին Եմենում, Բահրեյնում եւ Արաբական Միացյալ Էմիրություններում։

Բայց այս ասպարեզում հաջողություններ ունենալու համար, պետք է գնաս Եգիպտոս։ Երեք ու կես տարի առաջ ես սկսեցի պարել Կահիրեում, նկարահանվեցի «Ashash» եւ «Արքայադուստր» ֆիլմերում, որոնք ինձ մեծ ճանաչում բերեցին։ Ես անգամ սկսեցի ելույթ ունենալ էլիտար միջոցառումների ժամանակ։

Իսկ ինչու՞ էին Ձեզ դատարան հրավիրում։

Ոչ մի հարվեր դատարանի կողմից ես չեմ ստացել։ Գիտեք, երբ ես այստեղ մեծ հաջողություններ ունեցա, շատ պարուհիներ սկսեցին նախանձել ինձ, ինչը իհարկե, վերածվեց ատելության։ Իմ ճանապարհը շատ դժվար ու փշոտ է եղել։ Երեք տարի առաջ մեր բնակարանը թալանեցին. ես տանը մենակ էի, երբ հանկարծ երեք մարդ ներխուժեցին մեր տուն եւ գումար ու ոսկեղեն պահանջեցին։ Վերցնելով ամեն ինչ՝ նրանք հեռացան։ Մենք դիմեցինք ոստիկանություն, բայց այդ ժամանակ Եգիպտոսում քաոսային իրավիճակ էր, եւ ոչ մեկ ոչինչ չկարողացավ անել։

Ես շատ երկրպագուներ ունեմ, իսկ նախանձողներն այդպիսի հոդվածներ են գրում իմ մասին՝ ինձ վարկաբեկելու համար։ Ես տեղի հեռուստաալիքներից մեկով արդեն մեկնաբանել ու հերքել եմ այս լուրերը։

Ես հասկանում եմ ինձ նախանձող պարուհիներին. ինչ-որ մի հայուհի գալիս եւ մրցույթներում զբաղեցնում է առաջին հորիզոնականները, գրավում բոլորի ուշադրությունը. իմ լուսանկարներով անգամ բարձեր էր արտադրվում, այն, ինչ ես հագնում եմ, այստեղ նորաձեւ է դառնում, անգամ եգիպտական պարբերականները, որ տեսնեք, սկզբում իմ մասին եմ «բամբասում», հետո նախագահների մասին գրում։

Ինչպե՞ս են հայերն ապրում Եգիպտոսում։

Եգիպտոսում բնակչության 30 տոկոսը քրիստոնյաներ են։ Այստեղ կա հայկական դպրոց եւ եկեղեցի (երկուսը՝ Ալեքսանդրիայում, երկուսը՝ Կահիրեում). հայ համայնքը բավականին մեծ է։ Ինձ հաճախ են տարբեր ծրագրերի հրավիրում, որտեղ ես քննարկում եմ հայ համայնքի խնդիրներն ու եղեռնի հարցը։ Ես երբեք չեմ մոռանում, որ հայ եմ եւ մշտապես նշում եմ այս փաստը։ Հուսամ, որ մի օր այնքան գումար կկարողանամ աշխատել, որ կօգնեմ հայ որբ երեխաներին։

Ապագայում ի՞նչ պլաններ ունեք։

Ես այժմ նկարահանվում եմ մի նոր ֆիլմում։ Հումորային ֆիլմ է, որտեղ ես գլխավոր հերոսուհին եմ, ով մշտապես պարում ու համերգներ է ունենում. իմ ողջ կյանքի մասին է։

Պատրաստեց՝ Պարույր Սինյավսկին

Հետևեք NEWS.am STYLE-ին Facebook-ում, Twitter-ում և Instagram-ում