Դիզայներ Աննա Շահբազյանը, ում NEWS.am STYLE-ն արդեն անդրադարձել է, օրերս կրկին զրույց է ունեցել մեզ հետ՝ պատասխանելով մեզ հուզող հարցերին։ Ինչպես տեղեկացրել ենք, Աննան գործունեությունը ծավալում է Մոսկվայում, սակայն մինչ այդ նա իր աշխատանքներով գեղեցկացրել է հայուհիներին։ NEWS.am STYLE-ի հետ զրույցում դիզայները խոսեց հայ եւ ռուս հաճախորդների տարբերության, նորաձեւության հանդեպ նրանց վերաբերմունքի, ինչպես նաեւ գալիք տարվա նորաձեւ գույների մասին։
Ովքե՞ր են այդտեղ՝ Մոսկվայում, Ձեր հաճախորդները։ Ավելի շատ հա՞յ, թե՞ ռուս աղջիկներ են Ձեզ դիմում։
Թե’ հայ, թե’ ռուս աղջիկներն էլ կրում են իմ զգեստները, բայց, իհարկե, գերակշռում են ռուսները։ Նրանք են իմ հիմնական հաճախորդները։
Ի՞նչ տարբերություններ եք նկատել հայ եւ ռուս հաճախորդների միջեւ։
Երեւի ամենցավոտ հարցերից մեկն է, որովհետեւ, երկար տարիներ աշխատելով հայ հաճախորդների հետ, ակնհայտ զգացի տարբերությունը։ Ռուս կանայք եւ աղջիկներն ավելի կիրթ են մոտենում հարցին եւ ավելի վստահ են, գիտեն, թե ինչ են ցանկանում։ Հետո շատ պահանջկոտ են, եւ պահանջելով, գիտեն, թե ինչ են պահանջում։ Իրենց ցանկությունները կիրթ են ձեւակերպում։ Երբեք իրենց կարծիքը չեն թելադրում։ Դա շատ կարեւոր է։ Երբ դիմում ես ինչ- որ մասնագետի, դու պետք է վստահես նրան։ Ես նկատել եմ, որ ռուսների համար դիզայները թանկ մարդ է, որովհետեւ իրենց համար դա յուրահատուկ երեւույթ է՝ դիմել դիզայների օգնությանը։ Եւ, ամենակարեւոր փաստը, երբեք իրենց կարծիքը չեն թելադրում։ Մի կոպիտ օրինակ կարող եմ բերել. Հայաստանում, երբ դիմում են դիզայների, իրենք անպայման պետք է սկզբից մինչեւ վերջ մասնակցեն զգեստի ստեղծմանը, իրենցը թելադրեն։ Ռուսների մոտ այդպես չէ։ Եվ ինչն է ինձ դուր գալիս ռուսների մեջ, որ իրենք միշտ կարողանում են իրենց էմոցիաները ցույց տալ, այսինքն՝ երբ չեն հավանել էսքիզները, ես դա զգացել եմ եւ զգացել եմ նաեւ, երբ շատ են հավանել։ Հայերի մոտ, ցավոք սրտի, կեղծավորությունը շատ է։ Մի տեսակ մեծամտության գիծ կա բոլորիս մեջ առ այն, որ մենք ամեն ինչ գիտենք։
Իսկ նորաձեւության ընկալման մասին ի՞նչ կասեք։ Ինչպիսի՞ն են ռուս աղջիկների մոտեցումները նորաձեւության միտումներին։
Ռուս աղջիկներն առանձնապես չեն տառապում նորաձեւությամբ։ Ես նկատել եմ, որ նրանք շատ հանգիստ մոտեցում ունեն հագուստին, եթե դա վերաբերում է առօրյա զգեստներին։ Շատ հարմարավետ են հագնվում, հազվադեպ եմ նկատում ավելորդություններ։ Նույնն էլ կասեմ հայերի մասին։ Վերջերս եղել եմ Հայաստանում, ինձ դուր է գալիս հայ աղջիկների հագուկապը, կարծում եմ՝ ձեւամոլությունը վերացել է։ Ավելի ոճային, թեթեւ են հագնվում։ Ինձ դա ուրախացնում է շատ։
Խոսեցինք աղջիկների մասին, իսկ ի՞նչ կասեք տղամարդկանց մասին։
Ռուս տղամարդիկ ավելի շատ նորաձեւ են հագնվում, քան ռուս կանայք, դա իմ անձնական կարծիքն է։ Հայ տղամարդկանց մասին չեմ կարող ստույգ գնահատական տալ, բայց այն, ինչ տեսնում եմ հիմա Մոսկվայում ռուս տղամարդկանց շրջանում, ինձ ուրախացնում է, եւ աչքին է հաճելի։ Շատ ճաշակով, հավաքված եւ գրագետ են հագնվում։
Եվ վերջում, կուզեի նշեիք գալիք տարվա նորաձեւ գույները, կամ ի՞նչ խորհուրդ կտայիք հագնել Ամանորի գիշերը։
Այս տարվա գույներն են կապույտի երանգները եւ բեժը, բայց դա շատ ինդիվիդուալ է, ամեն մեկին չի սազում այդ գույները։ Ամեն մարդ ունի իր ճաշակը, իր գույնը, եւ հենց գույնն է, որ շատ կարեւոր է հագուստի մեջ։ Այդ իսկ պատճառով կոնկրետացնել պետք չէ։ Կախված է տրամադրվածությունից, ընկալումներից, աշխարհայացքից եւ ցանկություններից։
Պատրաստեց՝ Շուշան Շատիկյանը
Հետևեք NEWS.am STYLE-ին Facebook-ում, Twitter-ում և Instagram-ում
12:08, 19 մայիսի
Սելենա Գոմեսը եւ Զոի Սալդանան Կաննում մասնակցել են «Էմիլիա Պերես» մյուզիքլի դիտմանը10:25, 19 մայիսի
Բենի Բլանկոն պատմել է Սելենա Գոմեսից երեխաներ ունենալու ծրագրերի մասին09:00, 19 մայիսի
ՄԱՅԻՍԻ 19-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ20:23, 18 մայիսի
Իվետա Մուկուչյանը գայթակղիչ կերպարով հանդես է եկել հայտարարությամբ (VIDEO)16:23, 18 մայիսի
«Խաչմերուկներ» միջազգային փառատոնը հատեց եզրագիծը15:56, 18 մայիսի
«Ոստիկանները որոշեցին, որ մենք մերկ ենք եւ հեռացրին այնտեղից». Սարիկ Անդրեասյանն ու նրա կինը Իտալիայում հայտնվել են անհարմար իրավիճակում14:11, 18 մայիսի
«Փարաջանովը եւ նորաձեւությունը». Երեւանում բացվել է անվանի կինոռեժիսորի ստեղծագործություններից ոգեշնչված ցուցահանդես12:33, 18 մայիսի
Կապուչինոյի փորձարկում՝ Երեւանում. փնտրում ենք համեղ սուրճ10:23, 18 մայիսի
Բեն Աֆլեքն ու Ջենիֆեր Լոպեսը վերամիավորվել են ամուսնալուծության մասին լուրերի ֆոնին09:00, 18 մայիսի
ՄԱՅԻՍԻ 18-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ22:21, 17 մայիսի
Նոր սիրավե՞պ․ Անջելինա Ջոլին Բեռլինում ընթրել է «Վարպետը եւ Մարգարիտան» ֆիլմի աստղի հետ21:31, 17 մայիսի
Բիանկա Սենսորիի ընտանիքը վախենում է, որ Քանյե Ուեսթը նրան «կներքաշի» պոռնոգրաֆիայի մեջ