• Ռալֆ Լորենը կենտրոնանում է սեքսուալության և շքեղության վրա. ինչպիսի՞ն կլինի կանանց զգեստապահարանը 2027 թվականի գարնանը

  Ռալֆ Լորենը բացեց իր մտերմիկ ցուցադրության դռները, որը երրորդ անգամ անցկացվեց Ստորին Մանհեթենի Ջեք Շեյնման պատկերասրահում․․․

• Ի՞նչ է թաքնված «Ճերմակ շապիկի» տակ․ Թելման Խաչատրյանի ու Մերի Քոչարյանի հերոսների պատմությունը՝ մեծ էկրանին․ ֆիլմի պրեմիերան, կարմիր գորգն ու հայտնի հյուրերը (ֆոտո)

  Ի՞նչ պատմություններ են թաքնված ճերմակ շապիկներ կրող մարդկանց ներաշխարհում, հոգում ու հիշողություններում՝ հե՞րքում, կարո՞տ, ցա՞վ…

• Maison Margiela-ն նորաձևությունը խորասուզում է հոգեբանական թրիլերում

  Maison Margiela-ն իր նոր գովազդային արշավը վերածում է իսկական նորաձևության թրիլերի․․․

• Երբ հանգամանքները բացահայտում են մարդկանց. «Գիշատիչների խնջույքը» ֆիլմի պրեմիերան՝ «ՀանդArt»-ում

  Ի՞նչ է մնում մարդուց, երբ ընտրությունը սահմանափակվում է սեփական փրկությամբ...

• Ներսես Ավետիսյանն ամուսնալուծվել է

  Դերասան, երգիչ և հաղորդավար Ներսես Ավետիսյանն ամուսնալուծվել է…

• «ֆուլ Հաուս» ֆիլմը կունենա 2-րդ մաս

  Նախորդ տարի մեծ էկրաններ բարձրացած «ֆուլ Հաուս. վայրէջք» ֆիլմով թիմը չի սահմանափակվի…

• Զվարճալի իրավիճակներ, քաղաքական հումոր ու «Մուշեղի մահը»․ «Ֆուլ Հաուսը» վերադարձավ ներկայացման տեսքով (VIDEO)

  «Ֆուլ Հաուս»-ում կրկին թեժ են ժամանակին մեկ տան մեջ հայտնված ու անբաժան դարձած հերոսների հարաբերությունները...

• Արթուր Խաչենցը հայր է դարձել․ ի՞նչ հետաքրքիր անուն է նա ընտրել դստեր համար

  Երգիչ Արթուր Խաչենցն ու նրա կինը՝ Անժելիկան, օրերս ողջունել են իրենց առաջնեկին...

Դիզայներ Աննա Շահբազյանը, ով դիզայներական գործունեությունը սկսել է դեռեւս 2005 թվականին Հայաստանում, այժմ գործունեություն է ծավալում Մոսկվայում: Հայտնի հայերից Աննան աշխատում է երգչուհի Արմինկայի հետ, սակայն, նրա խոսքով, Հայաստանում չկա նորաձեւություն, եւ փակ են բոլոր ճանապարհները: Ստորեւ ներկայացնում ենք NEWS.am STYLE-ի զրույցն Աննա Շահբազյանի հետ:

Որո՞նք են դիզայներ դառնալու ճանապարհին դժվարությունները Երեւանում եւ Մոսկվայում: Ինչպե՞ս է ընթացել Ձեր ուղին այստեղ եւ այնտեղ:

Ես գործունեությունս սկսել եմ 2005 թվականին եւ շատ արագ հասա իմ նպատակներին: 2006-ին եղավ իմ առաջին ցուցադրությունը: Դժվարություն գրեթե չեմ ունեցել, որովհետեւ բավական ինքնավստահ եմ եղել եւ հաստատ իմացել եմ, թե ինչ է ինձ պետք: Բացի այդ, կողքիս են եղել իմ ընտանիքի անդամները, հատկապես հայրս, ով իմ առաջին եւ ամենամեծ քննադատն է մինչեւ հիմա: Նույնիսկ այսպիսի հեռավորությամբ նա աչալուրջ հետեւում է իմ բոլոր քայլերին, պայմանավորվածություններին եւ, եթե հարկ լինի, նա նույնիսկ կղեկավարի իմ ապագա նորաձեւության տունն այստեղ՝ Մոսկվայում: Երեւանում իրար հաջորդեցին իմ ցուցադրությունները, միանգամից ձեռք բերեցի հաճախորդների մեծ բանակ:

Իմ ուղին Մոսկվայում սկսվեց 2009 թվականից` ռուս հայտնի դիզայների խորհրդով, նրա հետ մտերմության եւ նրա կողմից անմիջական ջերմության հիման վրա: Ես շատ հպարտ եմ իմ գործընկերներով, նրանց հետ ջերմ հարաբերություններով, մտքերի փոխանակումներով եւ անհամբեր սպասում եմ հերթական նորաձեւության շաբաթներին, որտեղ կրկին ու կրկին կհանդիպեմ նրանց:  

Ինչպե՞ս եք գնահատում հայաստանյան նորաձեւությունը: Ըստ Ձեզ, այս ոլորտում առաջընթաց կա՞:

Հայաստանում չկա նորաձեւություն, կան լավ մասնագետներ, բայց չկա դաշտ, չկան նորաձեւության շաբաթներ եւ, ցավոք, ես չկամ հայկական նորաձեւության դաշտում եւ ցանկություն էլ չունեմ լինելու: Ես արդեն մի քանի տարի է` համարվում եմ ռուսական դաշտում գործող դիզայներ, ով շատ շուտով հանդես կգամ թե՛ հագուստի զանգվածային, թե՛ անհատական ցուցադրությամբ:

Հայաստանի ամենամեծ խնդիրն այն է, որ չկա դաշտ եւ չկա լուրջ վերաբերմունք այս արվեստին, բացարձակ: Նույնիսկ ես մի բան նկատեցի. դիզայներների շրջանում իրար հանդեպ հակակրանքը: Չնայած կարող են դեմքիդ ժպտալ, հրավիրել ինչ-որ միջոցառումների, սակայն այստեղ (Մոսկվայում-խմբ.) չկան նման երեւույթներ եւ այդ գալիս է Վյաչեսլավ Միխայլովիչ Զայցեւից: Նա մեծություն է եւ համարվում է բոլոր դիզայներների ուսուցիչը: Ես շատ հպարտ եմ, որ բոլորովին վերջերս ես էլ ընդգրկվեցի նրանց շարքերում:

Ամենամեծ «ստոպը», որի պատճառով շուկան չի զարգանում, հաճախորդներն են: Հայ ազգը սովոր է միշտ փնովել, վատաբանել, դրա համար չկա զարգացած շուկա:

Ո՞րն եք համարում ձեր ամենամեծ ձեռքբերումն այս ասպարեզում:

Ամենամեծ ձեռքբերումը հաճախորդի վստահությունն է, որ ունեցել եմ միշտ. թե’ հայ, թե’ ռուս:

Բացի Արմինկայից, այլ հայտնի անձանց հետ աշխատո՞ւմ եք:

Ցավոք, Արմինկայից բացի ուրիշ ոչ ոք իմ ուզած չափանիշներին չհամապատասխանեց: Շատերն են ցանկացել հագնվել ինձ մոտ, սակայն չստացվեց:

Ի՞նչ ծրագրեր ունեք ապագայի հետ կապված:

Ծրագրերը շատ-շատ են: Ծրագրերում կա նոր հավաքածու ավարտին հասցնել եւ ցուցադրել:

Հետևեք NEWS.am STYLE-ին Facebook-ում, Twitter-ում և Instagram-ում