Թեմա կա. ո՞ւմ մասին է Աստղիկ Սաֆարյանը մտածում գիշերվա 2-ին և ո՞ւմ է տեսնում որպես «Երկու աստղի» հաջորդ զույգ

Օսկար Ուայլդի «Սալոմեն»՝ Երևանի դրամատիկական թատրոնի նոր հարթակում

Կանանց զուգարանից՝ հասարակության հայելի. «Toilet կանանց համար»

Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

«Հայ կինը սրբություն է» ասելուց մինչև հղի կնոջը ծաղրի թիրախ դարձնելը․ ի՞նչ ուղղությամբ է գնում հայկական համացանցը

10:30, 16 օգոստոսի

Համացանցում մարդուն արտաքինի համար թիրախավորելը, ցավոք, վաղուց նորմ է դարձել՝ չնայած բազում քննադատություններին ու հրապարակումներին այն մասին, որ մարդու արտաքինը բացասաբար քննարկելը, մեղմ ասած, լավ բան չի խոսում ձեր աշխարհընկալման մակարդակի մասին․ չէ՞ որ մեզանից ոչ ոք չի ընտրում՝ ինչպիսին ծնվել, և, ի վերջո, մենք դիմացինին տեսնում ենք մեր ներքին պատկերացումներից ելնելով։ Սա տխուր փաստ է, որի մասին հաճախ ենք բարձրաձայնում և կբարձրաձայնենք այնքան ժամանակ, քանի դեռ աշխարհում կան տգետ մարդիկ, որոնք, չտեսնելով սեփական թերությունները, դրանք փնտրում են մյուսների մեջ ու ծաղրում այնպես, ասես իրենք աշխարհում ամենակատարյալ մարդիկ են։

Բայց այդ երբվանի՞ց դարձավ սովորական հղի կնոջը թիրախավորելը։ Թիրախավորել կնոջը, որն իր մեջ կրում է մեկ այլ կյանք։ Կնոջը, որի մարմինը, բնականաբար, վերաձևավորվում է, որովհետև հղիությունը պարզապես «փորիկի մեծանալ» չէ, այլ կնոջ ամբողջ օրգանիզմի ֆիզիոլոգիական ու հուզական հսկայական փոփոխությունների շրջան։

Հղիության ընթացքում կնոջ մարմինը կատարում է բառացիորեն անհավանական աշխատանք։ Աճում է արգանդը, փոխվում է մարմնի քաշը, կրծքագեղձերը պատրաստվում են կերակրմանը, մեծանում է արյան շրջանառության ծավալը, փոխվում է հորմոնալ համակարգի աշխատանքը, կարող են առաջանալ այտուցներ, մաշկի փոփոխություններ, ձգվածքներ, պիգմենտացիա։ Փոխվում է նաև մարմնի ծանրության կենտրոնը, և դրա հետևանքով կարող են ի հայտ գալ մեջքի ու գոտկատեղի ցավեր, շարժումների սահմանափակումներ, արագ հոգնածություն, քնի դժվարություններ։

Եվ այս ամենի մեջ կանանցից դեռ պահանջվում է նույնը մնալ՝ նույն չափսերը, նույն դեմքը, նույն կազմվածքը, նույն էներգիան, նույն տրամադրությունը։ Իսկ եթե մարմինը փոխվում է՝ ինչ-որ մեկը իրեն իրավունք է վերապահում ծաղրել։

Հղի կնոջ մարմինը «անփույթ լինելու» ապացույց չէ։ Այն «գիրանալու» թեմա չէ։ Այն հանրային քննարկման առարկա չէ։ Դա մարմին է, որն այդ պահին կատարում է իր կյանքի ամենածանր ու ամենապատասխանատու ֆիզիոլոգիական աշխատանքներից մեկը։

Ու այստեղ կա ևս մեկ կարևոր կողմ, որի մասին հատկապես պետք է խոսել։

Հղիությունը միայն ֆիզիկական փոփոխությունների շրջան չէ։ Հորմոնալ և ֆիզիոլոգիական փոփոխությունները կարող են ազդել նաև կնոջ հուզական վիճակի վրա։ Տրամադրության փոփոխությունները, ավելի մեծ զգայունությունը, անհանգստությունը, հոգնածությունը, քնի խանգարումները, սեփական մարմնի նկատմամբ վերաբերմունքի փոփոխությունը կարող են այս շրջանում ավելի սուր զգացվել։ Իսկ երբ այդ ամենին ավելանում է շրջապատի անզգույշ կամ դաժան վերաբերմունքը, մեկ «անմեղ կատակն» այլևս պարզապես կատակ չի մնում։

Եվ սա, հատկապես, դաժան է, երբ այդ խոսքերը գալիս են տղամարդկանցից։

Ինչո՞ւ ենք այսօր անդրադառնում այս թեմային․․․ Վերջերս, համացանցում տարածվեց մի տեսանյութ, որում հայ տղամարդը ծաղրում է ֆոտոշարքի մասնակից զույգին, ովքեր սպասում են իրենց կյանքի ամենաերջանիկ օրվան՝ երեխայի ծնունդին։ Այդ տեսանյութը չենք տեղադրի՝ ավելորդ անգամ չտարածելով այդ խայտառակությունը, որը տղամարդու կողմից ձայնագրվել էր՝ որպես հումորային կոնտենտ։ Այո, պատկերացրեք՝ հայ տղամարդը, որը դարեր շարունակ սրբացրել է հայ կնոջը, հայ մորը, հայ աղջկան, այսօր հեշտությամբ կարող է միացնել տեսախցիկը ու ծաղրել նրան արտաքինի կամ հղիության ընթացքում ձեռք բերված փոփոխության համար։ Այն, որ տղամարդը կարող է բացասական երանգով խոսել կնոջ արտաքինի մասին, արդեն նորմալ չէ, իսկ հղի կնոջը թիրախավորելը, առավել ևս անբարոյական է ու անընդունելի։ Տղամարդի'կ, նման կոնտենտ ստեղծելուց առաջ հիշեք, որ դուք էլ եք ծնվել կնոջից, ձեր կինն է լույս աշխարհ բերում ձեր երեխաներին, ձեր դուստրերն էլ վաղը մայր են դառնալու․․․

Իսկ, թե որքան հաճախ են թիրախավորվում հայտնի կանայք, ովքեր հղիության շրջանում տեսանյութեր ու լուսանկարներ են տարածում, առանձնակի ուշադրության է արժանի։ Բոլորովին վերջերս, մինչ իրենց երեխաներին ծնունդ տալը, այդպիսի քննարկումների բախվեցին նաև Լուսինե Թովմասյանն ու Լիլի Մորտոն, որոնց մեղադրում էին համացանցում կլորացած որովայնը ցուցադրելու համար։ Իսկ գիտե՞ք ինչու են կանայք լուսանկարներում շեշտադրում իրենց որովայնը․ որովհետև այնտեղ կյանք կա, որը նրանք հպարտությամբ են կրում՝ երբեմն դժվարությունների, ծանրության, անհարմարությունների միջով, բայց անսահման հպարտությամբ ու մեծ սպասումով․․․

Ու երբ հաջորդ անգամ որոշեք հղի կնոջ արտաքինի մասին «կատակ» անել, նախ մտածեք՝ գուցե հենց այդ պահին նրա մարմինը աշխարհում ամենադժվար աշխատանքն է կատարում։

Այդ մարմինը ծաղրելու փոխարեն՝ սովորեք հարգել այն։


Հետևեք NEWS.am STYLE-ին Facebook-ում, Twitter-ում և Instagram-ում




Print  

  • Related News

TV SHOWS PHOTO VIDEO


@NEWSam_STYLE

  • Archive
Search