Թատերագետ Լեւոն Մութաֆյանը վաղուց գիտեր, որ ամերիկահայ հայտնի Քարդաշյան ընտանիքը Գյումրիում ազգականներ ունի։ NEWS.am STYLE-ի հետ զրույցում նա ասաց, որ Քարտաշյանների երկու ընտանիք է ճանաչում՝ մեկը Արթիկում, մյուսը՝ Գյումրիում, ովքեր կարող են հայտնի Քարդաշյանների հեռավոր բարեկամները լինել։
«Ինչպես Մութաֆյանները, այնպես էլ՝ Քարտաշյանները, սերում են մի ընտանիքից։ Գյումրիում ես ճանաչում եմ Քարտաշյանների, ովքեր բարեկամ են հայտնի Քարդաշյաններին։ Քարդաշյանի պապը եւ այդ ընտանիքի պապը հորեղբոր որդիներ են եղել։ Շատ լավ, հարգված ընտանիք են՝ ճանաչված ե’ւ Գյումրիում, ե'ւ Երեւանում։ Այժմ նրանցից միայն մեկն է ողջ մնացել՝ Մարտին Քարտաշյանը, եւ նրանց զավակները։ Զավակները՝ չգիտեմ՝ տեղյակ են, թե ոչ, բայց Մարտինը պետք է որ իմանա հայտնի Քարդաշյանների հետ ազգակցական կապի մասին»,-նշեց թատերագետը։
Պատասխանելով մեր հարցին, թե ինչ կարծիք ունի նա Քարդաշյան ընտանիքի՝ Երեւան եւ Գյումրի այցերի մասին, Լեւոն Մութաֆյանն ասաց.
«Ես շատ լոյալ եմ վերաբերում Քարդաշյանի անձին եւ չունեմ այն հարձակողական կեցվածքը նրա գործունության եւ անձի նկատմամբ։ Ես հարգում եմ այդ կնոջը, նա իր ոլորտում իր կարողությունների չափով սեփական փիառն է անում, կերպարը ձեւավորում։ Եթե նա այցելի Գյումրի, ես շատ ուրախ կլինեմ։ Նախ՝ Գյումրին բոլորի կողմից անտեսված քաղաք է, իսկ Քարդաշյանի անձը որոշակի հետաքրքրություն կձեւավորի Գյումրու նկատմամբ, երկրորդը՝ նորից առիթ կտա, որ խոսվի Ավետիսյանների սպանդի նկատմամբ ձեւավորված անտաբերության մասին, միգուցե նրա այցը նաեւ միջոց դառնա, որ այդ քաղաքում ինչ-որ մի բան տեղից շարժվի։ Այսինքն՝ նա, տեսնելով քաղաքի ծանր վիճակը, գուցե իր կարողություններով, իր անվան միջոցով կարողանա այդ քաղաք մի տնտեսական գաղափար, ծրագիր բերել։ Ընդհանրապես, ցանկացած հայի, ով այս օրերին այցելում է Հայաստան եւ աշխարհում ունի որոշակի իմիջ, ես շատ բարձր եմ գնահատում, քանի որ ամեն այցի հետ լարվում է հանրային հետաքրքրությունը, վերաբերմունքը, նորից բարձրաձայնվում է Ցեղասպանության հարցը, ընդգծվում է պահանջատիրությունը, ուզում է՝ Քարդաշյանն այցելի, ուզում է՝ Շառլ Ազնավուրը։ Դա նպաստում է Ցեղասպանության հանրհռչակմանը եւ միջազգային կարծիքի ամրակայմանը»։
Նշենք, որ Քարդաշյանները պատրաստվում են այցելել Հայաստան այս շաբաթ։ Նրանք արդեն երեւանյան բարձրակարգ հյուրանոցում համարներ են ամրագրել։ Քարդաշյանների՝ Հայաստան այցի շրջանակներում, նախատեսվում է այց կատարել նաեւ Գյումրի, որտեղ, ըստ ՀՀ ազգային արխիվի տնօրեն Ամատունի Վիրաբյանի, Քարդաշյանները հեռավոր բարեկամներ ունեն։
Զրուցեց՝ Շ.Շուշան
Հետևեք NEWS.am STYLE-ին Facebook-ում, Twitter-ում և Instagram-ում
18:47, 27 ապրիլի
Wine story: JancisRobinson.com-ի գլխավոր խմբագիրը՝ Հայաստանում գինու արկածի մասին (exclusive)16:23, 27 ապրիլի
Օպտիկական պատրանքը կարող է ցույց տալ՝ որքան «փակ մարդ եք» դուք15:38, 27 ապրիլի
Ռասել Քրոուն կնկարահանվի «Էկզորցիզմ» սարսափ ֆիլմի գլխավոր դերում14:12, 27 ապրիլի
Քանյե Ուեսթի՝ պոռնո հարթակ բացելու հայտարարությունից հետո Բիանկա Սենսորիի երկրպագուները խնդրում են նրան բաժանվել ռեփերից12:10, 27 ապրիլի
Քիմ Քարդաշյանը տխրել է Թեյլոր Սվիֆթի նոր դիս-թրեքի պատճառով, բայց չի ցանկանում «կրակի վրա յուղ լցնել»11:31, 27 ապրիլի
Վահագ Ռաշը հետեւորդներին է ներկայացրել «Լուսամփոփի պես աղջիկ» երգի նոր տարբերակը10:37, 27 ապրիլի
Սելենա Գոմեսին տխրեցնում են իր սերնդակիցների գեղեցկության չափանիշները09:00, 27 ապրիլի
ԱՊՐԻԼԻ 27-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:22, 26 ապրիլի
Ամենաթանկարժեք զգեստները, որոնք աճուրդի են հանվել ռեկորդային գումարներով22:34, 26 ապրիլի
Դավաճանություն՝ քնած ժամանակ. ի՞նչ են նշանակում անհավատարմության մասին երազները21:16, 26 ապրիլի
Burj Al Arab-ը եւ Atlantis, The Palm-ը համարվել են աշխարհի «ամենաինստագրամյան» հյուրանոցները20:15, 26 ապրիլի
Տիտանիկի ամենահարուստ ուղեւորի մարմնից հայտնաբերված գրպանի ոսկե ժամացույցն աճուրդի է հանվել