Ինչպես NEWS.am STYLE-ն արդեն տեղեկացրել է, Հայաստան այցի շրջանակներում ապրիլի 12-ին Քիմ եւ Քլոե Քարդաշյաններն այցելել են Megerian Carpet գործարան, որտեղ նրանց համար ընդունելություն էր կազմակերպվել: Քույրերի համար տարազներ են ցուցադրել, մատուցվել է մեր ազգային կերակրատեսակներից: Նրանց նաեւ տարազ են նվիրել, որը պատրաստվել է Տերյան մշակութային կենտրոնի կողմից: Քիմի եւ Քլոեի հետ են եղել նաեւ նրանց երկու զարմուհիները` Կառա եւ Քորթնի Քարդաշյանները:
Megerian Carpet-ից դուրս գալիս NEWS.am STYLE-ի ֆոտոխցիկը ֆիքսել է աշխարհահռչակ հայուհիներին տարազով, իսկ այսօր այցելել Տերյան մշակութային կենտրոն` դրանց վերաբերյալ մանրամասներ պարզելու համար: Մեզ հետ զրույցում կենտրոնի տնօրեն Լիլիթ Մելիքյանն ասաց, որ իրենց Քարդաշյանների համար տարազ կարելու առաջարկ է արվել Megerian Carpet-ի կողմից` մի քանի ամիս առաջ:
«Մենք վաղուց ենք համագործակցում Megerian Carpet-ի հետ, որտեղ գորգերի մեծ թանգարան կա: Գործարանի կառուցվածքն այնպիսին է, որ այնտեղ այցելելով` կարող ես ծանոթանալ, թե ինչպես են պատրաստվում գորգերը: Քարդաշյանի այցը պայմանավորված էր նրանով, որ նա ցանկանում էր տեսնել գործարանի թանգարանը, եւ մեզ ասացին, որ նա կցանկանա նաեւ ազգային հագուստ կրել: Այդպես սկսեցինք նրանց համար տարազներ կարել: Մեզ ուղարկեցին չափսերը, բայց ես մի փոքր անհանգստություն ունեի այն իմաստով, որ նա բավականին հետաքրքիր եւ բարդ կառուցվածք ունի, ուստի առանց նրա ներկայության տարազ կարելը մի փոքր դժվար էր, թեեւ մեր ազգային հագուստը կառուցվածքի առումով ոչ մի պարտադրանք չի դնում»,-նշեց Լիլիթը` հավելելով, որ առաջին հերթին փորձել են պարզել, թե արմատներով որտեղից է Քիմ Քարդաշյանը:
Քիմ Քարդաշյանի համար կարված տարազի նախշերը
«Սկզբում տեղեկություններ կային, որ նա Կարինից է, ապա պարզվեց, որ Կարսից: Քանի որ մենք արդեն Կարինի շրջանի տարազներ ունեինք կարած, իսկ Կարսի` ոչ, մեզ համար էլ էր անչափ հետաքրքիր ուսումնասիրել այդ ամենը: Քիմի համար կարեցինք մուգ բալենու գույնի թավշից բաճկոն եւ զգեստ: Բաճկոնը ոսկեթել ասեղնագործած էր: Տարազի հետ կար նաեւ գլխազարդ, իսկ Քլոեի զգեստը մի փոքր այլ գույնի էր: Եվ երբ Քիմը հագավ բաճկոնը, այնքան համահունչ էր իր սպիտակ հագուստի հետ, կարծես պայմանավորված լինեինք, այնինչ նա չէր էլ տեսել, թե ինչ տարազ ենք կարել իր համար»,-ասաց կենտրոնի տնօրենը:
Քիմ Քարդաշյանի համար կարված տարազի բաճկոնը
«Ես չէի պատկերացնի, որ նրանց այդքան դուր կգան տարազները: Ամբողջ երեկոյի ընթացքում` մոտ մեկ ժամ, եղել են տարազներով եւ այդպես էլ դուրս են եկել գործարանից: Բացի այդ, Megerian Carpet-ում ցուցադրված են եղել նաեւ «Նարեկածին» արծաթյա զարդերը: Դրանցից կրում էր նաեւ Տերյան մշակութային կենտրոնի տարազով աղջիկներից մեկը, ով մասնակցում էր ցուցադրությանը: Պատկերացրեք, որ Քիմին այնքան էր դուր եկել զարդը, որ նա կանչեց այդ աղջկան եւ խնդրեց իրեն տալ զարդը»:
Ի դեպ, կենտրոնը ազգային տարրերով տիկնիկ է նվիրել Քիմի դստերը` Նորթին:
Քլոե Քարդաշյանի համար կարված տարազի բաճկոնը
Մոտավորապես այսպիսի գլխազարդ է պատրաստվել Քարդաշյան քույրերի համար
Շուշան Շատիկյան
Հետևեք NEWS.am STYLE-ին Facebook-ում, Twitter-ում և Instagram-ում
22:08, 3 մայիսի
Հոլլի Բերին տարված է իր դաշտանադադարով և հրապարակայնորեն խոսում է այդ մասին21:14, 3 մայիսի
NEWS.am STYLE-ի նոր սյունակ. Ծաղիկներ տանը և ոչ միայն. Ինչպես չսպանել խոլորձը և ծաղկեցնել20:26, 3 մայիսի
Wine Story. Սովինյոն Բլանի միջազգային օր՝ ձեր սիրելի սպիտակ գինու տոն19:43, 3 մայիսի
Կոպենհագենում Միշլեն աստղով ռեստորանները ամենաթանկն են աշխարհում16:34, 3 մայիսի
Macallan-ը և Cirque Du Soleil-ը միավորվում են՝ վիսկիի համտեսի և մահաբեր հնարքների համար15:25, 3 մայիսի
Ֆարել Ուիլյամսը միանում է Tiffany & Co-ին Titan ոսկերչական հավաքածու ստեղծելու համար14:23, 3 մայիսի
Քրիստեն Ստյուարտը եւ Օսկար Այզեքը կնկարահանվեն 80-ականների վամպիրների մասին հեդոնիստական թրիլլերում13:55, 3 մայիսի
Դերասանուհի Անյա Թեյլոր-Ջոյը պրեմիերային ներկայացել էր այնպիսի զգեստով, որով անհնար էր նստել13:17, 3 մայիսի
Էմիլի Ռատակովսկին եւ Իրինա Շեյքը փայլել են The King's Trust 2024 Global Gala-ին12:23, 3 մայիսի
Սոֆյա Վերգարան մտադիր է ամեն կերպ պայքարել տարիքի հետ11:15, 3 մայիսի
Բրիթնի Սփիրսի շոկային լուսանկարները մտահոգություն են առաջացրել նրա հոգեկան առողջության վերաբերյալ10:52, 3 մայիսի
«Լադանիվա»-ից Ժակլինի եւ Հունաստանի ներկայացուցչի աշխույժ պարը՝ «Եվրատեսլ 2024»-ի ետնաբեմում (վիդեո)