• «Մամայի Բալա»-ն վերադառնում է․ նոր եթերաշրջանում՝ նոր խառնաշփոթ, սեր ու անսպասելի փորձություններ

  Սվետայի տունը կրկին պատրաստվում է վերածվել ամենաանկանխատեսելի ու զվարճալի վայրերից մեկի...

• «Մի գդալ սեր»՝ ֆիլմ, որի յուրաքանչյուր դետալում սեր կա․ պրեմիերա, կարմիր գորգ, խոստովանություններ

  Գրեթե մեկ տարի անց «Մի գդալ սեր» ֆիլմը պատրաստ է հանդիպելու հանդիսատեսին․․․

• «Գերին և Գրեյսը»․ հույսի և մենության մասին տրագիկոմեդիան հայ հանդիսատեսին կներկայացնեն Հովհաննես Բաբախանյանն ու Նարինե Չիլինգարյանը

  ԱՄՆ-ում բնակվող ՀՀ վաստակավոր արտիստ Հովհաննես Բաբախանյանը սեպտեմբերին հյուրախաղերով հանդես կգա հայրենիքում...

• Բլոգեր Նուշիկ Օհանյանի ամուսինը, մեկ տարի կոմայի մեջ գտնվելուց հետո, մահացել է

  Բլոգեր Նուշիկ Օհանյանի ամուսինը, մեկ տարի կոմայի մեջ գտնվելուց հետո, մահացել է…

• Ալեն Սիմոնյանի շնորհավորանքը կնոջը՝ Անելյա Գուբրյանին, 26-ամյակի առթիվ (ֆոտո)

  Անվտանգության խորհրդի քարտուղար Ալեն Սիմոնյանի կինը՝ մոդել Անելյա Գուբրյանն, այսօր՝ սեպտեմբերի 2-ին, նշում է ծննդյան 26-ամյակը…

• ArmenՅԱՆs. Ջեք Թոփալյան՝ «էյֆորիայի» հայ աստղը․ ինչպե՞ս բիզնեսը փոխարինեց դերասանի կարիերայով, «տանջեց» Ջեյքոբ Էլորդիին ու հայերեն խոսեց ամերիկյան հայտնի սերիալում

  Մենք՝ հայերս, աշխարհի որ երկրում էլ լինենք, միշտ հպարտություն ենք ապրում, երբ մեր հայրենակիցներից մեկին հանկարծ տեսնում ենք որևէ խոշոր միջազգային նախագծում...

• Անձրևի և կայծակի պատճառով հետաձգվել է Էրիկի մենահամերգը

  Համերգի մեկնարկից հետո երգիչը հասցրել է մի քանի երգ կատարել, սակայն ուժեղ անձրևի և կայծակի պատճառով միջոցառումը ստիպված են եղել դադարեցնել։ Էրիկ Կարապետյանն ավելի ուշ իր ինստագրամյան սթորիում հայտնել է, որ համերգը տեղափոխվում է սեպտեմբերի 3-ին՝ ժամը 20:30-ին...

• Մոհաննայի «Անպայման»-ը․ նոր երգ, նոր տրամադրություն ու սիրելի տղամարդուն ուղղված երաժշտական խոստովանություն

  Մոհաննան ներկայացրել է իր նոր՝ «Անպայման» երգը, որն արդեն հասանելի է նաև ամբողջական տեսահոլովակով։ Նոր աշխատանքով երգչուհին ոչ միայն շարունակում է իր երաժշտական ճանապարհը, այլև բացում է իր զգացմունքային աշխարհի մի նոր էջ՝ երգը նվիրելով իր սիրելի տղամարդուն...

Աշխարհի տարբեր երկրներում համերգներով հանդես եկած հայազգի կիթառահար Վահագնին, խառնելով ֆլամենկոյի, ջազի և երաժշտության այլ ճյուղերի էլեմենտները, ստեղծել է իր յուրահատուկ ոճը: Նրան անդրադարձել է նույնիսկ Pasadena Weekly շաբաթաթերթը, իսկ հայտնի կոմպոզիտոր Քրիստոֆեր Յանգը նրան հրավիրել է համագործակցության, ինչի արդյունքում Վահագնին և Քրիստոֆերը ստեղծել են Ռոբերտ Դե Նիրոյի և Ջոն Տրավոլտայի մասնակցությամբ` «Մարդասպանների սեզոն» ֆիլմի սաունդթրեքը:

Շարունակելով արտերկրում ճանաչված մեր հայրենակիցների հետ հարցազրույցների շարքը` NEWS.am STYLE-ը ներկայացնում է հարցազրույց Վահագնիի հետ:

-Վահագնի, պատմեք Ձեր մասին: Ինչո՞ւ տեղափոխվեցիք Իսպանիա:

-Ես վաղ տարիքից եմ սկսել կիթառ նվագել: Որոշ ժամանակ Լոս Անջելեսում ապրելուց հետո հասկացա, որ այնտեղ արդեն ամեն ինչ սովորել եմ, և ժամանակն է տեղափոխվել Իսպանիա, որպեսզի շարունակեմ ուսումս այնտեղ, որտեղ սկզբնավորվել է կիթառի մշակույթը:

-Կիթառ նվագել Ձեզ սովորեցրել է Ձեր հայրը: Միգուցե, հենց կիթառի հանդեպ նրա սե՞րն է Ձեզ փոխանցվել:

-Այո, իհարկե: Ես հորս շնորհիվ եմ միշտ շրջապատված եղել այդ երաժշտությամբ: Այն իմ կյանքի մասն է կազմել դեռ մանկությունից: Հայրս եղել ու մինչեւ օրս մնում է իմ լավագույն ուսուցիչը:

-9 տարեկանից նվագում եք կիթառ. Իսկ ե՞րբ եք գրել Ձեր առաջին ստեղծագործությունը:

-Պատանեկան տարիքից եմ ստեղծագործում: Սկսեցի ֆլամենկոյից: Ֆլամենկո սովորողները սկզբից սովորում են ֆալսետաներ, որոնք համարժեք են սոլոներին: Երբ մի բան սովորում էի, անմիջապես փորձում էի տարբերվող գործիքավորում կիրառել: Ցանկանում էի յուրահատուկ բան ստեղծել…Այդպես էլ սկսեցի ստեղծագործել:

-Անդրադառնալով Ձեր ոճին` Pasadena Weekly-ին գրել է. «Նա ունի իր ուրույն ոճը»… Ո՞րն է, ըստ Ձեզ, Ձեր ոճի յուրահատկությունը:

-Չեմ կարծում, թե կարելի է բացատրել «յուրահատուկ» բառի իմաստը: Դա մի բան է, որով մարդիկ տարբերվում են միմյանցից: Երաժշտության մեջ էլ է նույնը: Որքան հավատարիմ ես լինում ինքդ քեզ, այդքան յուրահատուկ ես դառնում: Մի առիթով Մայլս Դևիսն ասել է. «Ինձ համար երաժշտությունն ու կյանքը ոճ են»:

-Ձեզ, նույնիսկ, նկատել է հայտնի երգահան Քրիստոֆեր Յանգը: Կպատմե՞ք` ինչպես դա եղավ: 

-Ես նրա հետ 12-ժամյա բանակցություն եմ ունեցել` կապված ֆիլմի սաունդթրեքի հետ; Խոսքը «Մարդասպանների սեզոն» ֆիլմի մասին է, որի գլխավոր դերերում հանդես են եկել Ռոբերտ Դե Նիրոն և Ջոն Տրավոլտան: Դա մեծ նախագիծ էր, որի շուրջ շատ մեծ և լուրջ աշխատանքներ էին տարվում: Չնայած շատ էինք հոգնում, բայց դա մեծ փորձ էր ինձ համար:

-Իսկ ի՞նչ կասեք Տիգրան Համասյանի հետ Ձեր համագործակցության մասին:

-Տիգրանն իմ լավագույն ընկերներից է: Միշտ հաճույքով եմ համագործակցում նրա հետ: Նա շատ պրոֆեսիոնալ է և միշտ ժամանակին ավարտին է հասցնում աշխատանքը: Բացի այդ` հաճելի է աշխատել այն մարդկանց հետ, ում անձամբ ճանաչում ես: Հրաշալի մթնոլորտ է ստեղծվում:

-Խոսենք Ձեր Pomegranates ստեղծագործության մասին, որում հնչում է նաև հայկական դուդուկ; Ինչպե՞ս է Եվրոպայում ընդունվում կիթառի և հայկական դուդուկի համաձուլումը:

-Արդեն երկորդ անգամ եմ օգտագործում այդ համաձուլումը: Ինձ դուր է գալիս, թե ինչպես է դուդուկը հնչում կիթառի հետ: Դա նման է կատարյալ «ամուսնության»: Կարծում եմ` հանդիսատեսին դուր է գալիս այդ ոճը, քանի որ դուդուկի հնչյունները գրավում են բոլորին:

-Վահագնի, եթե չեմ սխալվում առաջիկայում ունեք շրջագայություններ: Խոսեք այդ մասին:

-Մեկնում եմ Տոկիո` շրջագայությունների: Չնայած մեկ շաբաթ է տևելու, բայց գրաֆիկը բավական խիտ է: Օրվա ընթացքում ունենալու եմ 2 շոու, չհաշված մամուլի ասուլիսներն ու հարցազրույցները: Այդ շոուներին կմասնակցեն նաև ճապոնացի արտիստներ:

-Իսկ հայ հանդիսատեսը հնարավորություն կունենա՞ այստեղ ներկա լինելու Ձեր համերգին:

-Հուսով եմ` այո…Կցանկանայի Հայաստանում ներկայանալ իմ ստեղծագործություններով: Պայմանավորվածություններ արդեն կան, հուսով եմ` այդ համերգը կիրականացնեմ մոտ ապագայում:

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում