• Դերասան Սամվել Թադևոսյանը կպարգևատրվի «Ոսկե գլոբուս»-ի կողմից

  «Ոսկե գլոբուս»-ը (Golden Globes) կմեծարի հայ դերասան Սամվել Թադևոսյանին «Ոսկե գլոբուս. Մետաքսի ճանապարհ» (Golden Globes Silk Road) խորագրով անդրանիկ հանդիսավոր երեկոյի ընթացքում, որը տեղի կունենա 2026 թվականի հոկտեմբերի 23-24-ին Ուզբեկստանում, գրում է Armenian Film Society-ն…

• 27 օր Հունաստանում, ուշացած վիզա ու նոր հումորային կերպար․ Իրինա Հարությունյանը՝ «Բարի Գալուստի» մասին

  Հոկտեմբերի 20-ից Shant TV-ի եթերում կլինի «Բարի Գալուստ» սիթքոմը, որի նկարահանումներն անցկացվել են Հունաստանում․․․

• Պլասիդո Դոմինգոն Երևանում է. ի՞նչն է օպերային լեգենդին բերել Հայաստան

  Այսօր՝ հոկտեմբերի 14-ին, Ալեքսանդր Սպենդիարյանի անվան օպերայի և բալետի ազգային ակադեմիական թատրոնում տեղի ունեցավ հայ մեծանուն տենոր, համաշխարհային օպերային արվեստի նշանավոր ներկայացուցիչ Գեղամ Գրիգորյանի ծննդյան 75-ամյակին նվիրված գալա-համերգի մամուլի ասուլիսը…

• Լեգենդար «Որոգայթը» վերադառնում է՝ «Նոր սկիզբ»․ նոր պատմություն, նոր մասշտաբ, նոր խաղի կանոններ

  Լեգենդար «Որոգայթը» վերադառնում է՝ «Որոգայթ. Նոր սկիզբ» 24 մասից բաղկացած նոր քրեական դրամայով...

• Րաֆֆի Գալստյան․ «Ուզում եմ իմ լավագույն տարիները նվիրել հենց մեր թատրոնին»

  Մոլդովայի բեմում՝ Սպարտակի կերպարով, հայրենիքում՝ նոր դերերով ու ստեղծագործական ծրագրերով…

• Սյուզան Մարգարյանի արձագանքը Սիրուշոյի պատմությանը, Fashion Week-ն ու Երևանի 2808-ամյակը․ Instagram-ը՝ այս շաբաթ

  Հոկտեմբերի 7-ին կայացավ Վարդուհի Վարդանյանին նվիրված մեծ համերգը, որի ընթացքում գրանցվեցին մի շարք տպավորիչ ու հուզիչ դրվագներ...

• Երջանկության, վախերի ու սիրո մասին․ դերասանները՝ առանց բեմական կերպարների

  Բեմում դերասանին սովորաբար ճանաչում ենք նրա ստեղծած կերպարով, իսկ հարցազրույցում՝ նրա մասնագիտական հայացքներով․․․

• Երեք հարս, մեկ սկեսուր ու մեկ մեծ գաղտնիք․ «Հարսների հավաքականը»՝ բեմում

  Երեք հարս, մեկ սկեսուր ու շատ ինտրիգներ. հոկտեմբերի 5-ին և 7-ին Ստանիսլավսկու անվան ռուսական դրամատիկական թատրոնի բեմ բարձրացավ ռեժիսոր Սեդրակ Գոջամանյանի «Հարսների հավաքական» զավեշտալի ներկայացումը՝ Իրինա Դանիելյանի, Մարջան Ավետիսյանի, Զառա Սահակյանի ու Լիանա Վանոյանի մասնակցությամբ….

Արդեն տասը ամիս է, ինչ ֆրանս-հայ-թուրքական Medz Bazar խմբի անդամ Սևանա Չակերյանը գտնվում է Հայաստանում: «Շատ եմ հավանում Հայաստանի ընկերական միջավայրը: Արտասահմանում նման բան չկա: Կան շատ ընկերներ, բայց նրանց հանդիպելու համար պետք է պարտադիր մի քանի օր առաջ պայմանավորվես»,-ասում է հայուհին:

Նոյեմբեր և դեկտեմբեր ամիսներին Սևանան Medz Bazar-ի հետ ելույթներով հանդես կգա Կանադայում, Տորոնտոյում և Բելգիայում: Մեզ հետ զրույցում երգչուհին հույս հայտնեց, որ  2016 թ-ին խումբը, միգուցե,  թողարկի նոր ձայնասկավառակ:

Իսկ բոլորովին վերջերս Medz Bazar-ը ելույթներ է ունեցել Թուրքիայում: NEWS.am STYLE-ը երգչուհու հետ զրուցել է Ստամբուլում կայացած համերգի և մի շարք այլ թեմաների շուրջ;

-Սևանա, ո՞ւմ ջանքերով ստեղծվեց Medz Bazar խումբը:

-Մեր բոլորի ջանքերով ստեղծվեց այս խումբը: Տարբեր տեղեր էինք նվագում և միմյանց ճանաչում էինք վաղուց: Հետո որոշեցինք ստեղծել մեր խումբը, որտեղ կարող էինք  միասին նվագել:

-Խմբում ներառված են տարբեր ազգերի ներկայացուցիչներ` հայ, թուրք, ֆրանսիացի… Ի սկզբանե մտածվա՞ծ էր, որ այդպես պետք է լինի:

-Չէինք որոշել, որ անպայման պետք է այդպես լինի, ուղղակի մենք ընկերներով շատ էինք նվագում: Այդպես ծանոթացանք մեր խմբի թուրք երաժիշտների հետ, տեսանք, որ շատ առաջադեմ մարդիկ են, որոնք առաջնորդվում են միևնույն սկզբունքներով և ընկերացանք նրանց հետ:

-Հե՞շտ եք համաձայնության գալիս երգերի ընտրության և մշակման հարցում:

-Այո, ընդհանրապես, մենք փորձում ենք բոլորիս հավասար տեղ տալ: Յուրաքանչյուրս կարող ենք երգեր առաջարկել և թարգմանել, որպեսզի հասկանալի լինի, թե ինչի մասին է տվյալ ստեղծագործությունը:

-Առհասարակ, ինչպե՞ս են ձեր խմբին ընդունում արտերկրում:

-Մեր խումբը ստեղծվել է Ֆրանսիայում, բայց ֆրանսիացիները մեզ չեն վերաբերվում որպես այլազգի ներկայացուցիչների, նրանք գալիս են երաժշտության համար: Մենք բազմիցս համերգներ ենք ունեցել արտերկրում, մեր հանդիսատեսը սիրում է մեր ոճը: Իրենց համար էլ է հետաքրքիր, որ մենք տարբեր ազգեր ենք ներկայացնում, բայց դա չէ գլխավորը: Օրինակ, Լոս Անջելեսում մի փոքր դժվար հասկացան, թե ինչպես են հայերն ու թուրքերը միասին ներկայանում մեկ բեմի վրա, որովհետև այնտեղ սովոր չեն նմանատիպ գաղափարի, բայց ըդհանրապես մեզ ամեն տեղ լավ են ընդունում:

-Վերջերս համերգ ունեցաք Թուրքիայում: Պատմեք այդ համերգից:

-Անցած շաբաթ գնացինք Ստամբուլ, այնտեղ մասնակցեցինք A Corner In The World փառատոնին, որին մասնակցում էին Թուրքիայի հարևան երկրներից ժամանած երաժիշտները: Շատ լավ անցավ համերգը: Այնտեղ առաջին անգամ էինք նվագում: Համերգին ներկա էին հայեր, թուրքեր, քրդեր…այսինքն` հանդիսատեսն էլ էր բազմամշակութային:

-Հայաստանում համերգներով հանդես գալու ծրագրեր ունե՞ք:

-Ծրագրեր կան, հուսով եմ, որ հաջորդ տարի կկարողնանք իրականացնել: Ուղղակի մի փոքր ֆինանսապես ենք դժվարանում, որովհետև բոլորը, բացի ինձանից բնակվում են Ֆրանսիայում:

-Սևանա, իսկ Երևանում այս պահին ի՞նչ գործունեություն եք ծավալում:

-Արդեն տասը ամիս է` Հայաստանում եմ: Այստեղ սկսեցի աշխատել Հայաստանի մանուկների հիմնադրամի հետ, որն ունի տարբեր ծրագրեր` կրթական, սոցիալական և այլն: Ես որպես երաժիշտ` մարզերում  ցանկացա մշակել երաժշտական ծրագրեր: Այժմ պարապմունքներ եմ անցկացնում մանկապարտեզների դաստիարակների հետ, որպեսզի հետո իրենք էլ կարողանան իրենց գյուղերում մշակել այդ երաժշտական ծրագրերը:

Սյունե Առաքելյան, Մելինե Տոնոյան

Լուսանկարները` Արսեն Սարգսյանի

Նկարահանումն իրականացվել է «Գեթսբի» սրճարանում

Հետևեք NEWS.am STYLE-ին Facebook-ում, Twitter-ում և Instagram-ում