• Դերասան Սամվել Թադևոսյանը կպարգևատրվի «Ոսկե գլոբուս»-ի կողմից

  «Ոսկե գլոբուս»-ը (Golden Globes) կմեծարի հայ դերասան Սամվել Թադևոսյանին «Ոսկե գլոբուս. Մետաքսի ճանապարհ» (Golden Globes Silk Road) խորագրով անդրանիկ հանդիսավոր երեկոյի ընթացքում, որը տեղի կունենա 2026 թվականի հոկտեմբերի 23-24-ին Ուզբեկստանում, գրում է Armenian Film Society-ն…

• 27 օր Հունաստանում, ուշացած վիզա ու նոր հումորային կերպար․ Իրինա Հարությունյանը՝ «Բարի Գալուստի» մասին

  Հոկտեմբերի 20-ից Shant TV-ի եթերում կլինի «Բարի Գալուստ» սիթքոմը, որի նկարահանումներն անցկացվել են Հունաստանում․․․

• Պլասիդո Դոմինգոն Երևանում է. ի՞նչն է օպերային լեգենդին բերել Հայաստան

  Այսօր՝ հոկտեմբերի 14-ին, Ալեքսանդր Սպենդիարյանի անվան օպերայի և բալետի ազգային ակադեմիական թատրոնում տեղի ունեցավ հայ մեծանուն տենոր, համաշխարհային օպերային արվեստի նշանավոր ներկայացուցիչ Գեղամ Գրիգորյանի ծննդյան 75-ամյակին նվիրված գալա-համերգի մամուլի ասուլիսը…

• Լեգենդար «Որոգայթը» վերադառնում է՝ «Նոր սկիզբ»․ նոր պատմություն, նոր մասշտաբ, նոր խաղի կանոններ

  Լեգենդար «Որոգայթը» վերադառնում է՝ «Որոգայթ. Նոր սկիզբ» 24 մասից բաղկացած նոր քրեական դրամայով...

• Րաֆֆի Գալստյան․ «Ուզում եմ իմ լավագույն տարիները նվիրել հենց մեր թատրոնին»

  Մոլդովայի բեմում՝ Սպարտակի կերպարով, հայրենիքում՝ նոր դերերով ու ստեղծագործական ծրագրերով…

• Սյուզան Մարգարյանի արձագանքը Սիրուշոյի պատմությանը, Fashion Week-ն ու Երևանի 2808-ամյակը․ Instagram-ը՝ այս շաբաթ

  Հոկտեմբերի 7-ին կայացավ Վարդուհի Վարդանյանին նվիրված մեծ համերգը, որի ընթացքում գրանցվեցին մի շարք տպավորիչ ու հուզիչ դրվագներ...

• Երջանկության, վախերի ու սիրո մասին․ դերասանները՝ առանց բեմական կերպարների

  Բեմում դերասանին սովորաբար ճանաչում ենք նրա ստեղծած կերպարով, իսկ հարցազրույցում՝ նրա մասնագիտական հայացքներով․․․

• Երեք հարս, մեկ սկեսուր ու մեկ մեծ գաղտնիք․ «Հարսների հավաքականը»՝ բեմում

  Երեք հարս, մեկ սկեսուր ու շատ ինտրիգներ. հոկտեմբերի 5-ին և 7-ին Ստանիսլավսկու անվան ռուսական դրամատիկական թատրոնի բեմ բարձրացավ ռեժիսոր Սեդրակ Գոջամանյանի «Հարսների հավաքական» զավեշտալի ներկայացումը՝ Իրինա Դանիելյանի, Մարջան Ավետիսյանի, Զառա Սահակյանի ու Լիանա Վանոյանի մասնակցությամբ….

Աշխարհը ցնցված էր America’s Got Talent մրցույթում ամերիկահայ պարող Վարդ Մարգարյանի եւ նրա 96-ամյա զուգընկերուհու`Տաո Պորչոն-Լինչի ելույթից: Տաղանդավոր պարողները տպավորեցին ոչ միայն ժյուրիի հայտնի անդամներին (Հոուի Մենդել, Հովարդ Սթերն, Մել Բի, Հեյդի Քլում), այլեւ հեռուստաէկրանի առջեւ գտնվող յուրաքանչյուր հեռուստադիտողի:

NEWS.am STYLE-ը, շարունակելով ներկայացնել արտասահմանում գտնվող ճանաչված հայերի հետ հարցազրույցների շարքն, այս անգամ բացառիկ զրույց է ունեցել Վարդ Մարգարյանի հետ: Մանրամասները ներկայացնում ենք ձեր ուշադրությանը:

-Վարդ, երբվանի՞ց եք զգացել պարարվեստի հանդեպ ձեր սերը:

-Իմ մայրիկի շնորհիվ է, որ ես փոքրուց զբաղվել եմ պարով: Երբ հինգ տարեկան էի, մայրիկս ինձ հայկական ժողովրդական պարերի ստուդիա տարավ Էջմիածնում, որտեղ ես ծնվել եմ: Մեկ տարի այնտեղ պարելուց հետո սկսեցի ձանձրանալ, քանի որ ուսուցչուհիս ասում էր, թե ամեն ամիս պետք է համերգներով հանդես գանք, բայց երբեք այդ համերգները չէին կայանում, իսկ ես շատ էի սիրում բեմը: Այսպիսով, մայրիկիս խնդրեցի, որ ինձ այլ պարի ստուդիա տանի: Այդ տարիներին զուգապարը շատ մեծ տարածում ուներ Հայաստանում, հատկապես Էջմիածնի «Զվարթնոց» ստուդիայում, որտեղ էլ սկսեցի հաճախել պարի: Այդտեղից է սկսվել իմ պարային կարիերան:

-Ընտանիքում կա՞ որեւէ մեկը, ումից ժառանգել եք պարելու շնորհքը:

-Ոչ-ոք չէր պարում մեր ընտանիքում, ումից կարող էի այս տաղանդը ժառանգած լինել: Արվեստի հանդեպ սերս ժառանգել եմ պապիկիցս, որը մահացել է, երբ հայրս դեռ 8 տարեկան էր: Նա դուդուկ էր նվագում: Ինձ հայրս հենց նրա պատվին է անվանել Վարդ: Ճիշտ է` երբեք չեմ տեսել պապիս, բայց շատ եմ հարգում նրան եւ պատվով եմ կրում նրա անունը:

-Իսկ ինչպե՞ս ծանոթացաք Տաո Պորչոն-Լինչի հետ, որի հետ էլ մասնակցեցիք America’s Got Talent մրցույթին:

-Նրան ճանաչում եմ արդեն յոթ տարի: Երբ առաջին անգամ նրան տեսա Նյու Յորքի Fred Astaire Hartsdale Dance Studio-ում, միանգամից տպավորվեցի: Նա բացեց դուռն ու ինձ մոտ ցատկեց այնպիսի դրական էներգիայով եւ լայն ժպիտով, որ ես հասկացա, որ դեռ երկար ճանապարհ եմ անցնելու այդ տիկնոջ հետ:

-Ինչպե՞ս որոշեցիք միասին մասնակցել մրցույթին:

-NBC հեռուստաալիքից հատուկ հրավեր ստացանք ելույթով հանդես գալ շոուի ընթացքում: Տաոն ինձ զանգահարեց եւ հարցրեց` արդյոք կարո՞ղ եմ պարել իր հետ: Ես համաձայնեցի, մտածեցի բեմադրություն եւ մեկնեցի Նյու Յորք: Զարմանալի էր, թե ինչպիսի արագությամբ այդ 97-ամյա կինը սովորեց իմ բեմադրած պարը:

-Ի՞նչ տվեց Ձեզ մրցույթին մասնակցությունը:

-Դա ինձ համար հիանալի փորձ էր, իսկ ամենից ուրախացնողն այն է, որ մարդիկ խոսում են, թե որքան ուշադիր եւ մեղմ էի ես նրա հանդեպ: Բոլորն ինձ շնորհակալություն էին հայտնում…

-Վարդ, ժյուրիի բոլոր անդամները ձեզ ասացին «այո»: Ձեզ համար նրանցից ո՞ւմ կարծիքն էր առավել կարեւոր:

-Անկեղծ ասած` նրանց բոլորի կողմից գնահատված լինելն էլ կարեւոր է:

-Իսկ ներկա դրությամբ որտե՞ղ եք գտնվում եւ ի՞նչ նոր նախագծերի վրա եք աշխատում:

-Հիմա բնակվում եմ Կալիֆորնիայում` Պարլես Վերդեսում: Աշխատում եմ Fred Astaire Redondo Beach ընկերությունում: Պրոֆեսիոնալ պարով եմ զբաղվում եւ սովորեցնում եմ երեխաներին: Հաճախ որպես ժյուրիի անդամ` մասնակցում եմ միջազգային մրցույթների: Տասն անգամ Fred Astaire-ի ազգային եւ համաշխարհային չեմպիոն եմ ճանաչվել, բազմիցս հաղթել եմ DanceSport-ի մրցաշարերում (զուգընկերուհին Կատարինա Անգելոն էր):

-Իսկ հայկական պարարվեստին հետեւո՞ւմ եք: Ունե՞ք ֆավորիտներ:

-Այո, մշտապես հետեւում եմ հայկական պարային աշխարհի զարգացումներին: Նախապատվություն չեմ տալիս որեւէ համույթի կամ պարողի, բոլորին էլ բարձր եմ գնահատում, որոնք փորձում են Հայաստանի անունը բարձր պահել աշխարհում:

Ընկերոջս` բալետի առաջաըար պարող Էդուարդ Սարգսյանի հետ, հենց նման լավ նախագծի վրա ենք աշխատում: Ցանկանում ենք պարային ստուդիա հիմնել Լոս Անջելեսում, որտեղ պատրաս ենք պրոֆեսիոնալ պարային դասեր տալ ոլորտի  հայ եւ արտասահմանցի սիրահարներին: Կսովորեցնենք հայկական պարեր, հիփ-հոփ, զուգապար, լատինական պարեր: Ողջունում ենք բոլոր նրանց, ովքեր ցանկանում են աջակցել մեզ` նախագծի իրականավման հարցում:

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում