• Ջենիֆեր Լոպեսը ցուցադրել է Hermes-ի հազվագյուտ Birkin պայուսակը, որն արժե ավելի քան 400,000 դոլար

  Ջենիֆեր Լոպեսը ցուցադրել է իր հազվագյուտ Birkin պայուսակը Hermes-ից, որը պատրաստված է հիմալայան կոկորդիլոսի կաշվից եւ արժե 432 000 դոլար․․․

• Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով

  Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով…

• Իրինա Շեյքը նոր տղամարդ է փնտրում

  Իրինա Շեյքը NFL-ի աստղ Թոմ Բրեդիի հետ անհաջող սիրավեպից հետո նոր տղամարդ է փնտրում, հայտնում է Page Six-ը՝ հղում անելով իր աղբյուրին…

• Քանյե Ուեսթը մտածում է մեծահասակների համար Yeezy Porn հարթակ ստեղծելու մասին

  Քանյե Ուեսթն (Ye) ընդլայնում է իր բիզնեսի հորիզոնները եւ, կարծես, քայլեր է անում դեպի պոռնոարդյունաբերություն…

• Ջո Մանգանիելոն խոսել է Հայոց ցեղասպանությունից փրկված իր մեծ տատի մասին

  Ամերիկացի դերասան Ջո Մանգանիելոն, ով վերջերս է իմացել իր հայկական արմատների մասին, Instagram-ում պատմել է Հայոց ցեղասպանությունն ապրած իր մեծ տատի մասին…

• Քրիստի Թարլինգթոնի մերկ լուսանկարներն օգտագործվել են նրա որդուն ծաղրելու եւ հալածելու համար

  Նախկին սուպերմոդել Քրիստի Թարլինգթոնի մերկ լուսանկարներն օգտագործվել են նրա որդուն ծաղրելու եւ հալածելու համար…

• «Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն

  Ամերիկահայ դերասանուհի, պրոդյուսեր Դիանա Մեդիսոնը Հայոց ցեղասպանության 109-րդ տարելիցի կապակցությամբ տեսանյութ է հրապարակել ինստագրամյան իր էջում...

• «Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ

  Ամերիկահայ անվանի երաժիշտ, System of a Down-ի անդամ Սերժ Թանկյանը ոգեկոչել է 1915 թ-ի Հայոց ցեղասպանության զոհերի հիշատակը...

Օրեր առաջ աշխարհահռչակ երաժիշտ Low Deep T-ի «Home 2 U»-ի նոր տեսահոլավակը մեծ աղմուկ բարձրացրեց եւ լայն տարածում գտավ հայ օգտատերերի շրջանում, քանի որ Հայաստանում նկարահանված բարձրաճաշակ այս երգի տեսահոլովակը չէր կարող անտարբեր թողնել ոչ մեկին՝ նույնիսկ նրանց, ովքեր ընդհանարապես հետաքրքրված չեն երաժշտությամբ։ Դատելով ընթերցողների բազմահազար մեկնաբանություններից՝ ստեղծագործությունն իսկապես սիրվեց, սակայն միեւնույն ժամանակ մի շարք անպատասխան հարցեր թողեց թե օգտատերերի, թե լրագրողների մոտ։ NEWS.am STYLE-ն առաջինը տեսահոլովակը ներկայացնելուց հետո սկզբում խոսեց տեսահոլովակի ռեժիսոր Արեն Բայադյանի հետ, սակայն հետաքրքրությունն ու հարցերը այդքանով չսպառվեցին, եւ մենք որոշեցինք հենց երաժշտի հետ կապ հաստատել։ NEWS.am STYLE-ին հաջողվեց երգչի հայաստանյան PR մասնագետ Անի Մկրտչյանի միջոցով մի քանի հարց ուղղել Low Deep T-ին եւ խոսել ոչ միայն «Home 2 U» երգի, այլեւ տաղանդավոր երաժշտի առաջին քայլերի, ստեղծագործական կյանքի եւ ապագա պլանների մասին։

Ներկայացնում ենք NEWS.am STYLE-ի բացառիկ, նոր ու հետաքրքիր բացահայտումներով լի հարցազրույցը Low Deep T-ի հետ։

-Պրն. Low Deep T, դուք ճանաչված եւ սիրված երաժիշտ եք ամբողջ աշխարհում։ Կպատմե՞ք ձեր առաջին քայլերի մասին։ Ունե՞ք կարգախոս, որով առաջնորդվում եք։

-Միակ կարգախոսը, որը միշտ ուղեկցել է ինձ, քրտնաջան աշխատանքն է։ Ես իմ կարիերան սկսեցի որպես իրավաբան, բայց շուտով հասկացա, որ երգեր գրելու շնորհ ունեմ։ Որոշեցի թողնել իրավաբանությունը եւ իմ ողջ սերը, ուժն ու էներգիան նվիրել երաժշտությանը։

Երաժշտական գործունեությունը սկսեցի որպես երգահան եւ պրոդյուսեր, իսկ հետո Մեծ Բրիտանիայում ստեղծեցի Cut&Play Records լեյբլը եւ աստիճանաբար դարձա Բրիտանիայում ամենահայտնի եւ լավագույն երգահաններից մեկը։ Երգել սկսել եմ 4 տարի առաջ, եւ այս ընթացքում հաջողությունը միշտ ինձ ուղեկցել է երգեր գրելու իմ տաղանդի եւ յուրօրինակ ու եզակի ձայնի շնորհիվ։

- Քանի՞ տարի է, որ ակտիվորեն զբաղվում եք երաժշտությամբ։ Ի՞նչ գործունեություն եք հիմա ծավալում եւ ի՞նչ համագործակցություններ են սպասվում ապագայում։

- Ես երաժշտության ասպարեզում եմ դեռ համալսարանական տարիներից. կարելի է ասել բավականին երկար ժամանակ։ Այժմ ես փորձում եմ ավարտել իմ երրորդ «Mind Body n Soul» ալբոմի աշխատանքները։ Ալբոմը նորովի եւ մեկ այլ տեսանկյունից կբացահայտի ինձ։ Առաջին անգամ բացի ռիթմիկ երգերից ներառված կլինեն նաեւ բալլադներ եւ միջին տեմպով ստեղծագործություններ։ Անհամբերությամբ սպասում եմ, թե ինչպիսին կլինի վերջնական արդյունքը եւ ինչպես այն կընդունվի։ Կլինեն նոր երգեր։ Մենք արդեն 3 նոր տեսահոլովակ ենք նկարահանել սպասվող ալբոմի համար։ Մոտ ապագայում դուետներ դեռ չկան։

-Ձեր նոր տեսահոլովակի շրջանակներում այցելել եք Հայաստան։ Ինչպե՞ս եք իմացել Հայաստանի մասին եւ արդյոք ձեզ դուր եկավ մեր երկիրը։

- Հայաստանի մասին իմացել եմ լուրերից, քանի որ մեծապես հետաքրքրվում եմ քաղաքականությամբ։ Ես սիրում եմ տեղեկացված լինել, թե ինչ է կատարվում աշխարհում։ Ես սիրեցի Երեւանը։ Բախտավոր էի, որ այնտեղ ունեի երկրպագու, որը ինձ ցույց տվեց քաղաքն ու կարեւոր եւ տեսարժան վայրերը։

-Ինչպե՞ս ծանոթացաք հայ ռեժիսոր Արեն Բայադյանի հետ։

-Ես Արենին բացահայտեցի, երբ դիտեցի նրա երաժշտական տեսահոլովակները։ Միանգամից հասկացա, որ այս տղան շատ տաղանդավոր ռեժիսոր է եւ ցանկություն առաջացավ աշխատել նրա հետ։ Ես իմ երկրպագուի միջոցով կապ հաստատեցի նրա հետ։ Կարծում եմ, որ մինչեւ պայմանագիր կնքելը Արենը չէր հավատում, որ այդ համագործակցությունը իրական է։

-Ո՞ւմ հետ եք այցելել Հայաստան։ Քանի՞ օր եք մնացել այստեղ եւ Հայաստանում որտե՞ղ եք եղել։

-Դժբախտաբար միայնակ եմ եկել, որովհետեւ իմ օգնականը չկարողացավ վիզա ստանալ։ Սա փոքր-ինչ հուսահատեցրեց ինձ, բայց այն մեկ շաբաթը, որը ես այստեղ անցկացրեցի այնքան հաճելի եւ հետաքրքիր փորձ էր ինձ համար, որ ես կցանկանամ նորից վերադառնալ։

-Հայկական ուտեստներ փորձե՞լ եք։ Ձեր կարծիքը մեր խոհանոցի մասին։

-Այո, ես ճաշել եմ հայկական ռեստորաններում, եւ ուտեստներն իսկապես համեղ են։ Հատկապես շատ եմ հավանել անանուխով թեյը։

- Որքանով տեղյակ եմ, «Casablanca» հիթը ամենահայտնին է ձեր երգացանկում։ «Home 2 U» ստեղծագործությունը նույնպե՞ս նման մեծ հաջողություն կգրանցի։

- Վստահ չեմ, սակայն մի բան կարող եմ հստակ ասել, որ արտիստը ցանկացած երգ ազնիվ ու անկեղծ է կատարում, եւ միայն երկրպագուներն են որոշում, թե ինչ հաջողություն այն կունենա։ Քանի որ «Home 2 U»-ն ներառված է իմ նոր ալբոմում, ամեն ինչ դեռ առջեւում է։

-Իսկ ե՞րբ կթողարկվի «Mind Body n Soul» ալբոմը։

-Նախատեսված է 2016-ի մարտին։

- Շուտով ամբողջ աշխարհը տոնելու է Ամանորն ու Սուրբ Ծնունդը։ Ինչպե՞ս եք սովորաբար անցկացնում տոները։ Ի՞նչ կմաղթեք ձեր հայ երկրպագուներին։

-Սուրբ Ծնունդը սիրելի մարդկանց շրջապատում եւ ընտանիքի գրկում անցկացնելու ժամանակահատված է, եւ «Home 2 U»-ն շատ համապատասխան է այս շրջանին. չէ որ մարդիկ սիրում են տուն վերադառնալ տարվա այս օրերին։ Ամանորին եւ Սուրբ Ծննդին կցանկանայի լինել Լոնդոնում։ Հուսով եմ, որ գալիք տարին ավելի լավը եւ հաջողակ կլինի ինձ համար։

Իմ հայ երկրպագուներին կասեմ «Ես քեզ սիրում եմ» եւ անհամբերությամբ սպասում եմ իմ համերգին, որը Աստծո կամոք, նախատեսում եմ 2016-ի գարնանը։ 

Դիանա Հովհաննիսյան 

Հետևեք NEWS.am STYLE-ին Facebook-ում, Twitter-ում և Instagram-ում