• Առողջ ապրելակերպի 5 ամենաանմիտ եւ անհեթհեթ միտումները

  Համացանցում լայն տարածված միֆ կա որոշ հատապտուղների օգտակարության մասին․․․

• Կարելի՞ է սեքսը սպորտ համարվել

  Սեքսը համարվում է չափավոր ֆիզիկական ակտիվություն...

• Դիետա սլացիկ գոտկատեղ ունենալու համար

  Մի մոռացեք սպորտով զբաղվելու մասին․․․

• 3 օրում 5 կիլոգրամ նիհարելու միջոց

  Այս դիետան խորհուրդ չի տրվում պահել երեք օրից երկարվ․․․

• Դիետա` փարթամ կոնքերի դեմ

  Կոնքերի մասում ավելորդ ճարպային կուտակումների դեմ դիետան նախատեսում է օրական ոչ ավելին քան 12 գրամ ճարպի գործածում...

• Հեղուկներով դիետա

  Պարունակում է քիչ քանակությամբ կալորիաներ...

• Ձմեռային դիետա․ մրգային բեռնաթափում

  2 կգ կանաչ խնձորը բաժանեք 6 մասի եւ օրվա ընթացքում կերեք հստակ ընդմիջումներով․․․

• Միֆեր ալերգիայի մասին

  Այս հիվանդության բուժում չունի․․․

Գունատություն, փխրունություն ու նույնիսկ ուժեղ մազաթափություն. ահա այն խնդիրները, որոնց պատճառը կարող է լինել ցուրտ եղանակը: Եվ այսպես, ինչպես փրկենք մեր մազերը:

1. Գլուխը տաք ջրով մի լվացեք

Որքան սառը լինի ջուրը, որով լվանում ես գլուխդ, այդքան ավելի քիչ կտուժեն քո մազերը, երբ փողոց դուրս գաս: Ձմեռային ամիսներին ջերմաստիճանի տատանումները պետք է նվազագույնի հասցնել ու եթե դու վարժվես գլուխդ սենյակային ջերմաստիճանի ջրով լվանալուն, ապա այդ օգտակար սովորությունը կարտահայտվի ոչ միայն քո մազերի փայլի, այլեւ քո ճարպագեղձերի աշխատանքի վրա. որքան տաք է ջուրը, որով լվանում ես գլուխդ, այդքան դրանք ավելի ակտիվ են դառնում, հետեւաբար գլուխդ էլ ավելի արագ է կեղտոտվում:

2. Կոնդիցիոների մեջ վիտամիններ А եւ Е հավելեք

Մենք բազմիցս խոսել ենք ոչ միայն մաշկի այլեւ մազերի համար А եւ Е վիտամինների օգտակարության մեջ: Բանն այն է, որ դրանք հզոր հակաքսիդանտներ են ու բարձրացնում են հյուսվածքների պաշտպանական հատկությունները: Որպեսզի քո ձմեռային խնամքն ավելի արդյունավետ դարձնես, գնիր կապսուլաներով վիտամիններ, որոնք կարելի է հեշտությամբ հավելել մազերի դիմակի ու կոնդիցիոների մեջ: А եւ Е վիտամիններով բալզամների կիրառումը կարող է բարձրացնել ձեր մազերի ցրտադիմացկունությունը: Այնպես որ գործի անցեք:

3. Անցեք ձմեռային խնամքի համար նախատեսված շամպունների

Ձմեռային խնամքի առաջնահերթություններից է սնուցումն ու խոնավեցումը: Բացառված չէ, որ սառնամանիքի ժամանակ դու ստիպված կլինես փոխել քո շամպունը ու ավելի ակտիվ բաղկացուցիչներով շամպուն ձեռք բերել:
Ձմռանը հատուկ ուշադրություն հատկացրու յուղերի պարունակությամբ շամպուններին՝ դրանք ավելի լավ են սնուցում մազերը ու պետք չէ վախենալ, որ մազերը դրանցից ավելի կծանրանան: Բացի դրանից, ընտրեք մեղմ բաղկացուցիչներով շամպուններ, որոնք սիլիկոն ու պարաբեն չեն պարունակում: Եթե նորմալ ջերմաստիճանի դեպքում այդ բաղկացուցիչները չեն վնասում մազերին, ապա սառնամանիքին ավելի լավ է խուսափել այդ նյութերից:

4. Հարթեցնող շիճուկ օգտագործիր

Եթե սովորական եղանակին դու չես օգտագործում մազերը հարթացնող նյութեր, ապա հիմա դրանք քեզ պետք կգան: Այդ միջոցներն ակտիվ խոնավացնում են մազերը, ապահովում դրանց պաշտպանությունը ու մազերին տեսողական հարթություն ու փայլ հաղորդում:

5. Ավելի շատ ջուր խմեք

Մազերի խոնավացումը պետք է ոչ միայն արտաքինից լինի, այլեւ ներսից: Մենք հավանաբար արդեն հոգնեցրել ենք քեզ «Հնարավորինս շատ ջուր խմիր» խորհուրդով, բայց ավաղ ձմռանը այս խորհուրդն առավել արդիական է: Ինչպե՞ս է ջուրն ազդում մեր մազերի վրա: Ջերմաստիճանի տատանումները, չոր օդն ու ջեռուցումը գրեթե «երաշխավորում են» դրանց փխրունությունը, բայց եթե դու բավականաչափ հեղուկ խմես, ապա մազերդ ներսից կհագենան հեղուկով: Այնպես որ ավելի շատ ջուր խմիր, եւ մազերից կօգնես, եւ մաշկիդ:

6. Փողոց դուրս մի արի վարսահարդարիչով չորացնելուց հետո

Ցուրտ եղանակներին մենք խորհուրդ կտայինք առհասարակ հրաժարվել տաք հարդարանքից, բայց եթե դու անպայման ուզում ես գանգրացնել կամ էլ հակառակը՝ ուղղացնել մազերը, ապա արա դա տանից դուրս գալուց առնվազն մեկ ժամ առաջ՝ մազերը կհասցնեն սառչել ու այլեւս չեն տուժի ջերմաստիճանի կտրուկ տատանումից:

7. Երկար մազերը թաքցրեք հագուստի տակ

Մազերը մրսում են նույնքան, որքան մարմնի մյուս մասերը, չնայած դու դա չես զգում: Եթե դու երկար մազեր ունես ու չես ուզում, որ դրանք վնասվեն ցուրտ եղանակներից, ավելի լավ է դրանք բաճկոնի օձիքի տակից մի հանիր, անկախ նրանից, թե ինչ տեսք կունենաս, իսկ շարֆը մազերի վրայով փաթաթիր: Ճոխ մազերով պարծենալու համար հիմա չափից ցուրտ է:

8. Շատ կաթնաշոռ կեր

Կալցիումը կարեւոր շինանյութ է, որն անհրաժշտ է քո մազերին: Ձմռանը ավելի շատ կաթնաշոռ ու այլ կաթնամթերք կեր՝ դրանում պարունակվող կալցիումը կօգնի պահպանել քո մազերի գեղեցկությունը:

9. Սինթեթիկ գլխարկներ մի հագիր

Սինթեթիկ գլխարկները ոչ միայն էլեկտրականացնում են մազերը այլեւ «չեն շնչում», նաեւ շատ վատ են տաքացնում: Գլխի մաշկի ու մազերի մասին հոգ տանելու համար ընտրիր բնական հյուսվածքներից՝ բրդից կամ բամբակից գլխարկներ:

10. Օգտագործիր ջերմապաշտպանական յուղեր

Ջերմապաշտպանությունը կարող է քո մազերը փրկել ոչ միայն վարսահարդարիչի տաք ազդեցությունից, այլեւ ցրտից: Ամեն անգամ գլուխը լվանալուց հետո պետք է մազերի ամբողջ երկայնքով քսել այդ նյութը, սննդարար յուղերը նույնպես չեն խանգարի՝ դրանք պաշտպանական թաղանթ են ստեղծում ու օգնում, որ մազերը փայլուն լինեն նույնիսկ ցուրտ եղանակին:

Աղբյուր՝ Cosmo

Հետևեք NEWS.am STYLE-ին Facebook-ում, Twitter-ում և Instagram-ում