• Վիկտորիա Բեքհեմը հրաժարվել է իր ֆիրմային մանիկյուրից հանուն նոր տրենդի. կարմիր եղունգները թանկ և նրբագեղ տեսք ունեն  

  Վիկտորիա Բեքհեմը ցուցադրել է մանիկյուր, որը կարող է դառնալ 2026 թվականի ձմռան գեղեցկության ամենամեծ միտումներից մեկը։ Սովորական մեղմ վարդագույնի փոխարեն դիզայները ընտրել է հարուստ պղպեղի կարմիր երանգ՝ պայծառ, աչքի ընկնող, բայց միևնույն ժամանակ նրբագեղ...

• «Եղնիկի բծերից» մինչև սրճագույն ֆրենչ. 2026 թվականի աշնանային ու ձմեռային մանիկյուրի լավագույն միտումները

  Բնական երանգները, անսովոր նախշերը և զուսպ շեշտադրումները այս աշնանը և ձմռանը թրենդային կլինեն մանիկյուրի մեջ․․․

• Miu Miu-ի անփույթ մանիկյուրը՝ նորաձևության միտում, թե՞ ապստամբություն իդեալական գեղեցկության դեմ

  Գեղեցկության ցուցադրությունների ոճերը սովորաբար ձգտում են կատարելության՝ անթերի մաշկ, կատարյալ սահմանված կարմիր շուրթեր և մանրակրկիտ քսված փայլ․․․

• «Մերկ եղունգներ» վառ մանիկյուրի փոխարեն. գեղեցկության նոր միտումը BBC-ին սկանդալի մեջ է գցել

  Վառ կարմիր եղունգները 1980-ականների գեղեցկության գլխավոր խորհրդանիշն էին, հաստ ֆրանսիական մանիկյուրը համարվում էր 1990-ականների ոճի մարմնացումը, իսկ փայլերը բառացիորեն ողողել էին գեղեցկության սրահները 2000-ականների սկզբին․․․

• «Ռուսական մանիկյուր». Ինչու է աշխարհը տարված կատարյալ մաքուր եղունգներով

  Մինչև վերջերս միայն նրանք, ովքեր ուշադիր հետևում էին եղունգների միտումներին, գիտեին դրա մասին, բայց այսօր «ռուսական մանիկյուրը» գնալով ավելի ու ավելի է դառնում սրահներում սիրված ընթացակարգ…

• Սև մանիկյուրը վերադարձել է նորաձևություն. Սանդրա Բալոքը, Դուա Լիպան և Քայլի Ջենները ընտրում են աշնան հիմնական գույնը  

  Սև մանիկյուրը վերադարձել է 2026 թվականի աշնան գեղեցկության միտումների շարքին: Z սերնդի աստղերից մինչև 40-ն անց հոլիվուդյան դերասանուհիներ, հայտնիները կրկին ապացուցում են, որ ամենամուգ երանգը կարող է համարձակ, էլեգանտ և անժամանակ տեսք ունենալ...

• «Old money nails». Թանկարժեք տեսք ունեցող մանիկյուր

  Հանգիստ շքեղության գեղագիտությունը հասել է նաև մանիկյուրին․․․

• «Առանց մանիկյուրի» մանիկյուր. «Մերկ» եղունգների միտումը պարզվում է՝ այնքան էլ պարզ չէ, որքան թվում է

  Պայծառ գույներն ու բարդ նախշերը անցյալում են. կարճ, (թվացյալ) բնական եղունգների դարաշրջանը նորաձևության աշխարհում է․․․

Մի ընկերուհի ունեմ, որն առանց դիմահարդարման տանից դուրս չի գալիս։ Եվ կարևոր չէ, թե ուր է նա գնում՝ երեկույթի, թե ուղղակի աղբը թափելու․ «մարտական դիմահարդարումը»  միշտ դեմքին է։ Նա ինքն է խոստովանում, որ առանց մեյքափի մերկ է զգում իրեն։ Թեպետ, այս զգացողությունն ունեն գեղեցիկ սեռի բազմաթիվ ներկայացուցիչները, որոնք «հագնված» երևալու ցանկությունից զատ, համոզված են, որ շպարը նրանց գեղեցկությունն ավելի է ընդգծում։

Ես ինքս դպրոցն ավարտելուն պես, հասնելով մայրիկիս «մոգական» սրվակներին վրձիններին ու ստվերաներկերին, ամեն առավոտ՝ համալսարան գնալուց առաջ, անպայման գեղեցկանում էի։ Անկեղծ ասած՝ հիմա առանց ծիծաղի չեմ կարող նայել իմ երիտասարդ տարիների լուսանկարները։ Թեև դա երկար չի տևել։

Պարզվեց, որ տղամարդիկ գերադասում են ինձ «մերկ» տեսնել, այսինքն՝ առանց դիմահարդարման։ Չգիտեմ․․․ թե ինձ հանդիպած երկրպագուներն էին բնական գեղեցկության սիրահարներ, թե իսկապես դա ճշմարտություն էր, բայց բոլորը միաձայն հավատացնում էին, որ առանց դիմահարդարման ես ավելի գեղեցիկ եմ։ Ինձ ծանոթ 30 անց տղամարդկանց միջև մի փոքրիկ սոցհարցում անցկացնելով՝ ես պարզեցի, որ նրանց զգալի մասը նախըտրում է մինիմալ քանակությամբ դիմահարդարմով  կանանց։ Տղամարդկանց մոտ առանձնահատուկ տհաճություն են առաջացնում կարմիր շրթներկն ու տոնային քսուքի հաստ շերտը։

«Երբ մեծ քանակությամբ «ծեփամածիկը» երեսին կին եմ տեսնում, հազիվ եմ ինձ զսպում, որպեսզի եղունգով չքերեմ նրա այտն ու տեսնեմ՝ հետք կմնա, թե ոչ»,- կիսվեց տպավորություններով ծանոթներիցս մեկը։ Ի դեպ, գրեթե բոլոր պատասխանողները նշում էին, որ չեն սիրում համբուրվել այն կնոջ հետ, որը շրթներկ է օգտագործում․ «այն տարածվում է, լղոզվում, կպչում, իսկ հետո ստիպված ես լինում հետքերն անցկացնել դեմքիդ վրայից»։

Համաձայնվեք, իրավիճակը պարադոքսալ է։ Փաստորեն, այս բոլոր միջոցները, որոնք գեղեցկության ոլորտը մեզ համառորեն պարտադրում է, և որոնք պիտի ծառայեն տղամարդկանց գայթակղելու նպատակին, ընդհակառակը՝ վանում է նրանց։ Հիշում եմ՝ մի օր գեղեցկության սրահում պրոֆեսիոնալ դիմարդարում անելուց հետո, ինձանից շատ գոհ ու երջանիկ եկա տուն։ Սակայն ամուսինս ինձ անմիջապես երկնքից վար իջեցրեց՝ ասելով, որ «նրանք, իհարկե, ծեփամածիկը չեն ափսոսել», որ «տարօրինակ դիմակ է» իմ երեսին և նման այլ արտահայտություններ։

Եվ չնայած, որ շուտով ես կլինեմ 40 տարեկան (մի՞թե ես դա ասացի), ինձ դեռ տանջում է մի հարց՝ դիմահարդարվե՞լ, թե՞ ոչ։ Տարիքիս զուգընթաց հասկացա, որ կարևորը խնամված մաշկն է, չէ որ կնճիռները, ակնեն, բշտիկներն ու այլ անհարթությունները դիմահարդարումը ծածկում է, սակայն հնարավոր չէ տոնային քսուկով 24 ժամ մնալ. դա նաև վնասակար է։ Ուստի, ֆինանսներիս մեծ մասը ես ծախսում եմ մաշկի խնամքի և պրոցեդուրաների վրա, և վստահեցնում եմ, որ կարող եմ նույնիսկ տոնային քսուք չօգտագործել։

Չեմ կարող ասել, որ լիովին հրաժարվել եմ  կոսմետիկայից, սակայն, «անտեսանելի» դիմահարդարման ստեղծման հիմունքները սովորելով՝ կարողանում եմ «բնական» գեղեցկության տպավորությունը ստանալ։ Թեև, անկեղծ ասած, երբեմն հայացքս կանգ է առնում կարմիր շրթներկին․․․և, հազվադեպ՝ չնայած ամուսնուս դժգոհությանը, չեմ կարողանում գայթակղությանը դիմադրել․․․

Յուլիա Վարդանյան

Հետևեք NEWS.am STYLE-ին Facebook-ում, Twitter-ում և Instagram-ում