Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Մեկ բաժակ ավել՝ հյուրի համար․ սուրճ, արվեստ և Գյումրվա ժպիտը «Վառեմ-Մարեմ»-ում

«Վառեմ-Մարեմ». Գյումրու ստեղծարար ոգին՝ արվեստի և հիշողությունների հանդիպման վայրում

Ինչպե՞ս եք վերաբերվում լողազգեստով լուսանկարներին

Վերջին զանգ․ արցունք, ծիծաղ ու հրաժեշտ մանկությանը

Ժամանակից շուտ մի՛ մեծացեք․ խորհուրդներ երիտասարդներին

Բեթթին նոր սերնդին հրավիրում է պարելու հաղթանակի պարը. երգչուհին՝ իր նոր նախագծի մասին (ֆոտո)

19:41, 12 մայիսի

Դրական, պայծառ, արեւոտ, խելացի Բեթթին շուտով կներկայացնի իր «Նոր սերունդ» նախագիծը, որի նպատակն է ուրախություն եւ ժպիտներ սփռել ամենուր։ NEWS.am STYLE-ի հետ զրույցում, տաղանդավոր երգչուհին պատմեց իր նոր ծրագրի մասին։

««Նոր սերունդ» նախագիծը բաղկացած է 3 երգերից՝  «Նոր սերունդ», «Հաղթանակի պար» եւ «Betty world»։ Ռիթմիկ, աշխույժ երգերը հենց նոր սերնդի մասին են, քանի որ մենք ենք ապագան այս աշխարհի։ Պետք է լինենք դրական, որպեսզի աշխարհում գերիշխի ուրախությունը, քանի որ հաջողության առաջին գրավականը խինդն ու ժպիտն են։ Նախագծի գաղափարն է «Բեթթին հրավիրում է նոր սերնդին պարելու հաղթանակի պարը»։ Այս կարգախոսով ենք մենք առաջնորդվում եւ իմ ընկերների հետ փորձում ենք բոլորին փոխանցել մեր դրական էներգիան, որ բոլորն էլ ժպտան եւ ուրախանան»,- ասաց Բեթթին։

Գեղեցկադեմ երգչուհին իր հասակակիցներին խորհուրդ է տալիս ուսումնասիրել տարբեր գիտություններ, տեղեկացված եւ կրթված լինեն, զբաղվեն նաեւ սպորտով, քանի որ նման մարդիկ ամեն ինչում հաջողակ են։

Բեթթին բացի իր հիմնական զբաղմունքներից (նա եւ երգում է, եւ իր ուժերն է փորձում որպես հաղորդավար), հետաքրքրված է նաեւ աստղագիտությամբ եւ ֆիզիկայով. «Դրանք իմ ամենասիրած գիտություններն են։ Ցանկանում եմ խորանալ այդ գիտությունների մեջ եւ ստանալ ֆիզիկոսի կոչում։ Ես շատ եմ սիրում այն առարկաները, որոնք կապված  են աշխարհի, երկիր մոլորակի հետ։ Իմ ցանկություններից է տեսնել այլմոլորակայիններին եւ ծանոթանալ նրանց մշակույթին ու կենցաղին։ Բացի այդ կցանկանայի տարբեր գյուտեր անել, որպեսզի մեր մոլորակը դարձնեմ էլ ավելի զարգացած»։

Նախագծի «Նոր սերունդ» երգի տեսահոլովակը վերջերս է նկարահանվել, որին NEWS.am STYLE-ը նույնպես ներկա է եղել։ Երգի երաժշտության հեղինակը Վահրամ Պետրոսյանն է, խոսքերինը՝ Ավետ Բարսեղյանը եւ Ալիսա Դարփինյանը։ Տեսահոլովակում, որի ռեժիսորը Արեն Բայադյան է, Բետին ներկայանալու է երեք կերպարներով, որոնց հեղինակն է ոճաբան Արամ Նիկոլյանը։ Իսկ պարային մասի պատասխանատուն Քրիստինա Հովակիմյանն է։

«Նկարահանումներն անցում են շատ լավ, ես շատ գոհ եմ։ Առաջին անգամ եմ համագործակցում Բեթթի հետ։ Միշտ դժվար է երեխաների հետ աշխատել, բայց նրա դեպքում հետաքրքիր է անցնում։ Նա ունի արտիստիզմ, որն ինձ շատ է դուր գալիս։ Տեսահոլովակում Բեթթիին այլ կերպարով ենք ներկայացնելու։ Մեր նպատակն է ցույց տալ, որ մենք ունենք ամուր, ուժեղ, խելացի, պայծառ նոր սերունդ, որոնք ապագայի մեծ հեռանկարներ ունեն։ Եվ այս ամենը մենք հետաքրքիր լուծումներով ենք ներկայացնելու»,- ասաց ռեժիսոր Արեն Բայադյանը։ 

Նշենք, որ տեսահոլովակի պրեմիերան կկայանա մայիսի վերջին։ Ավելացնենք, որ նախագծի վրա աշխատել են Մարտին Միրզոյանը, Գարիկ Պապոյանը, Դավիթ Բադալյանը եւ ուրիշներ։

Մելինե Տոնոյան


Հետևեք NEWS.am STYLE-ին Facebook-ում, Twitter-ում և Instagram-ում




Print  

  • Related News

TV SHOWS PHOTO VIDEO


@NEWSam_STYLE

  • Archive
Search