Ավելի լավ է շաքարն աստիճանաբար հանել, որ վերստին չձախողվես եւ անիմաստ ջանքեր չծախսես: Շաքարը, ինչպես ցանկացած այլ կերակուր, յուրահատուկ թմրանյութ է, եւ այն սննդակարգից պետք է աստիճանաբար հանել՝ փոխարինելով օգտակար մթերքներով՝ քաղցր մրգերով, չրերով, մեղրով: Միայն թե շաքարի զանազան փոխարինիչներ չօգտագործեք, քանի որ դրանք երբեմն ավելի մեծ վնաս են պատճառում, քան սովորական շաքարը:
Եվ այսպես՝ սկսենք սննդաբաժնից շաքարի մաքրումը:
Սկզբի համար պետք է գտնենք մեր սննդաբաժնում շաքարի հիմնական աղբյուրը, ինչպես ասում են՝ թշնամուն պետք է անձամբ ճանաչել: Մեկի համար դա առավոտյան սուրճին խառնվող շաքարն է, մյուսի՝ ամենօրյա շոկոլադե սալիկը, երրորդի՝ գազավորված քաղցր ըմպելիքները:
Երբեմն մեզ թվում է, թե ընդհանրապես քաղցրեղեն չենք ուտում, իսկ իրականում պարզվում է, որ ձեռքի հետ ուտելն ուղեկցվում է կոնֆետով կամ մի կտոր շոկոլադով: Քաղցր թշնամուն հեշտ գտնելու համար խորհուրդ է տրվում օգտվել կերակրի օրագրից, որտեղ պետք է գրառել սնվելու մասին բացարձակապես ամեն ինչ. օրվա ընթացքում ինչ, երբ եւ որքան եք կերել կամ խմել: Այսպիսի օրագրի ընդամենը մեկ շաբաթ պահելը բավական է սննդաբաժնում շաքարի հիմնական աղբյուրը հայտնաբերելու համար:
Երբ թշնամին արդեն իսկ հայտնաբերված է, արժե այն վնասազերծել: Բայց զայրույթի թեժ պահին նրան մի կացնահարեք, նրա ոչնչացման պլան կազմեք եւ հետեւողականորեն գործեք: Օրինակ՝ եթե վարժվել եք առավոտյան սուրճին երեք գդալ շաքար ավելացնել, ապա դա նախ կրճատեք մինչեւ 2 գդալ եւ սուրճն այդպես խմեք մեկ շաբաթից ոչ պակաս, այնուհետեւ մեկ գդալն էլ հանեք, իսկ որոշ ժամանակ անց ընդհանրապես առանց շաքարի խմեք: Նույնը կատարեք նաեւ հավելյալ, վնասակար սնունդ ուտելիս. կոնֆետը փոխարինեք քաղցր մրգերով կամ կաղինով, որով շատ հաճելի է մի բան ուտելը:
Աստիճանաբար հրաժարվելով թիվ մեկ թշնամուց՝ կրկին առաջին քայլին անցեք եւ փնտրեք քաղցրի հաջորդ կապվածությունը: Այդպես ձեր սննդաբաժնից կվերացնեք շաքարի բոլոր հիմնական ակնհայտ աղբյուրները՝ այդ ընթացքում անհարմարավետության ոչ մի զգացում չունենալով:
Սակայն դրանից հետո եւս չպետք է թուլանալ, քանի որ այսօր շաքար է ավելացվում գործնականում բոլոր սննդամթերքներին. գազավորված ըմպելիքներ, հյութեր, արագ լուծվող շիլաներ եւ այլն: Այդ պատճառով ջանացեք քիչ ուտել խանութի մշակված մթերքը՝ ձեր սննդաբաժնին 60 տոկոսով ավելացնելով թարմ բանաջարեղեն, մրգեր եւ կանաչեղեն: Դե իսկ խանութից մթերք գնելիս ուշադիր կարդացեք պիտակի գրառումը:
Ինչպես տեսնում եք, այնքան էլ բարդ չէ քաղցրեղենի կախվածությունից ձերբազատվելը: Որպեսզի անցումային փուլը արագ ավարտվի, սննդաբաժնին ավելի շատ թարմ ճզմած հյութ, կանաչ կոկտեյլներ ավելացրեք, ավելի շատ միրգ կերեք: Այդ կերպ օրգանիզմն արագ կմաքրվի եւ վնասակար քիմիայից հետ կվարժվի:
Աղբյուրը՝ otvetna
Հետևեք NEWS.am STYLE-ին Facebook-ում, Twitter-ում և Instagram-ում
09:00, 20 ապրիլի
ԱՊՐԻԼԻ 20-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:19, 19 ապրիլի
Որքանո՞վ է գեղեցիկ արտաքինն ազդում սեքսի որակի վրա. Առասպելներ եւ իրականություն22:24, 19 ապրիլի
Մալդիվների ամենաթանկ հանգստավայրի ներսում21:17, 19 ապրիլի
Թրեւիս Բարքերը շնորհավորել է Քորթնի Քարդաշյանին՝ հրապարակելով նրա լուսանկարը, որում նա զուգարանում է20:21, 19 ապրիլի
Jacquemus-ը նոր շունչ է հաղորդում ամառային հարսանիքներին19:47, 19 ապրիլի
Ինչպե՞ս է Բրիտանիայի ամենահարուստ մարդուն հաջողվում ստվերում մնալ. նույնիսկ նրա ադմինիստրատորը չի լսել նրա մասին18:27, 19 ապրիլի
Տիհանա Vibes. Ո՞րն է ամուսնության լավագույն տարիքը, եւ կարելի՞ է արդյոք դավաճանել16:17, 19 ապրիլի
«Հարյուր տարվա մենություն». Netflix-ը ներկայացրել է Գաբրիել Գարսիա Մարկեսի գլուխգործոցի կինոադապտացիայի թիզերը15:38, 19 ապրիլի
Կբացվի քանդակագործ Մկրտիչ Մազմանյանի ցուցահանդեսը՝ նվիրված Շառլ Ազնավուրին15:12, 19 ապրիլի
«Breaking Bad»-ի աստղ Ջանկառլո Էսպոզիտոն ցանկացել է մարդասպանի վարձել՝ սեփական սպանությունը կազմակերպելու համար14:42, 19 ապրիլի
Հարսնացուն ցնցված է. նա հարսանիքին ստացել է «ամենազզվելի նվերը»13:56, 19 ապրիլի
Քորթնի Քարդաշյանը պաշտպանել է Քիմին, որին երկրպագուները մեղադրում են դիտավորյալ «անհաջող» լուսանկար հրապարակելու մեջ