Վրաստանի մայրաքաղաքում կայացավ ռոք փառատոն, որի հեդլայները շվեդական լեգենդար Tiamat խումբն էր:
Փառատոնի հետ կապված ամբողջ ոդիսականը հիշեցնում էր դետեկտիվ պատմություն՝ «Գահերի խաղը» սերիալի սյուժեի տարրերով: Ռոք փառատոնի համար ժամանելով Վրաստան՝ մենք շաբաթ երեկոն անցկացրեցինք թբիլիսյան տարբեր բարերում ու սրճարաններում՝ համտեսելով խինկալի ու նորմալ լիմոնադ: Բայց ոչ թե որովհետեւ մենք որոշել էինք գլուխ պահել ու չաշխատել, այլ որովհետեւ կրոնապաշտ ակտիվիստները ձախողել էին փառատոնի առաջին օրը (լրիվ «Գահերի խաղը» սերիալի ոգով):
Ուկրաինական Jinjer խմբի ելույթի ժամանակ բեմ ներխուժեցին մի խումբ կրոնական անհանդուրժողներ, որոնք պահանջում էին դադարեցնել համերգը: Պարզվում է, որ երաժշտությունը դուր չէր եկել եկեղեցուն, որը փառատոնի անցկացման վայրից մեկ կիլոմետր հեռավորության վրա էր գտնվում:
Չնայած կազմակերպիչները ունեին միջոցառումն անցկացնելու համար բոլոր անհրաժեշտ փաստաթղթերը, համերգն այնուամենայնիվ խափանվեց, քանի որ անհանդուրժողներն անջատել էին էլեկտրականությունը:
Բայց փառատոնի կազմակերպիչները չշփոթվեցին, չհուսահատվեցին, վճռական տրամադրված՝ սկսեցին համերգի անցկացման համար ուրիշ տեղ փնտրել:
Տեղը գտնվեց, բայց մինչեւ վերջին պահը դրա մասին չէին հայտնում, որպեսզի խուսափեն նոր անախորժություններից:
Փառատոնի բազմաթիվ ֆանատներին առաջինը ուրախացրեցին Summoned Tide խմբի շվեդները, որոնց բաս կիթառահարը հիասքանչ Ջենիֆերն էր:
Իսկ ահա իսրայելական Walkways խումբը ցնցեց իր այլընտրանքային մետալի էներգետիկայով:
Երբ ես իմ խղճուկ եղբրայերենով կոլեկտիվի տղաներին հարցրեցի, թե երբ կգան Հայաստան, նրանք համեստորեն պատասխանեցին՝ «Երբ կհրավիրեն»:
Երբ հանդիսատեսն արդեն բավականաչափ ոգեւորված էր՝ նրան մատուցեցին Թիամաթին (ոչ թե շումերական աստվածուհուն, այլ շվեդական խմբին). Պարոն Էդլունդը, ինչպես եւ հարկն է, երկար բարակ խոսում էր, ըստ երեւույթին հարբած էր ու անհավանական դուրեկան:
Խմբի առաջնորդի էներգետիկան արագ տարածվեց ամբողջ դահլիճում՝ ստիպելով թռվռալ, երգել, պարել ու բղավել:
Մոգությունը պետք է մոգական լինի, ասում էր մի իմաստուն:
Պարույր Սինյավսկի Թբիլիսիից
Հետևեք NEWS.am STYLE-ին Facebook-ում, Twitter-ում և Instagram-ում
10:20, 3 մայիսի
Քիմ Քարդաշյանը կիսվել է իր վերջին ֆոտոշարքի «բեքսթեյջային» կադրերով09:00, 3 մայիսի
ՄԱՅԻՍԻ 3-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:02, 2 մայիսի
Ֆիլմերում սեքսը կտրուկ նվազել է, բայց դարձել է ավելի բացահայտ22:18, 2 մայիսի
Armflix Էքսկլյուզիվ ֆիլմեր և սերիալներ՝ առանց սահմանափակումների, առանց գովազդի և ֆանտաստիկ որակի21:34, 2 մայիսի
1968 թվականի Grand Seiko ժամացույցն աճուրդում վաճառվել է ավելի քան 90,000 դոլարով20:18, 2 մայիսի
Միայնակ ամերիկացին, որը հուսահատ սեր է փնտրում, շաբաթական 400 դոլար արժողությամբ գովազդային վահանակ է տեղադրել19:43, 2 մայիսի
Կադրեր՝ «Լադանիվա»-ի եվրատեսիլյան երկրորդ փորձից (ֆոտո/վիդեո)19:21, 2 մայիսի
Միլիարդատեր Ջորջ Սորոսի որդու եւ ընկերուհու՝ Հումա Աբեդինի՝ որպես զույգ հանրային դեբյուտը կկայանա Met Gala-ի շրջանակում16:21, 2 մայիսի
Airbnb-ը թույլ կտա ժամանակ անցկացնել թռչող տնակում կամ հանգստանալ Փրինսի Purple Rain առանձնատանը15:10, 2 մայիսի
Քիմ Քարդաշյանը պատրաստվում է նոր ֆոտոշարքի14:38, 2 մայիսի
Քրիս Ջեններն իր կերպարանքով ամանորյա զարդ է ներկայացրել, որն արժե 82 դոլար13:53, 2 մայիսի
Լիզա Մորյակը՝ Սարիկ Անդրեասյանի հետ ամուսնության մասին. «Սեքսը ամուր հարաբերությունների հիմքն է»