• «Գերին և Գրեյսը»․ հույսի և մենության մասին տրագիկոմեդիան հայ հանդիսատեսին կներկայացնեն Հովհաննես Բաբախանյանն ու Նարինե Չիլինգարյանը

  ԱՄՆ-ում բնակվող ՀՀ վաստակավոր արտիստ Հովհաննես Բաբախանյանը սեպտեմբերին հյուրախաղերով հանդես կգա հայրենիքում...

• Բլոգեր Նուշիկ Օհանյանի ամուսինը, մեկ տարի կոմայի մեջ գտնվելուց հետո, մահացել է

  Բլոգեր Նուշիկ Օհանյանի ամուսինը, մեկ տարի կոմայի մեջ գտնվելուց հետո, մահացել է…

• Ալեն Սիմոնյանի շնորհավորանքը կնոջը՝ Անելյա Գուբրյանին, 26-ամյակի առթիվ (ֆոտո)

  Անվտանգության խորհրդի քարտուղար Ալեն Սիմոնյանի կինը՝ մոդել Անելյա Գուբրյանն, այսօր՝ սեպտեմբերի 2-ին, նշում է ծննդյան 26-ամյակը…

• ArmenՅԱՆs. Ջեք Թոփալյան՝ «էյֆորիայի» հայ աստղը․ ինչպե՞ս բիզնեսը փոխարինեց դերասանի կարիերայով, «տանջեց» Ջեյքոբ Էլորդիին ու հայերեն խոսեց ամերիկյան հայտնի սերիալում

  Մենք՝ հայերս, աշխարհի որ երկրում էլ լինենք, միշտ հպարտություն ենք ապրում, երբ մեր հայրենակիցներից մեկին հանկարծ տեսնում ենք որևէ խոշոր միջազգային նախագծում...

• Անձրևի և կայծակի պատճառով հետաձգվել է Էրիկի մենահամերգը

  Համերգի մեկնարկից հետո երգիչը հասցրել է մի քանի երգ կատարել, սակայն ուժեղ անձրևի և կայծակի պատճառով միջոցառումը ստիպված են եղել դադարեցնել։ Էրիկ Կարապետյանն ավելի ուշ իր ինստագրամյան սթորիում հայտնել է, որ համերգը տեղափոխվում է սեպտեմբերի 3-ին՝ ժամը 20:30-ին...

• Մոհաննայի «Անպայման»-ը․ նոր երգ, նոր տրամադրություն ու սիրելի տղամարդուն ուղղված երաժշտական խոստովանություն

  Մոհաննան ներկայացրել է իր նոր՝ «Անպայման» երգը, որն արդեն հասանելի է նաև ամբողջական տեսահոլովակով։ Նոր աշխատանքով երգչուհին ոչ միայն շարունակում է իր երաժշտական ճանապարհը, այլև բացում է իր զգացմունքային աշխարհի մի նոր էջ՝ երգը նվիրելով իր սիրելի տղամարդուն...

• Անի Արզումանյանն ու Վազգեն Օհանյանը ամուսնացել են

  Այսօր՝ օգոստոսի 29-ին, տեղի է ունեցել բլոգեր և դերասանուհի Անի Արզումանյանի ու ստենդափեր Վազգեն Օհանյանի հարսանիքը...

• Հայ դերասան Սամվել Թադևոսյանը նկարահանվել է Dior Men-ի նոր արշավում

  Հայ դերասան Սամվել Թադևոսյանը նկարահանվել է Dior Men Tailoring Winter 2026 նոր գովազդային արշավում: Նա դարձել է ֆրանսիական նորաձևության տան՝ տղամարդու կոստյումին նվիրված նախագծի մոդելներից մեկը..

Նազո Բրավոն բավականին ճանաչված ռեփեր է ԱՄՆ-ում: Նա նաեւ նկարահանվում է ֆիլմերում, իսկ իր ստեղծագործությունների միջոցով փորձում է աշխարհին եւս մեկ անգամ հիշեցնել Հայոց ցեղասպանության եւ հայ ժողովրդի կրած դժվարությունների մասին:

Առաջիկայում էկրաններին կհայտնվի Նազոյի մասնակցությամբ «Հայաստան, իմ սեր»/Armenia, My Love ֆիլմը, իսկ այսօր` հունիսի 24-ին, ԱՄՆ-ում կկայանա «Վրիժառուի օրագրերը» ֆիլմի պրեմիերան, որտեղ ամերիկացի դերասանների կողքին իրենց մասնակցությունն են ունեցել նաեւ մեր հայրենակցները` Արման Նշանյանն ու Նազո Բրավոն:

NEWS.am STYLE-ը բացառիկ  զրույց է ունեցել Նազոյի հետ ոչ միայն այս, այլեւ իր մյուս աշխատանքների եւ առաջիկա ծրագրերի մասին: 

-Նազո, մի փոքր կխոսե՞ք «Վրիժառուի օրագրերը» ֆիլմի մասին, որի պրեմիերան կկայանա այսօր:

-«Վրիժառուի օրագրերը»  ֆիլմում հեղինակել եմ երկու երգ: Այնտեղ նկարահանվել են մի քանի ամերիկացի դերասաններ, նաեւ Արման Նշանյանը. Կարեւոր է նաեւ այն փաստը, որ դրա մի մասը նկարահանվել է Հայաստանում… 

- «Վրիժառուի օրագրերը» ֆիլմից բացի` վերջերս նկարահանվեցիք «Հայաստան, իմ սեր»/Armenia, My Love ֆիլմում` մարմնավորելով գլխավոր հերոսին: Պատմեք նրա մասին:

-Ֆիլմում մարմնավորում եմ Գրիգոր Օրբելյան անունով հերոսին` հայ մտավորական, որն ապրել է 1915 թ-ին: Նա բժիշկ էր, նաեւ համայնքի ղեկավար եւ ժամանակի ամենախելացի մարդկանցից էր: Ֆիլմը նրա ընտանիքի մասին է, որոնք մի շարք ապրումներ են ունենում Հայոց ցեղասպանության հետեւանքով:

Ինձ համար այդ հերոսին մարմնավորելը պատիվ է: Որպես դերասան կարծում եմ` ես պետք է ճանաչելի դարձնեմ իմ երկրի պատմությունն ու մշակույթը: Իմ հերոսի կյանքը վերապրելը շատ զգացմունքային եւ հուզիչ փորձություն էր ինձ համար, հատկապես գիտակցելով, որ ցեղասպանությունը կոտրում է նրա վերջին հույսն էլ: Իհարկե, ոչ-ոք չի կարող մինչեւ վերջ վերապրել այն, ինչ ապրել են ցեղասպանություն տեսած մարդիկ, սակայն Գրիգորին մարմնավորելով՝ ես ինչ-որ չափով զգացի այդ ամենը…

-Ֆիլմն արդեն ինչ-որ տեղ ցուցադրվե՞լ է: Արդյո՞ք այն կցուցադրվի Հայատանում:

-Ֆիլմը ցուցադրվել է Լոս Անջելեսի մի քանի կինոթատրոններում: Բավականին դրական արձագանքներ եմ լսել բոլոր նրանցից, ովքեր դիտել են այն: Չգիտեմ` արդյոք այն երբեւէ կցուցադրվի Հայաստանում, թե ոչ, բայց հետաքրքրված մարդիկ այն կարող են դիտել օնլայն տարբերակով, կամ էլ DVD-ով:

-Նազո, եւ ստեղծագործում եք երաժշտության ոլորտում, եւ նկարահանվում եք ֆիլմերում. Ո՞ր ասպարեզն է Ձեզ ավելի հոգեհարազատ:

-Երաժշտությունն իմ առաջին սերն է, բայց երկուսն էլ ինձ համար հոգեհարազատ ոլորտներ են: Ինձ դուր է գալիս ստեղծագործել թե՛ երաժշտության ոլորտում, թե՛ նկարահանման հրապարակում: Օրինակ, երբ ինչ-որ երաժշտական ստեղծագործություն եմ գրում, ես հանդիսատեսի առաջ իմ հոգին եմ բացում: Այժմ նաեւ ֆիլմերի սցենարներ եմ գրում, ինչը ինձ եւս դուր է գալիս, քանի որ դու կարողանում ես ստեղծել մի աշխարհ եւ դասավորել այնտեղի բնակիչների ճակատագրերը:

-Նազո, նաեւ մեծ դեր եք կատարում Հայոց Ցեղասպանության ճանաչման հարցում. Ի՞նչ արձագանքների եք, սովորաբար, արժանանում Ձեր լսարանի կողմից.

-Իմ օտարերկրացի ընկերներից շատերն ինձ ասում են, որ մինչեւ իմ երգերին ծանոթանալը ոչինչ չեն իմացել Հայող ցեղասպանության մասին եւ շնորհակալություն են ինձ հայտնում, որ իրենց ծանոթացնում եմ մեր պատմությանը: Ինձ համար դա անչափ հաճելի է, քանի որ Hip-Hop-ը շատ հարմար հարթակ է պատմություն պատմելու համար: Այսպես ես ծանոթացել եմ նաեւ սեւամորթների պատմությանը: Ես հաճախ եմ իմ երգերում կրկնում «Այո» բառը, որն իմ այցեքարտն է դարձել: Դրա միջոցով ամբողջ աշխարհի հայերը կիմանան, որ ես իրենց համար եմ երգում: Միեւնույն ժամանակ, դա մի նոր եւ թարմ շունչ է օտարերկրացիների համար:

-Ձեր երգերից մեկը կոչվուն է James Bond: Արդյո՞ք այդ հերոսի կերպարն է Ձեզ ոգեշնչել գրել այն:

-Այո, հավանում եմ Ջեյմս Բոնդի կերպարը: Ահա, թե ինչու եմ տեսահոլովակներում եւ տարբեր միջոցառումների ժամանակ հաճախ հագնում կոստյում: Բացի դա, կարծում եմ` ռեփի եւ Բոնդի աշխարհները մի շարք ընդհանրություններ ունեն` արագ ավտոմեքենաներ, կանայք, վտանգ…Այսպիսով, ես կապ գտա նրա հետ ու հուսով եմ` մյուսներն էլ են տեսնում այդ կապը:

-2014-ին եկաք Հայաստան եւ այստեղ նկարահանեցիք «Ամերիկահայը»/Armenian-American վավերագրական  ֆիլմը: Կխոսե՞ք այդ մասին:

-Ինձ համար դա մեծ փորձ էր…Ես հնարավորություն ունեցա տեսնելու իմ երկիրը, այն վայրը, որտեղ ծնողներս են մեծացել: Բացի դա, ծանոթացա հայկական ժամանցային հեռուստատեսությանը, այցելեցի մի քանի ձայնագրան ստուդիաներ, որոնցից մեկում հանդիպեցի Ռուբեն Հախվերդյանին, նաեւ հնարավորություն ունեցա շփվելու հայ ռեփերներից մի քանիսի հետ: Այդ ամբողջը ես վերածեցի  ութ մասից բաղկացած վավերագրական ֆիլմի: Երեք ամիս մնացի Հայաստանում, բայց շատ եմ ուզում վերադառնալ…

Նաեւ ուզում եմ առանձնահատուկ նշել Սուրեն Թադեւոսյանի անունը, որի շնորհիվ էլ վերապրեցի այս ամենը: Ցավում եմ, որ նա այլեւս մեզ հետ չէ… Ես գրել եմ նրա «Մինչեւ ես կմեռնեմ» ֆիլմի սաունդթրեքը, եւ հիմա այս վավերագրական ֆիմը նայելիս կրկին տեսնում եմ նրան եւ վերապրում այդ օրերը: Նա ինձ համար շատ լավ ընկեր էր:

-Կա՞ն նոր նախագծեր, որոնց վրա աշխատում եք այս պահին:

-Այո, իմ սեփական շապիկների հավաքածուն եմ ստեղծել, որը վաճառում ենք ամբողջ աշխարհով մեկ: Այժմ աշխատում եմ իմ ալբոմի վրա, որը կոչվում է MIGHTY HYE, որի շնորհիվ նպատակ ունեմ տեղ զբաղեցնել ամերիկյան շուկայում: Ինձ աջակցելու համար, պետք է մտնել հետեւյալ հղումով.

Նաեւ մի քանի ֆիլմերի վրա եմ աշխատում: Դրանցից մեկը մի ռոմանտիկ թրիլլեր է, որի իրադարձությունները տեղի են ունենում Ամերիկայում եւ Հայաստանում: Ի դեպ, պատրաստ ենք համագործակցել հայկական պրոդյուսերական ընկերությունների հետ: Եթե հետքրքրվածներ կան, կարող են գրել մեր կայքին:

Հրաշալի պատմություն է ընկած ֆիլմի հիմքում եւ եթե ամեն ինչ ստացվի, մեծ սիրով կրկին կգամ Հայաստան, որպեսզի զբաղվեմ ֆիլմի աշխատանքներով:

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում