Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

Միլա Յովովիչը, Դիմա Բիլանը, Ստելա Մաքսվելն ու Ջոնի Դեփի դուստրը` Vogue-ի հայ լուսանկարչի աչքերով. NEWS.am STYLE-ի հարցազրույցը Դավիթ Մուշեղյանի հետ

14:15, 28 հունիսի

Vogue հանրահայտ ամսագրի հայ լուսանկարիչ Դավիթ Մուշեղյանն (David Mushegain) օրերս Հայաստանում էր: Լուսանկարիչն այստեղ էր հայրենիքը տեսնելու նպատակով, բայց նաեւ հասցրեց իրականացնել ֆոտոշարք Victoria’s Secret-ի հայ մոդել Ռուբինա Խանզադյանի հետ, որի հետ մեր հետաքրքիր հարցազրույցն արդեն ներկայացրել ենք ձեր ուշադրությանը:

Իսկ Դավիթի հետ զրուցել ենք Հայաստանի,  VItoria’s Secret-ի մեկ այլ հայտնի մոդել Ստելա Մաքսվելի հետ մտերմության եւ Our City of Angels նախագծի մասին, որտեղ նկարահավել է նաեւ հայտնի դերասան Ջոնի Դեփի դուստրը` Լիլի-Ռոուզ Դեփը:

-Դավիթ, ինչպե՞ս է ստացվել, որ ապրում եք Միացյալ Նահանգներում:

-Հորս ընտանիքը Կալիֆորնիա է տեղափոխվել 1900-ականներին` ցեղասպասնության առաջին դրսեւորումների ժամանակ: Մայրիկիս ընտանիքը տեղափոխվել է 1915 թ-ից հետո: Այսպիսով, շատ երկար ժամանակ է, ինչ ապրում ենք ԱՄՆ-ում, բայց իմ ծնողները 100 տոկոսանոց հայեր են: Վստահ կարող եմ ասել, որ իմ երեխաներն էլ են այդպիսին լինելու: Ինձ փոքրուց պատմել են Հայաստանի եւ մեր պատմության մասին: Հպարտ եմ, որ հայ եմ: Մեծացել եմ հայկական եկեղեցի հաճախելով, ամառային ճամբարներ կազմակերպելով, հայկական երաժշտություն լսելով, հայկական խոհանոց սիրելով…մի խոսքով` իսկական հայկական ընտանիքում: Շատ եմ սիրում մեր մշակույթը: Ես հավատում եմ, որ իրականում բոլոր հայերն էլ քույրեր ու եղբայրներ են:

-Ձեր հարցազրույցներից մեկում նշել էիք, որ շատ վաղ տարիքից եք սկսել աշխատել եւ ամենատարբեր աշխատանքներ եք կատարել: Ի՞նչը Ձեզ ոգեշնչեց զբաղվել լուսանկարչությամբ:

-Երիտասարդ տարիքից սկսեցի լուսանկարել: Ինձ մարդիկ ասում էին, որ դա ինձ մոտ լավ է ստացվում եւ որ պետք է շարունակեմ զարգացնել այդ տաղանդն իմ մեջ: Այդ ժամանակ, սակայն, ես շատ էի սիրում գրել եւ ճանապարհորդել: Շատ երկրներում էի լինում, ներկայացնում էի իմ գրած երաժշտությունն ու շփվում տեղի բնակիչների հետ:  26 տարեկանում հասկացա, որ արդեն ժամանակն է ինչ-որ բանով զբաղվել: Այդպես սկսեցի հագուստի մոդելավորմամբ զբաղվել: Իմ հագուստն ամենուրեք վաճառում էի` թե՛ Barney-ի պես խոշար խանութներին, թե՛ հայտնի խմբերին, ինչպիսին, օրինակ, The Rolling Stones-ն է: Այս աշխատանքը կատարելով կարողացա գումար վաստակել եւ գնեցի տեսախցիկ:

-Հետաքրքիր է` ինչո՞ւ Ձեր Մուշեղյան ազգանունը դարձավ Mushegain:

-Դե, իմ ազգանունը Մուշեղյան է, բայց ի սկզբանե, երբ նախապապս եկել է Միացյալ Նահանգներ, մեր ազգանունը սխալ են գրել` Mushegain: Ու մինչ օրս այն այդպես էլ մնացել է:

Ի դեպ, Դավիթը նաեւ Դիմա Բիլանի "Неделимые" տեսահոլովակի ռեժիսորն է, որտեղ նկարահանվել է հայտնի մոդել Էմիլի Ռատաժկովսկին:

-Խոսենք Our City of Angels նախագծի մասին, որտեղ լուսանկարել եք նաեւ Հոլիվուդի սիրված դերասան Ջոնի Դեփի դստերը` Լիլի-Ռոուզ Դեփին: 

-Այս նախագիծն իրականացրել եմ իմ լավ ընկեր Սամվել Հարությունյանի հետ միասին: Երկուսս էլ ցանկանում էինք ստեղծել ինչ-որ կրեատիվ եւ զվարճալի բան: Որպես լուսանկարիչ` ինձ համար շատ կարեւոր է, ժամանակ առ ժամնակ, ներկայանալ ստեղծագործ մտքերով: Ինչպես գիտեք` յուրաքանչյուր մեծ քաղաք ունի իր ամսագրերը, որոնք ներկայացնում են տեղի նորաձեւությունը, սակայն Լոս Անջելեսում չկա նմանօրինակ ամսագիր: Այսպիսով, մտածեցի` շատ լավ կլինի, եթե ես ներկայացնեմ մեր քաղաքի այդ կողմը: Ես սիրում եմ Լոս Անջելեսը, ես այստեղ եմ մեծացել եւ այն մոտ է իմ սրտին եւ հոգուն:

-Դավիթ, խոսելով Victoria’s Secret-ի հայտնի մոդել Ստելա Մաքսվելի մասին` նշել էիք, որ նա ձեր ընտանիքի մի անդամն ասես լինի: Ինչպե՞ս եք ծանոթացել եւ այդքան մտերմացել նրա հետ:

-Ստելան եւ ես հանդիպել ենք Փարիզում, մոտավորապես, հինգ տարի առաջ: Նրան տեսա սրճարաններից մեկում եւ մտածեցի` նա իմ տեսած ամենագեղեցիկ աղջիկն է: Սկսեցի շփվել նրա հետ, իսկ հետո մենք դարձանք շատ մոտ ընկերներ, նա դարձավ իմ մուսան: Մենք միասին շատ ենք ճանապարհորդել, այդ ընթացքում ես նրան հաճախ եմ լուսանկարել: Ստելան աննկարագրելի մոդել է, նա ինձ շատ է ոգեշնչում: Նա իմ ընտանիքն է: Նա եւս եղել է ինձ հետ Հայաստանում եւ նրան մեր երկիրը շատ է դուր եկել: 

-Ի դեպ, Հայաստան կատարած Ձեր նախորդ այցի մասին... Ինչպե՞ս ստացվեց, որ որոշեցիք հենց այստեղ իրականացնել Ստելայի հետ ձեր ֆոտոշարքը:

-Ե՛ւ ես, ե՛ւ Ստելան համոզված էինք, որ շատ հետաքրքիր կլինի, եթե միասին գանք Հայաստան: Ի դեպ, նա ինձ հետ հաճախ է գալիս հայկական եկեղեցի Լոս Անջելեսում եւ Նյու Յորքում, այսպիսով` նա շատ բան գիտի մեր մշակույթի մասին: Երբ ռուսական Vogue-ի կողմից հայկական թեմատիկայով ֆոտոշարք իրականացնելու առաջարկ ստացա, անչափ ուրախացա. Ես վերջապես կարող էի աշխատել իմ երկրում: Ստելան ինձ համար շատ թանկ մարդ է, ինչպես եւ ինձ համար թանկ է մեր մշակույթը: Ուրախ եմ, որ հենց նրան լուսանկարեցի հայկական միջավայրում:

Հայաստանն ու հայերն ինձ համար շատ թանկ են: Կցանկանայի, որ մեր ժողովրդին չթալանեին, իսկ կորզած ունեցվածքը վերադարձնեին: Երբ հեռու ես գտնվում երկրիցդ, ավելի լավ ես հասկանում դրա արժեքը: Կցանկանայի, որ իմ աշխատանքի շնորհիվ աշխարհի տարբեր ծայրերում ապրող հայերն էլ տեսնեին, թե որքան լավն է մեր մշակույթը եւ հաճախ գային այստեղ` տեսնելու մեր երկիը:

-Ի՞նչ տպավորություններ ստացաք Հայաստան կատարած Ձեր այցից:

-Այնքան եմ սիրում Հայաստանը, հայերին… շատ կցանկանայի բնակարան ունենալ Երեւանում: Ինձ դուր է գալիս այստեղ աշխատելը: Շատ նախագծեր եմ ցանկանում այստեղ իրականացնել:

Ինձ համար նաեւ մեծ ձեռքբերում էր մոդել Ռուբինա Խանզադյանի հետ աշխատելը: Միշտ ցանկացել եմ համագործակցել հայ մոդելի հետ: Ռուբինան հրաշալի անձնավորություն է:

Հաջորդ այցիս ժամանակ կցանկանայի գիրք գրել Հայաստանի մասին: Չգիտեմ` երբ կիրականացնեմ դա, բայց միշտ մտածում եմ այդ ուղղությամբ:

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում




Տպել    |  In English

  • Այս թեմայով



@NEWSam_STYLE

  • Արխիվ
Որոնել