Հին իրերի կյանքը երկարացնելը կապված է ոչ այնքան խնայողության, որքան երեւակայության եւ ստեղծագործական մտքի հետ: Հավանաբար շատերն են առնչվել խնդրին, որ ափսոս է դեն նետել սիրելի ջինսերը, բայց եւ դրանք հագնելն այլեւս անհնար է: Եվ հին իրերի վերածնունդն ու դրանց նոր կյանք հաղորդելը դյուրին խնդիր չէ:
NEWS.am STYLE-ը գտել է ջինսերի ձեւափոխման պարզ, դրա հետ մեկտեղ՝ հանճարեղ տարբերակ: Առանձնապես ոչինչ հնարել պետք չէ, ամեն ինչ գրեթե պատրաստ է: Մկրատի մի քանի շարժում, մի քիչ աշխատանք թել ու ասեղով, նորաձեւ եւ անհրաժեշտ ձեւավորման վերջին նրբությունները, եւ ահա ձեր առջեւ արդեն բոլորովին նոր իր է. գեղեցիկ եւ օգտակար պայուսակ:
1. Վերցրեք հին ջինսը: Քանդեք մեջտեղի կարերը՝ ապագա պայուսակի նյութ ստանալու համար: Ովքեր ցանկանում են պատրաստել նեղ պայուսակ, կարող են համարձակորեն կտրել երկու ոտնամասերն էլ: Իսկ ովքեր նախընտրում են առավել խորը պայուսակները, պետք է մի փոքր վերանորոգեն իրը:
2. Նեղ պայուսակ ստանալու համար պետք է կտրել երկու ոտնամասերն էլ մինչեւ գրպանների հատվածը: Դրա համար հարկավոր է օգտագործել սուր մկրատ: Այնուհետեւ հարկավոր է ստացված նմուշը շրջել եւ հակառակ կողմից մեքենայով մեկ գծակարով կարել պայուսակի հատակը:
3. Այնուհետեւ հարկավոր է կտորը խնամքով փռել սեղանին, ինչից հետո կավիճով գծագրել կտորի առանձին հատվածները, որոնք հետագայում պետք է կտրվեն: Այդպիսով, կարելի է ստանալ առավել խորը հատակով պայուսակ: Բոլոր հատվածները գծագրելուց հետո կտրեք ոտքերի հատվածները: Հետո մաքրում ենք կարերը, որպեսզի ստացվի կիսաշրջազգեստի նման մի բան:
4. Խորը պայուսակ ստանալու համար անհրաժեշտ է պատրաստել լրացուցիչ տարրեր, այսինքն՝ հենց հատակը եւ կողամասերը: Դրա համար ամենից հարմարը ոտնամասերի կտորն օգտագործելն է: Կողամասերի երկարությունը պետք է լինի նվազագույնը 8 սմ: Նաեւ, եթե կտրված ոտնամասերի երկարությունը թույլ է տալիս, պատրաստեք ամբողջական տարր, այսինքն՝ հատակը կողամասերի հետ միասին: Ստացված հատվածը մաքրել այնպես, որպեսզի կարերը լինեն ապագա պայուսակի առջեւի մասում: Ասեղի միջոցով կարելի է մնացած թելերը դուրս բերել. կստացվեն ծոպեր:
5. Հիմա արդեն կարելի է անցնել բռնակների պատրաստմանը: Մնացած կտորից մի քանի շերտեր կտրեք եւ դրանցից պայուսակի համար մեկ կամ երկու բռնակ սարքեք: Մեկ բռնակը կարում ենք արտադրանքի հակադիր կողմերում, երկու բռնակները կարում ենք ավանդական ձեւով: Երբ արտադրանքը պատրաստ է, այն կարելի է զարդարել ուլունքներով, ժապավեններով եւ ձեւավորման այլ տարրերով:
Հետևեք NEWS.am STYLE-ին Facebook-ում, Twitter-ում և Instagram-ում
09:00, 6 մայիսի
ՄԱՅԻՍԻ 6-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ20:05, 5 մայիսի
Երեւանյան շաուրման. տեղական սիրված եւ քիչ հայտնի վայրերը19:26, 5 մայիսի
«Լադանիվա»-ն՝ «Եվրատեսիլ 2024»-ի բացման պաշտոնական արարողությանը19:13, 5 մայիսի
Ինչպես շունը ձեռք բերեց իր տիրոջը, կամ «Արթուր, դու թագավոր ես» ժապավենը18:33, 5 մայիսի
Տարօրինակ կանոններ, որոնց պետք է հետեւեն Met Gala-ի մասնակիցները16:18, 5 մայիսի
Լորեն Սանչեսին Met Gala-ի համար հանդերձանք ընտրելիս կօգնի հենց ինքը՝ Աննա Վինտուրը14:02, 5 մայիսի
Ջենիֆեր Լոպեսն իրեն «չհասկացված» է զգում՝ ինստագրամհան ատելության պատճառով12:15, 5 մայիսի
Շերոն Սթոունի որդին գնում է մոր՝ դերասանական հետքերով11:39, 5 մայիսի
«ԴԴՏ» կուլտային խմբի մեծ համերգը՝ Երեւանում10:30, 5 մայիսի
Մադոննան կրքոտ համբուրել է պարուհուն՝ Բրազիլիայում իր Celebration շրջագայության փորձի ժամանակ09:00, 5 մայիսի
ՄԱՅԻՍԻ 5-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ20:20, 4 մայիսի
Գուրգեն Դաբաղյանի 3-ամյա դուստրը եւս միացել է TikTok-ում ամենատարածված հնդկական թրենդին (VIDEO)